ا۔ب۔پ ۔۔۔۔۔ کھیل نمبر 62

[حمیرا عدنان]

زیک بھائی ہلکے پھلکے مذاق کو بد تہذیبی تو نا کہیں

 

[یاز]

ژولیدگیء فکر کی نشانی لگتی ہے مذاق کو سنجیدہ سمجھ لینا۔

 

[ابن توقیر]

سوال یہ ہے یاز بھیا جی کہ ژولیدگی کا معنی و مفہوم کیا ہے؟

سیکھنے والی آنکھوں سے آپ کی جانب دیکھتے ہوئے۔سمائلس

 

[یاز]

شاید اس ربط سے آپ کی معلومات میں اضافہ ہو
ژولیدگی

 

[ابن توقیر]

صورتِ حال یہ بن گئی ہے بھیا جی کہ اب ژولیدگی کے ساتھ ساتھ جو کچھ اُس ربط میں ہے اس کا معنی و مفہوم بھی درکار ہے۔

اب تو آنکھوں کے ساتھ ساتھ کانوں سے بھی سیکھنے کے لیے تیار ہوتے ہوئے۔

 

[یاز]

ضروری نہیں کہ ہر لفظ جو نظر سے گزرے، اس کے معنی و مفہوم کی جڑ میں پہنچا جائے۔ یہ بھی ژولیدگی کے زمرے میں آ سکتا ہے۔

 

[ابن توقیر]

طلبِ علم معنی و مفہوم کی تڑپ جگائے رکھتی ہے۔جس سے لفظ کے معنی کا علم ہونے پر بھی اس کی تشریح کی طلب ہوتی ہے۔
سمائلس

 

[زیک]

ظالمو مذاق اور بد تہذیبی بہت مختلف چیزیں ہیں۔

 

[حمیرا عدنان]

عین ممکن ہے آپ ٹھیک کہ رہے ہیں

 

[یاز]

غور کرنے پہ ادراک ہوا کہ ٹھیک ہی فرما رہے ہیں جناب۔

 

[زیک]

فرمانا تو میں نے شروع نہیں کیا ابھی

 

[ابن توقیر]

قوی امید ہے کہ ارضِ پاک میں موجود محفلین ناشتہ فرماچکے ہوں گے اور اپنے اپنے کاموں کی طرف راہ پکڑنے کے لیے تیار ہورہے ہوں گے۔پردسیوں کا حال اللہ ہی جانے۔

 

[الف عین]

قوی امید ہے کہ عرضِ پاک میں موجود محفلین ناشتہ فرماچکے ہوں گے اور اپنے اپنے کاموں کی طرف راہ پکڑنے کے لیے تیار ہورہے ہوں گے۔پردسیوں کا حال اللہ ہی جانے۔

کافی حد تک درست ہے۔ لیکن میاں یہ عرض پاک نہیں، ارض پاک ہونا تھا!!

 

[ابن توقیر]

کافی حد تک درست ہے۔ لیکن میاں یہ عرض پاک نہیں، ارض پاک ہونا تھا!!

گمان سے بڑھ کر لاپروائی کا مظاہرہ ہوا ہے میری طرف سے۔عظیم الشان خطا پر معذرت خواہ و شرمندہ ہوں اور اصلاح پر مشکور ہوں پیارے سے بڑے بھیا جی۔
خوش رہیں ہمیشہ۔آمین

 

[الف عین]

لاکھ لاکھ شکر ہے خدا کا کہ ابن توقیر نےبرا نہیں مانا میری بات کا۔

 

[ابن توقیر]

لاکھ لاکھ شکر ہے خدا کا کہ ابن توقیر نےبرا نہیں مانا میری بات کا۔

میں تو آپ کی بات کا اُس وقت بھی بُرا نہ مانوں لالہ جب آپ میرے کان کھینچ کر بھی کچھ کہیں۔جب کہ اس اصلاحی مراسلے نے تو آپ کی قدر بڑھا کر اپنائیت کا رشتہ پیدا کردیا ہے میرے دل میں۔

 

[La Alma]

نری باتیں ہیں .اوپر والی پوسٹ میں مظاہرہ کو "مظاہر" لکھ کر ایک بار پھر آپ کو چکمہ دے گئے ہیں .

 

[ابن توقیر]

"ں" سے کون سا فقرہ بنے گا؟ اتنے مشکل حروف میرے اوپر حملہ کررہے ہیں اوپر سے املاء کی غلطیوں کے ساتھ ساتھ ٹائپو بھی حملہ آور ہوچکی ہیں۔

 

[محمد تابش صدیقی]

ویسے تو نون غنہ کو بنیادی حروف میں نہیں گنا جاتا، لہٰذا اس کا استعمال یہاں نہیں کیا جائے گا۔

 

[اَبُو مدین]

ویسے تو نون غنہ کو بنیادی حروف میں نہیں گنا جاتا، لہٰذا اس کا استعمال یہاں نہیں کیا جائے گا۔

"ء" کے متعلق بھی میرے خیال سے یہی بیان ہے کہ یہ بھی بنیادی حروف میں شامل نہیں۔