ا۔ب۔پ ۔۔۔۔۔ کھیل نمبر 62

[شکیل احمد خان23]

گفتگوکا ذریعہ یہاں کیونکہ تحریرہے اِس لیے ہم اپنی تحریر کے ہر ہر لفظ میں چھپے بیٹھے ہیں اور اپنےہر ہر جملے میں عیاں ہیں۔۔۔

 

[سید عاطف علی]

گفتگوکا ذریعہ یہاں کیونکہ تحریرہے اِس لیے ہم اپنی تحریر کے ہر ہر لفظ میں چھپے بیٹھے ہیں اور اپنےجملوں سے عیاں ہوجاتے ہیں۔۔۔۔۔۔

لیکن کچھ لوگ استعاروں میں اپنا مدعا چھپا کر پیش کرتےہیں۔

 

[وجی]

مدعا کیوں چھپاتے ہیں لوگ ؟؟

 

[وجی]

نہیں معلوم آج لوگ زیادہ مصروف ہیں
یا ہم بہت زیادہ آرہے ہیں محفل میں ؟؟

 

[وجی]

وجی تو آگیا یہاں
اور یہاں سب کو السلام علیکم و جمعہ المبارک۔

 

[وجی]

ہاں تو ارکان محفل کیا حال احوال ہے ؟؟

 

[شکیل احمد خان23]

یہاں اللہ تعالیٰ کے فضل و کرم سے تختی کا ایک دَور ختم ہوا مگر یہ اختتام ایک نئے آغاز کاپیش خیمہ بھی تو ہے۔۔۔۔۔۔​

​

 

[الف عین]

ایک نیا آغاز، بسم اللہ الرحمن الرحیم

 

[شکیل احمد خان23]

بسم اللہ الرحمٰن الرحیم​

انسان دنیا میں ہر شے سے بڑا ہے صرف اپنے بنانے والے ، پالنے والے، پال پوس کرمقررہ عمرتک پہنچانےوالے پھر واپس اپنے پاس بلانے والے ،ایک مدت تک برزخ میں ٹھہرانے والے اور پھر حشر میں اُٹھانے والے اور میزان قائم کرنے والے اور فیصلہ سنانے والے اور ایمان مع اعمال کی بنیاد پر قرار واقعی جزاعطافرمانے والے اللہ تعالیٰ رب العزت سے چھوٹا ہے اور اُس کی تمام مخلوق میں سب سے بڑا ہے۔۔۔​

​

 

[شکیل احمد خان23]

’’پنج آہنگ‘‘غالب کے فارسی خطوط کا مجموعہ ہے ، جسکااُردُوترجمہ میں نے پڑھا۔ غالب کے خاص اُردُو میں لکھے خطوط نظر سے گزر چکے ہیں اورمیں جانتا ہوں کہ یہ غالب کے خطوط نہیں بالمشافہ باتیں ہیں جو اُنھوں نے اپنے دوستوں سے اپنے عزیزوں سے کیں ۔ترجمہ پڑھ کر معلوم ہوا کہ ترجمہ کرنا بچوں کا کھیل نہیں ہے۔۔۔۔۔​

 

[سیما علی]

ترتیب کا خیال بھی بہت ضروری ہے
ہم پہلے غلطی کر رہے تھے بھول گئے کہ یہ لڑی سیدھی ہے ۔۔۔۔

 

[شکیل احمد خان23]

ٹرانسلیشن کی خوبی یہ ہے کہ تحریرطبع زاد معلوم ہو انتقالِ مفہوم کی تہمت سے بری نظر آئے مگر ترجمے میں یہ بات پیداکرنا ایسا آسان نہیں،البتہ ’’سب رنگ‘‘ کے شکیل عادل زادہ نے اِس کی جو راہ بتائی ہے وہ یقیناً قابلِ عمل اور مسئلے کابہترین نہیں تو قریب ترین صحیح حل ہے ۔۔۔۔۔۔​

 

[شکیل احمد خان23]

ہم پہلے غلطی کر رہے تھے بھول گئے کہ یہ لڑی سیدھی ہے ۔۔۔۔

ثمرین تم بتاؤ کہاں غلطی کی ہے آپا نے ، ہم نے تو اُن کے گزشتہ کئی مراسلے پڑھے ہمیشہ ٹریک پر نظر آئیں ، یہ وہم کیوں ہوا؟

 

[عظیم]

جب مراسلہ لکھا جا رہا ہوتا ہے اکثر اس وقت بھی غلطی کا احساس ہو جاتا ہے کہ ترتیب غلط ہو رہی ہے، اس کے بعد مراسلہ ارسال کرنے سے پہلے بھی درست کر لیا جاتا ہے ترتیب کو

 

[La Alma]

چہ جائیکہ کوئی غلطی پر غلطی کرتا چلا جائے، وقت پر سدھار لینا چاہیے۔

 

[گُلِ یاسمیں]

حیرت کی بات یہ ہے کہ ہم چائے پیتے ہیں اور سوچتے ہیں کہ زندگی کی سب سے بڑی خوشی یہی ہے، مگر جب چائے ختم ہو جائے تو ہم سمجھتے ہیں کہ سب سے بڑی مشکل یہ ہے کہ چائے دوبارہ کیسے بنائیں

 

[گُلِ یاسمیں]

خوشیوں کی سب سے خوبصورت بات یہ ہے کہ وہ اکثر چھوٹی چھوٹی چیزوں میں چھپی ہوتی ہیں، جیسے ایک مسکراہٹ یا ایک اچھا لمحہ۔

 

[گُلِ یاسمیں]

دھوکہ دینے والے لوگوں کا سب سے بڑا فن یہ ہے کہ وہ ہمیشہ سچائی کی شکل میں آتے ہیں، اور ہم سب ان کی چمکدار باتوں میں کھو جاتے ہیں۔

 

[سید عاطف علی]

دھوکہ دینے والے لوگوں کا سب سے بڑا فن یہ ہے کہ وہ ہمیشہ سچائی کی شکل میں آتے ہیں، اور ہم سب ان کی چمکدار باتوں میں کھو جاتے ہیں۔

ڈھول بجا بجا کر دھوکا دینے والے بھی ہیں اس زمانے میں ۔

 

[سید عاطف علی]

خوشیوں کی سب سے خوبصورت بات یہ ہے کہ وہ اکثر چھوٹی چھوٹی چیزوں میں چھپی ہوتی ہیں، جیسے ایک مسکراہٹ یا ایک اچھا لمحہ۔

ذرا انسان اپنی روح میں جھانک لے تو خوشیاں خود ایجاد کر سکتا ہے ۔اور اوروں میں تقسیم بھی ۔