حتی ٰ کہ میں تو یہ بھی کہوں گا اُردُو کی تختی پر چلتے ہوئے حروف کی رعایت سے ایک مختصر اور جامع مانع جملہ ایسا لکھا جائے کہ اہلِ زبان،بیان اور طرزِ بیان کالطف اُٹھائیں،دیگر زبانوں کے باذوق حضرات اِس میں تربیت اور تعلیم وتدریس کی چاشنی پائیں باقاعدہ شاعر اور باضابطہ نثارجملے میں انشاء پردازی کی جھلک دیکھ کر عش عش کراُٹھیں ۔
روکتا کون ہے، شکیل احمد خان23 کو خوش آمدید ہے کہ نکھری ہوئی زبان اور بیان کی بلاغت والے جملوں سے نوازیں۔ مجھے بھی جب مو قع ملا اور ذہن نے قلاشی کا مظاہرہ نہیں کیا تو اسی قسم کی جملہ سازی و بازی کروں گا
زبردست بلاغت ہے شکیل بھائی کے جملوں میں ۔استاد محترم آپکی خدمت میں ہمارا دست بستہ آداب پہنچے۔۔سلامت رہیے شاد وآباد رہیے ۔اللہ تعالی سے دعا ہے کہ اللہ تعالی آپکی حفاظت فرمائے ۔آمین
ژرف نگہی اور تعمق سے کام لیں تو متعدد جملے واقعی ایسے ہیں کہ وہ اپنے تحریر کرنے والوں کو تصنیف و تخلیق ہی نہیں تحقیق و تدقیق کا اعزاز دلانےاورپڑھنے والوں کو شاباش اور مرحبا کی آواز لگانے کا ہی نہیں کہنے والوں کی اِس خوش بیانی پر اُنھیں سند ِ خاص کا حقدار بنانے کی بھی صلاحیت رکھتے ہیں ۔دوہزار چھیالیس صفحات پرپھیلا یہ دلچسپ کھیل خشک اور سنگلاخ پہاڑیوں کا الل ٹپ سلسلہ نہیں خوش بیانیوں کا ایک منظم اور مرتب نقشہ ہے،جس کی کتنی ہی خوبصورت عبارتوں میں کمال کا لطفِ سخن اور گفتگو کا حسن پایا جاتا ہے مگر کبھی ایسا بھی ہوتا ہے کہ ٹوٹ ٹوٹ جاتا ہے سلسلہ تکلم کا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ظاہری بات ہے کہ انٹرنیٹ کے اثرات معاشرے پر اچھے اور برے دونوں نظر آتے ہیں ۔اس قدر انفارمیشن اور معلومات کے باوجود ہمارے یہاں تعلیمی اور معاشرتی لحاظ سے ہمارا شمار کہاں ہوتا ہے۔۔۔
کیوں نہ ہوں قابل قدر مصننف و شاعر ہیں شکیل بھائی ۔۔
