اپنی پسند کا ایک شعر۔۔ ۔ ۔ ۔ ۔

[طارم نایاب]

اب میں سمجھی تیرے رخسار پہ تل کا مطلب
دولت حسن پہ دربان بیٹھا رکھا ہے

 

[وسیبی]

عدیم دل کو ہر اِک پر نہیں نِثار کِیا​

جو شخص پیار کے قابل تھا، اُس کو پیار کِیا​

 

[غ۔ن۔غ]

تو اپنے آپ میں تنہا ہے میری نظروں میں
کہاں سے ڈھونڈ کے لاؤں ترے مثال کی بات

( اندرا ورما )

 

[غ۔ن۔غ]

تمھارے سامنے رہتی ہیں نیم وا ہمدم
حیا شناس بہت ہیں یہ با ادب آنکھیں
( اندرا ورما )

 

[غ۔ن۔غ]

تری راہ کتنی طویل ہے، میری زیست کتنی قلیل ہے
مرا وقت تیرا اسیر ہے،مجھے لمحہ لمحہ سنوار دے

( اندرا ورما )

 

[غ۔ن۔غ]

گہرے پانی میں ذرا آؤ اتر کر دیکھیں
ہم کو دریا کے کنارے نہیں اچھے لگتے

( اندرا ورما )

 

[غ۔ن۔غ]

تمام فکر زمانے کے ٹال دیتا ہے
یہ کیسا کیف تمھارا خیال دیتا ہے

( اندرا ورما )

 

[مغزل]

یارب یه طلسم شب مهتاب نه ٹوٹے
میں جاگ بھی جاءوں تو مرا خواب نه ٹوٹے
اعجاز رحمانی

 

[مغزل]

تمام فکر زمانے کے ٹال دیتا ہے
یہ کیسا کیف تمھارا خیال دیتا ہے
( اندرا ورما )

وه آئنے کو بھی حیرت میں ڈال دیتا هے
کسی کسی کو خدا یه کمال دیتا هے..
اعجاز رحمانی

 

[غ۔ن۔غ]

گلوں سی گفتگو کریں قیامتوں کے درمیاں
ہم ایسے لوگ اب ملیں حکایتوں کے درمیاں

(ادا جعفری)

 

[غ۔ن۔غ]

جو میری پلکوں سے تھم نہ پائے وہ شبنمیں مہرباں اجالے
تمھاری آنکھوں میں آگئے تو تمام رستے نکھر گئے ہیں

(ادا جعفری)

 

[غ۔ن۔غ]

جو آنکھوں اوٹ ہے چہرہ اسی کو دیکھ کر جینا
یہ سوچا تھا کہ آساں ہے مگر آساں نہیں ہوتا
(ادا جعفری)

 

[غ۔ن۔غ]

لمحاتِ مسرت ہیں تصور سے گریزاں
یاد آئے ہیں جب بھی غم و آلام ہی آئے
ادا جعفری

 

[غ۔ن۔غ]

وحشت میں بھی منت کشِ صحرا نہیں ہوتے
کچھ لوگ بکھر کر بھی تماشا نہیں ہوتے
زہرا نگاہ

 

[غ۔ن۔غ]

شب بھر کا ترا جاگنا اچھا نہیں زہرا
پھر دن کا کوئی کام بھی پورا نہیں ہوتا
زہرا نگاہ

 

[غ۔ن۔غ]

رہتا ہوں‌ بگولوں کی طرح رقص میں بیتاب
اے ہم نفسو! میں دلِ صحرا سے اٹھا ہوں

عرش صدیقی

 

[خالد محمود چوہدری]

مار ہی ڈال مجھے چشمِ ادا سے پہلے
اپنی منزل کو پہنچ جاؤں قضا سے پہلے

اِک نظر دیکھ لوُں آجاؤ قضا سے پہلے
تم سے مِلنے کی تمنّا ہے خُدا سے پہلے

حشر کے روز میں پُوچھونگا خُدا سے پہلے
تُو نے روکا نہیں کیوں مجھ کو خطا سے پہلے

اے مِری موت ٹھہر اُن کو ذرا آنے دے
زہر کا جام نہ دے مجھ کو دوا سے پہلے

ہاتھ پہنچے بھی نہ تھے زُلفِ دوتا تک مومن
ہتھکڑی ڈال دی ظالم نے قضا سے پہلے

 

[غ۔ن۔غ]

ہم نہیں ہوں گے اور دنیا کو
تو سنائے گا داستاں جاناں

فرحت عباس شاہ

 

[غ۔ن۔غ]

دیکھنے میں تو کچھ نہیں لیکن
اک زمانہ ہے درمیاں جاناں

فرحت عباس شاہ

 

[غ۔ن۔غ]

حسین راتیں بھی مہکیں تمہاری یادوں سے
کڑے دنوں میں بھی پَل پَل تیرا خیال رہے

فرحت عباس شاہ