ا۔ب۔پ ۔۔۔۔۔ کھیل نمبر 62

[شمشاد]

سلام عرض کرتا ہوں۔ قبول فرمائیں اور آج رات کرکٹ میچ دیکھنے ضرور آئیں۔

 

[خالد محمود چوہدری]

شبِ جمعہ کونسا میچ ہے؟

 

[مہدی نقوی حجاز]

صبح جمعہ ہو تو اعتراض برطرف ہو جائے گا؟ ویسے اس میں مذائقہ کیا ہے؟

 

[خالد محمود چوہدری]

ضعف طاری ہے ،لگتا ہے اسی لئے بات ابھی تک سمجھ میں نہیں آئی

 

[مہدی نقوی حجاز]

طرہ یہ کہ آپ وضاحت فرمانا بھی پسند نہیں کر رہے!

 

[خالد محمود چوہدری]

ظاہر ہے کچھ ہے ہی نہیں تو فرمائیں کیا

 

[عندلیب]

ظہرانے میں کون سے کھانوں کا اہتمام کیا گیا تھا ؟

 

[خالد محمود چوہدری]

عینک کہیں کھو گئی تمہاری ہے
اک بار پھر آپ کی باری ہے

 

[طارق شاہ]

غُدود اور تُرشی کی جنگ کا بہت سوں کو ہمیشہ سامنا رہتا ہے
خدا کا شکر ہے کہ ہمیں ایسا کوئی مسئلہ نہیں اور نہ ہی ہم کسی
قسم کی غذائی یا خوردنی الرجی کا شکار ہیں ۔
ورنہ ہم ایسے چٹورے کا کیا ہوتا،

 

[ابن رضا]

فجے کے پائے کھائے ہیں کبھی جو آپ کہہ رہے ہیں کہ آپ چٹورے ہیں

 

[طارق شاہ]

قبلہ ابن رضا صاحب!
ہم انسانی اجزا سے بنائے ہر ڈش سے پرہیزی ہیں
ہماری طبعیت کبھی بھی اس طرف مائل ہی نہیں ہوئی
دھوکے سے کسی پاکستانی بھائی نے کچھ ایسا کِھلا دیا ہو تو کہہ نہیں سکتے

 

[ابن رضا]

کمال ہے طارق بھائی، فجے کے پائے کا مطلب اس کے اپنے پائے نہیں بلکہ بکرے کے پائے جو وہ پکا کر بطور ناشتہ بیچتا ہے۔ بہت مزے کے ہوتے ہیں۔

ہمیں بھی پتا ہے آج کل آپ پرہیز کررہے ہیں ایسی چیزوں سے۔ ڈاکٹر نے منع کیا ہے کیا؟

 

[طارق شاہ]

گرمیوں کی چھٹیوں میں ہم آپ کے ہاں آئیں گے
تب آپ ہمیں فجے کے بنا ئے بکرے کے پائے کھلانے لے جانا
گوالمنڈی ، لکشمی چوک اور انارکلی پر بارہا مختلف کھانے تو کھائے
یہ اور ٹنڈے نہیں کھائے ۔ دونوں کی حسرت یا شوق کہیں ، ہم آپ
کی معیت میں پورا کردیں گے ۔ کیا خیال ہے جناب

 

[عندلیب]

لیجیے ابھی سے گرمیوں کا ذکر ہونے لگا؟

 

[ابن رضا]

موسم چاہے کوئی بھی مگر طارق بھائی کوئی بھی موسم کہیں بھی کھینچ سکتے ہیں ۔

 

[شمشاد]

صبح جمعہ ہو تو اعتراض برطرف ہو جائے گا؟ ویسے اس میں مذائقہ کیا ہے؟

نقوی صاحب ناراض نہ ہوں تو بتاؤں کہ مضائقہ ض سے ہوتا ہے نہ کہ ذ سے۔

 

[مہدی نقوی حجاز]

نقوی صاحب ناراض نہ ہوں تو بتاؤں کہ مضائقہ ض سے ہوتا ہے نہ کہ ذ سے۔

واہ، بھلا ناراض کیوں ہوں گے؟؟ آپ ہمارے محسن ٹھہرے!

 

[شمشاد]

ہم ڈر رہے تھے کہیں آپ ناراض ہی نہ ہو جائیں۔

 

[مہدی نقوی حجاز]

یہ کہاں کا انصاف ہوا جناب!؟ ہمیں کبھی ناراض ہوتے سنا ہے آپ نے؟!!!

 

[عندلیب]

آداب جناب !!