ایک جملہ کے لطائف

[محمد عدنان اکبری نقیبی]

پرفیکٹ جوڑیاں جوتوں کی ہوتی ہیں ، باقی سب وہم ہے ۔

 

[محمد عدنان اکبری نقیبی]

‏شدید گرمی کے موسم میں خواتین روح افزا،،لیموں پانی،لسی،ستو،تربوز کا شربت،شربت انار،گنے کا رس ،فالودہ،آئسکریم،قلفی جو بھی کھا پی لیں مگران کے کلیجے میں اصل ٹھنڈ گل احمد کی اوریجنل لان کا نیا سوٹ پہن کر ہی پڑتی ہے۔

 

[سید عمران]

‏شدید گرمی کے موسم میں خواتین روح افزا،،لیموں پانی،لسی،ستو،تربوز کا شربت،شربت انار،گنے کا رس ،فالودہ،آئسکریم،قلفی جو بھی کھا پی لیں مگران کے کلیجے میں اصل ٹھنڈ گل احمد کی اوریجنل لان کا نیا سوٹ پہن کر ہی پڑتی ہے۔

کامے لگا لگا کر اسے ’’ایک جملہ‘‘ بناہی دیا آپ نے، کمال ہے!!!

 

[عبدالقیوم چوہدری]

‏اگر ماواں ٹھنڈیاں چھاواں ہیں تو اباجی بھی کسی اےسی سے کم نہیں ہوتے فرق صرف اتنا کہ انکا کمپریسر ذرا جلدی گرم ہوجاتا ہے۔

 

[یاز]

ہمارے قومی مشاغل میں سے ایک سپیڈ بریکر بنانا بھی ہے۔

 

[جاسمن]

بالکل۔میری امی کے گھر کے پاس دو عدد سپیڈ بریکر حال ہی میں بنائے گئے ہیں۔سوچ رہی ہوں کہ اس کے خلاف کس کو درخواست لکھوں؟

 

[محمد عدنان اکبری نقیبی]

بہو کے سونے کے زیور کی کوئی چیز کھونے کے بعد بہو کا شک پورے سسرال پر ہوتاہے اور ساس سوچ رہی ہوتی ہے چھپا کر اپنی ماں کو دے آئی ہوگی ۔

 

[محمد عدنان اکبری نقیبی]

پرائیوٹ نوکری میں چھٹی لینا اتنا مشکل ہوتا ہے جتنا پرانی فلموں میں گواہ کو صحیح سلامت کمرہ عدالت تک لے کر آنا ۔

 

[محمد عدنان اکبری نقیبی]

استخارہ تو ساس اور بہو کا کروانا چاہیے ، مرد بیچارے تو کہیں بھی گزارہ کر لیتے ہیں ۔

 

[محمد عدنان اکبری نقیبی]

سید عمران بھیا نے مٹھائی کی دکان کھولی تو اخبار میں کچھ یوں اشتہار دیا ،ہمیں اپنی مٹھائی کی دکان پر کام کیلئے ایسے پڑھے لکھے ،محنتی اسٹاف کی ضرورت ہے " جنہیں شوگر ہو " ۔

 

[یاز]

استخارہ تو ساس اور بہو کا کروانا چاہیے ، مرد بیچارے تو کہیں بھی گزارہ کر لیتے ہیں ۔

اسی سے ایک اور "ایک جملے کا لطیفہ" نما حقیقت بھی یاد آئی کہ

لڑکے کا اپنا گھر یا گاڑی نہ ہو تو استخارہ بھی نہیں آتا۔

 

[فرقان احمد]

سید عمران بھیا نے مٹھائی کی دکان کھولی تو اخبار میں کچھ یوں اشتہار دیا ،ہمیں اپنی مٹھائی کی دکان پر کام کیلئے ایسے پڑھے لکھے ،محنتی اسٹاف کی ضرورت ہے " جنہیں شوگر ہو " ۔

شاہ صاحب یوں بھی موقع کی تاک میں رہتے ہیں۔ ارے میاں! یہ تو براہِ راست حملہ ہے۔

 

[لئیق احمد]

لڑکے کا اپنا گھر یا گاڑی نہ ہو تو استخارہ بھی نہیں آتا۔

یعنی استخارہ کرنا نہیں آتا یا استخارہ میں ہاں نہیں آتی؟

 

[یاز]

یعنی استخارہ کرنا نہیں آتا یا استخارہ میں ہاں نہیں آتی؟

ہاں نہیں آتی۔
ذیلی مضمون بھی دیکھئے
لڑکے کا کرائے کا مکان ہو تو استخارہ نہیں آتا - ہم سب

 

[لئیق احمد]

ہاں نہیں آتی۔
ذیلی مضمون بھی دیکھئے
لڑکے کا کرائے کا مکان ہو تو استخارہ نہیں آتا - ہم سب

جو بات میرے ذہن میں تھی وہاں تفصیل سے اس خاتون نے بیان کر دی

 

[محمد عدنان اکبری نقیبی]

‏ہم دھیرے دھیرے اپنی شاندار تہذیب کو کھو رہے ہیں ،کل میں نے ایک بچے کو دیکھا ،اس نے آئسکریم کے ڈبے کو کھولا اور اسکے ڈھکن کو بنا چاٹے ہی پھینک دیا ۔

 

[ماسٹرانور]

گندم کٹائی کے وقت گاؤں کے سرکاری سکول آنے کا بھی اپنا مزہ ہوتا ہے۔نہ کوئی بچہ ہوتا ہے نہ بچے کی ذات۔' جِسٹ ریلکس'۔

 

[محمد وارث]

‏ہم دھیرے دھیرے اپنی شاندار تہذیب کو کھو رہے ہیں ،کل میں نے ایک بچے کو دیکھا ،اس نے آئسکریم کے ڈبے کو کھولا اور اسکے ڈھکن کو بنا چاٹے ہی پھینک دیا ۔

ناممکن۔ قسم کھا کر پھر بتائیے!

 

[یوسف سلطان]

‏ہم دھیرے دھیرے اپنی شاندار تہذیب کو کھو رہے ہیں ،کل میں نے ایک بچے کو دیکھا ،اس نے آئسکریم کے ڈبے کو کھولا اور اسکے ڈھکن کو بنا چاٹے ہی پھینک دیا ۔

مجھے تو اب بھی جب کبھی "کارنیٹو"کھانے کا موقع ملتا ہے توپہلے گتے پر لگی آئسکریم صاف کرتا ہوں، باقی بعد میں۔

 

[اٹھنی]

چھٹی کے بعد بس میں سوار ہوگیا پھر خیال آیا آج تو میں بائیک لایا تھا۔

بہت اعلیٰ یاد داشت ہے