بات

[شمشاد]

یہ بات یہ صورت کے بھلے دل کے برے ہوں
اللہ کرئے جھوٹ ہو بہتوں سے سنا ہے
(بشیر بدر)

 

[عمر سیف]

کچھ اور بھی تجھے اے داغ بات آتی ہے
وہی بتوں کی شکايت وہی گلہ دل کا

 

[شمشاد]

گھما پھرا کے جدائی کی بات کرتی تھی
ہمیشہ ہجر کے حربے تلاش کرتی تھی
(وصی)

 

[عمر سیف]

جس کے ماتھے پہ میرے بخت کا تارا چمکا
چاند کے ڈوبنے کی بات اسی شام کی تھی

 

[الف عین]

بوڑھی دھرتی چاند ستاروں سے یہ کہانی کہتی تھی
بچّو تب کی بات ہے یہ، جب میرا جسم سنہرا تھا
ا ع

 

[عمر سیف]

بہت خوب چاچو۔

کر کے کوئی ایک ذرا سی بات سنہری
کر جاتا ہے میری ساری رات سنہری

 

[شمشاد]

اب اس کی بات خالی ہے معنی سے اے منیر
کہنے دے جو وہ کہتا ہے روکا نہ کر اسے
(منیر نیازی)

 

[عمر سیف]

بات چھوٹی سی بھی افسانہ بنا دیتی ہے
تم کتابوں پہ میرے نام کو لکھا نہ کرو

 

[شمشاد]

کب کون کسی کا ہوتا ہے
سب جھوٹے رشتے ناطے ہیں
سب دل رکھنے کی باتیں ہیں
سب اصل روپ چھپاتے ہیں

 

[عمر سیف]

تم بے وفا نہیں‌ہو تو اچھا ہم ہمیں سہی
ایسی بھی کیا یہ بات بڑھانے کی بات ہے

 

[شمشاد]

کوئی کاش مجھ کو بتاسکے رہ و رسمِ عشق کی الجھنیں
وہ کہے تو بات پتے کی ہے میں کہوں تو خام خیال ہے
(سرور)

 

[عمر سیف]

دیکھ فرعون کے لہجے میں ہم سے بات نہ کر
ہم تو پاگل ہیں خداؤں سے اُلجھ پڑتے ہیں

 

[شمشاد]

کچھ الجھی ہوئی باتیں، کچھ بہکے ہوئے نغمے
کچھ اشک جو آنکھوں سے بے وجہ چھلک جائیں
(فیض)

 

[عمر سیف]

بچپن میں یہ بات مجھے معلوم نہ تھی
میں جب ہنستا ہوں، یہ آنکھیں روتی ہیں

 

[شمشاد]

چند پیغام ملے ہیں دلِ سوزاں سے مجھے
باتیں کرنی ہیں چراغِ شبِ ہجراں سے مجھے

 

[عمر سیف]

راہِ جنوںِ شوق میں بڑھنے کی دیر ہے
منزل جگہ جگہ نہ بنا دوں تو بات کیا

 

[شمشاد]

بات کرنی مجھے مشکل کبھی ایسی تو نہ تھی
جیسی اب ہے تیری محفل کبھی ایسی تو نہ تھی

 

[عمر سیف]

کام ان سے آپڑا ہے مقّدر کی بات ہے
ہم جن سے گفتگو کے روادار بھی نہ تھے

 

[زینب]

بات وہ آدھی رات کی،رات وہ پورے چاند کی

چاند بھی عین چیت کا،اس پر تیرا جمال بھی

 

[الف عین]

پرندے چیخ رہے تھے درخت مت کاٹو
یہ تب کی بات ہے، جب اتنی بے زبانی نہ تھی
ا ع