بات

[تیشہ]

آؤ حسن ُ یار کی باتیں کریں
زلف کی ، رخسارُ کی باتیں کریں

زلفُ عنبر بار کے قصے سنائیں
طرہ طرار کی باتیں کریں

پھول برسائیں بساط ِ عیش پر
روز وصل ِیار کی باتیں کریں

نقد جاں لے کر چلیں اس بزم میں
مصرِ کے بازار کی باتیں کریں

ان کے کوچےُ میں جو گزری ہیں کہیں
زلف ِ سایہ دار کی باتیں کریں

آخری ساعت شبِ رخصت کی ہے
آؤ اب تو پیار کی باتیں کریں ۔ ۔

 

[فاتح]

ہم نہ ہوں گے تو کہو کون منائے گا تمہیں
یہ بُری بات ہے ہر بات پہ رُوٹھا نہ کرو​

 

[عمر سیف]

بہت خوب باجو ۔۔۔۔


اس کی باتیں بھی دلآویز ہیں صورت کی طرح
میری سوچیں بھی پریشاں میرے بالوں جیسی

 

[ہما]

بات پھولوں کی سُنا کرتے تھے
ہم کبھی شعر لَکھا کرتے تھے
مشعلیں لے کے تُمہارے غم کی
ہم اندھیروں میں‌چلا کرتے تھے

 

[شمشاد]

مجھ سے اب میٹھے لہجے میں باتیں نہ کر
میرا دل بجھ چکا میں نہیں بولتی

 

[ہما]

آشیانے کی بات کرتے ہو
دِل جلانے کی بات کرتے ہو
ساری دُنیا کا رنج و غم دے کر
مُسکرانے کی بات کرتے ہو

 

[شمشاد]

ذکر دوزخ، بیانِ حور و قصور
بات گویا یہیں کہیں کی ہے
(فیض)

 

[ہما]

ذرا سی بات سہی ترا یاد آ جانا
ذرا سی بات بُہت دیر تک رُلاتی ہے

 

[حسن علوی]

ہم تو دریا کے دو کنارے ہیں
زندگی بھر جو ساتھ ساتھ چلیں

پھر بھی آپس میں مل نہیں سکتے
میں نے اتنا کہا فقط اس سے

بات میری ابھی ادھوری تھی
اس کی آنکھوں کے بند ٹوٹ کئے
(خالد مصطفیٰ )

 

[ہما]

ہر بات یہاں ‌بات بڑھانے کے لیئے ہے
یہ عُمر جو دھوکا ہے تو کھانے کے لیئے ہے
یہ دامنِ حسرت ہے وہی خواب گُریزاں
جو اپنے لیئے ہے نہ زمانے کے لیئے ہے

 

[شمشاد]

سامنا
چھنتی ہوئی نظروں سے جذبات کی دنیائیں
بے خوابیاں، افسانے، مہتاب، تمنائیں

کچھ الجھی ہوئی باتیں، کچھ بہکے ہوئے نغمے
کچھ اشک جو آنکھوں سے بے وجہ چھلک جائیں​

(فیض احمد فیض)

 

[عمر سیف]

آؤ بے سوچے زمانے بھر کی باتیں کریں ہم
عمر تو ساری پڑی ہے کچھ نہ کہنے کے لیے

 

[شمشاد]

کچھ الجھی ہوئی باتیں، کچھ بہکے ہوئے نغمے
کچھ اشک جو آنکھوں سے بے وجہ چھلک جائیں
(فیض)

 

[عمر سیف]

فضا میں پھیل چلی میری بات کی خوشبو
ابھی تو میں نے ہواؤں سے کہا کچھ بھی نہیں

 

[شمشاد]

دیس کے ادبار کی باتیں کریں
اجنبی سرکار کی باتیں کریں
(ساحر)

 

[عمر سیف]

ذہن کا مشورہ ترک طلب بھی برحق
ذہن کی بات قبول دل سادہ بھی تو ہو

 

[شمشاد]

جن میں ہوں صرف تیری اور میری باتیں
میں نے ان اوقات سے محبت کی ہے

 

[عمر سیف]

میں بولا ! مجھ سے بات کرو، وہ بولا! پاگل اۤوارہ
پھر میں نے خود کو دیر تلک تک خود لکھا پاگل اۤوارہ

 

[شمشاد]

گر آج تجھ سے جدا ہیں تو کل بہم ہوں گے
یہ رات بھر کی جدائی تو کوئی بات نہیں
(فیض)

 

[عمر سیف]

ایسے غنچے بھی تو گُل چیں کی قبا میں ہیں اسیر
بات کرنے کو جو اپنا ہی ذہن مانگتے ہیں