بات

[محمد وارث]

گر آج تجھ سے جدا ہیں تو کل بہم ہوں گے
یہ رات بھر کی جدائی تو کوئی بات نہیں

گر آج اوج پہ ہے طالعِ رقیب تو کیا
یہ چار دن کی خدائی تو کوئی بات نہیں

(فیض)

 

[عمر سیف]

زبانوں پر دلوں کی بات جب ہم لا نہیں سکتے
جفا پر بھی وفا کی داستاں کہنا ہی پڑتا ہے

 

[زینب]

بس یوں ہواکے اس نے تکلف سے بات کی

اورہم نے روتے روتےدوپٹے بھگو دیے

 

[الف عین]

بیٹھو بھی ذرا رقیب پیارے
کرتے رہو اس کی بات کچھ دیر

اعجاز عبید

 

[شمشاد]

بات کیا ہے ، یاد کیوں آتا ہے انجامِ حیات؟
موسمِ گل دیکھ کر، رنگِ بہاراں دیکھ کر
(سرور)

 

[زینب]

بات تو ہے عام سی،پر اتنی بھی عام نہیں

سب کی خوشیاں مل جاتی ہیں ،میرا حصہ کھو جاتا ہے

 

[شمشاد]

آہ ہر غیر سے تاچند کہوں جی کی بات
عشق کا راز تو کہتے نہیں محرم سے بھی
(میر)

 

[عمر سیف]

ضبط گریہ کبھی کرتا ہوں تو فرماتے ہیں
آج کیا بات ہے برسات نہیں ہوتی ہے

 

[شمشاد]

درد کے تار ملنے تو دے ہونٹ ہلنے تو دے
ساری باتیں کریں گے رقم صبر کر صبر کر
(ناصر کاظمی)

 

[عمر سیف]

عمل کی سوکھتی رگ میں ذرا سا خون شامل کر
مرے ہمدم فقط باتیں بنا کر کچھ نہیں ملتا

 

[شمشاد]

بے طاقتی سے آگے کچھ پوچھتا بھی تھا سو
رونے نے ہر گھڑی کے وہ بات ہی ڈبوئی
(میر)

 

[عمر سیف]

وہ دل کا حال سُنتے رہے پہلے اور پھر
ہنس کر کہا یہ گزرے زمانے کی بات ہے

 

[شمشاد]

ٹک حالِ شکستہ کے سننے ہی میں سب کچھ ہے
پر وہ تو سخن رس ہے اس بات کو کیا مانے
(میر)

 

[عمر سیف]

بس یہی بات کہ لوگوں کو نہ چاہو دل سے
تجربے اس کے سوا عمر کو کیا دیتے ہیں؟

 

[شمشاد]

ستم ہے تیری خوئے خشمگیں پر ٹک بھی دل جوئی
دل آزاری کی باتیں کر تُو دل داری کو کیا جانے
(میر)

 

[عمر سیف]

محبت بھی کیا چیز ہے دیکھنا
ادھر بات کی چشم تر ہوگئی

 

[شمشاد]

کیا کیا بیٹھے بگڑ بگڑ تم پر ہم تم سے بنائے گئے
چپکے باتیں اُٹھائے گئے سرگاڑے ووں ہی آئے گئے
(میر)

 

[عمر سیف]

کچھ اور بھی تجھے اے داغ بات آتی ہے
وہی بتوں کی شکايت وہی گلہ دل کا

 

[شمشاد]

شاید تمہیں بھی چین نہ آئے میرے بغیر
شاید یہ بات تم بھی گوارا نہ کر سکو
(صوفی غلام مصطفٰے تبسم)

 

[عمر سیف]

چھوٹے سے آنگن میں جو ہوتی ہے بات
پھیلا کرتی ہے وہ اکثر چاروں اور