بات

[نوید صادق]

کہتے ہیں جان، جانتے ہیں بے وفا مجھے
کیا اعتبار ہے انہیں دشمن کی بات کا

شاعر: شیفتہ

 

[شمشاد]

وصل کی رات میں بات ہی بات میں
یوں تیرا روٹھ جانا غضب ہو گیا
(شیوان بجنوری)

 

[نوید صادق]

بارے عجیب بات تو پھیلی جہان میں
پایا کسی نے گو ثمر افشائے راز کا

شاعر: شیفتہ

 

[شمشاد]

اے میرے ہمنشیں چل کہیں اور چل اس چمن میں اب اپنا گزارہ نہیں
بات ہوتی گلوں تک تو سہہ لیتے ہم اب تو کانٹوں پہ بھی حق ہمارا نہیں
(قمر جلالوی)

 

[نوید صادق]

پھر چھڑی رات ، بات پھولوں کی
رات ہے یا برات پھولوں کی

شاعر: مخدوم

 

[شمشاد]

تم پوچھو اور میں نہ بتاؤں ، ایسے تو حالات نہیں
ایک ذرا سا دل ٹوٹا ہے ، اور تو کوئی بات نہیں
(قتیل شفائی)

 

[نوید صادق]

بغیر بات کے مصروفِ گفتگو ہونا
ہر ایک شام یہی جشنِ ہا ؤ ہو ہونا

شاعر: اسعد بدایونی

 

[شمشاد]

وہ نئےگِلے وہ شکایتیں، وہ مزے مزے کی حکایتیں
وہ ہرایک بات پہ روٹھنا، تمہیں یاد ہو کہ نہ یاد ہو
(مومن خان مومن)

 

[نوید صادق]

یار ہی تیز نظر تھے شاید
ہم تری بات کہاں کہتے تھے

شاعر: رام ریاض

 

[شمشاد]

دل کی بات لبوں پہ لا کر اب تک ہم دکھ سہتے ہیں
ہم نے سنا تھا اس بستی میں دل والے بھی رہتے ہیں
(حبیب جالب)

 

[عیشل]

مانا کہ ہم فراق میں روئے کبھی نہ تھے
لیکن وہ یاد آئے بھی اتنے کبھی نہ تھے
اے دل تمہارے ساتھ یہ کیا بات ہو گئی
تم مضطرب تو تھے مگر ایسے کبھی نہ تھے

 

[بلال]

گزر گئی زندگی اک جھونکے کی مانند جیسے ہوا
اب ان نازک سی پتیوں میں وہ پہلی سی بات کہاں
جانتے ہیں یہ شجرو حجر مجھے بہت اچھی طرح
اب مجھ میں نہ وہ میں رہی اور نہ تو رہا

 

[شمشاد]

بلال بھائی آپ کے دیئے ہوئے اشعار میں کچھ گڑبڑ لگتی ہے۔ کہیں مصرعے اوپر نیچے تو نہیں ہو گئے؟

 

[شمشاد]

کوئی بات تھی، میرے سر پر چاند نہ تھا
تم جو میری سمت اشارہ کرتے تھے
(رام ریاض)

 

[زونی]

بات جیسی بے معنی بات اور کیا ہو گی
بات سے مکرنے میں دیر کتنی لگتی ھے


شمشاد بھائی شعر میں اگر کچھ گڑ بڑ ہو تو تصحیح کر دیجیئے گا۔

 

[بلال]

بلال بھائی آپ کے دیئے ہوئے اشعار میں کچھ گڑبڑ لگتی ہے۔ کہیں مصرعے اوپر نیچے تو نہیں ہو گئے؟

شمشاد بھائی ہو سکتا ہے شعر میں‌کوئی مسئلہ ہو کیونکہ مجھ اشعار کے بارے میں‌کچھ خاص علم نہیں۔۔۔ یہ شعر میں‌نے ایک بار پڑھ تھا اور اس کو اسی وقت لکھ لیا تھا کیونکہ اس کی جو تشریح تھی وہ بہت اچھی کی ہوئی تھی اسی کی وجہ سے یہ شعر مجھے اچھا لگا تھا اگر آپ سمجھتے ہیں‌کہ یہ غلط ہے تو اس کو درست کر دیجئے۔۔۔ شکریہ

 

[شمشاد]

زونی یہ بات تو آپ کسی استاد شاعر سے کہیں ناں، مجھے کیوں کہہ رہی ہیں؟

 

[شمشاد]

پہروں بیٹھ کے روتا ہوں جب یاد آ جاتے ہیں
تیری باتیں، ندی کنارا دونوں وقت ملے
(رام ریاض)

 

[عیشل]

نئے سخن کی طلب گار ہے،نئی دنیا
وہ ایک بات پرانی،کہیں تو کس سے کہیں​

 

[شمشاد]

شکیب اپنے تعارف کو بس اتنی بات کافی ہے
ہم اس سے ہٹ کے چلتے ہیں جو رستہ عام ہو جائے