یار تم برا مان گئے ۔ تم میرے چھوٹے بھائیوں کی طرح ہو۔ اور ’’تم‘‘ میں نے اس لیئے ’’آپ ‘‘ کو کہا کہ بہت پرانی دوستی ہے ۔میں اپنے چھوٹے بھائی کو بھی ایسا ہی مخاطب کرتا ہوں ۔ خیر آئندہ احتیاط کروں گا ۔
بات فلاسفر بننے کی نہیں ہے ۔ مگر مجھے تو حیرت ہوتی ہے کہ کیا کسی کا ایمان اتنا کمزور ہوتا ہے کہ وہ کسی کی دوسری تیسری چوتھی بیوی نہ بنے تو کیا واقعی اس کے لیئے ایسے حالات پیدا ہوجاتے ہیں کہ زنا اور دوسرے برے کاموں میں مبتلا ہوجائے ۔ میرے خیال میں کسی کے کردار کو اس درجے کمزور اور پستی پر پرکھنا نہیں چاہیئے ۔ مرد اور عورت کو برے کام کرنے ہوں تو مذید شادیوں کی اجازت بھی ان کو ان کاموں سے روک نہیں سکتی۔ میرا کہنا یہ ہے کہ ایک سے زائد شادیوں کو اللہ کا احکام کی نظر میں دیکھنا چاہیئے ۔ نہ کہ اس کو زنا سے بچنے کا بہانہ بناکر اپنی نفسی خواہشوں کی تکمیل کے لیئے راہ ہموار کی جائے اور مختلف تاویلیں پیش کی جائیں ۔
ظفری بھائی۔ بحیثیت صحافی 2001 میں الجزیرہ نیوز کیلئے 911 کی پشاور سٹی میں کوریج میں عمر العیساوی کی معاونت کر چکا ہوں۔ پشاور میں مشرف دور میں سلیم صافی جب جیو میں نہیں گئے تھے تو روزنامہ مشرق میں ان کے پروگرام میں وزیر داخلہ کا انٹرویو سنڈے میگزین کے لئے چل رہا تھا تو وہاں گھس کر ایک سٹنگ آپریشن کیا جس میں رپورٹنگ اور حتیٰ کہ تصاویر تک میں اپنے اخبار کے لئے لے چکا تھا۔ جس پر ایاز باچا جو کہ مشرق کے کرتا دھرتا ہیں اور سلیم صافی فخر کاکاخیل کو جو کہ بعد میں آج ٹی وی میں چلے گئے تھے کو بھیج کر مجھے درخواست کی کہ میں سلیم صافی اور ایاز باچا سے ملوں ۔ جب میں ان سے ملا تو دونوں نے درخواست کی کہ ہمارے سنڈے میگزین کا بیڑا غرق ہوجائے گا اگر آپ نے وزیر داخلہ کے انٹریو کو کوئی بھی حصہ اپنے اخبار میں چھاپا۔
تو آپ کا کیا خیال ہے کہ اتنے تجربے کے بعدجس معاش کا میں ذکر کر چکا ہوں کیا یہ میں نے ویسے ہی کہا ہوگا۔ جیسا کہ آپ نے ذکر کیا کہ ایمان کی کمزوری کی وجہ سے ایسے حالات میں کوئی جاسکتا ہے تو میں ایسے سینکڑوں سروے کر چکا ہوں جس میں معاش ہی کی وجہ سے کوئی برے کاموں میں مبتلا ہوچکے ہیں۔
اور ایک تلخ حقیقت یہ بھی ہے کہ ہمارے معاشرے میں سر پر چادر اوڑھنے کے لئے تو کوئی دس روپے تک دینے کو تیار نہیں لیکن چادر اتارنے کے لئے لوگ ہزاروں لاکھوں خرچ کرنے کے لئے تاک میں بیٹھے رہتے ہیں۔
