بات

[شمشاد]

بات کرنی تیری محفل میں کبھی ایسی تو نہ تھی
جیسی اب ہے تیری محفل کبھی ایسی تو نہ تھی

 

[عمر سیف]

اے صبا آ کہ دکھائیں تجھے وہ گل جس نے
باتوں ہی باتوں میں گلزار کھلا رکھا ہے

 

[شمشاد]

آج ہم دار پے کھنچے گئے جن باتوں پر
کیا عجب کل وہ زمانے کو نصابوں میں ملیں
(احمد فراز)

 

[عمر سیف]

تکمیلِ تمنا تو بڑی بات ہے حاصل
وہ عرضِ تمنا پہ بُرا مان رہا ہے

 

[شمشاد]

وہ بات چاہتے ہو کہ جو بات چاہیے
صاحب کے ہم نشیں کو کرامات چاہیے
(غالب)

 

[نوید صادق]

بات اک آئی ہے دل میں نہ بتاوں اس کو
عیب کیا ہے مگر اظہار ہی کر دینے میں

شاعر: بانی

 

[شمشاد]

وہ بات بات میں اتنا بدلتا جاتا ہے
کہ جس طرح کوئی وعدہ بدلتا جاتا ہے
(نوشی گیلانی)

 

[عمر سیف]

سونی راتوں میں سر بستر خواب راحت
بیٹھا رہتا ہے کسی بات پہ گریاں کوئی

 

[شمشاد]

وہ بات سارے فسانے میں جس کا ذکر نہ تھا
وہ بات اُن کو بہت ناگوار گزری ہے
(فیض)

 

[عیشل]

ہر بات جانتے ہوئے بھی دل مانتا نہ تھا
نہ جانے ہم اعتبار کے کس مرحلے میں تھے

 

[شمشاد]

کچھ اب کے موسمِ گل میں نہیں وہ بات پہلی سی
نگاہِ ناز سے کہدو نہ وہ یوں سوگوار اٹھے
(سرور عالم راز سرور)

 

[عیشل]

تم جو ہر بات پہ دیتے ہو پرندوں کی مثال
اس کا مطلب ہے کہ ہم شہر سے ہجرت کر جائیں

 

[شمشاد]

خود شناسی خدا شناسی ہے
بات میری سمجھ میں یہ آئی
(سرور عالم راز سرور)

 

[عمر سیف]

پہلے اس کو دیکھا تھا یا پہلے اس کو چاہا تھا
ایسی باتیں کیا سوچیں جب اقرار زبانی ہو

 

[شمشاد]

اب وہی حرفِ جنوں سب کی زباں ٹھہری ہے
جو بھی چل نکلی ہے وہ بات کہاں ٹھہری ہے
(فیض احمد فیض)

 

[عمر سیف]

نظر میں ڈھل کے ابھرتے ہیں دل کے افسانے
یہ اور بات ہے دنیا نظر نہ پہچانے

 

[شمشاد]

بھاتی نہیں دنیائے سخن ساز کی باتیں
آ اے نگہِ ناز کریں ناز کی باتیں
(سرور عالم راز سرور)

 

[عمر سیف]

آج وہ یوں نگاہ ِ شوق سے بچ کر گزرے
جیسے یاد آئے کوئی بھولی ہوئی بات ہمیں

 

[نوید ملک]

جب تمہارے بارے میں بات ہونے لگتی ہے
دور جا نکلتا ہے سلسلہ سوالوں کا

 

[عمر سیف]

یوں تو کٹتی ہی رہے گی غم دوراں میں حیات
آج کی رات غم یار کی باتیں ہی سہی