بات

[عمر سیف]

ہماری بات کی گہرائی خاک سمجھیں گے
جو پربتوں کے لیئے خوردبین لائے ہیں

 

[شمشاد]

یوں چُپ رہنا ٹھیک نہیں کوئی میٹھی بات کرو
مور چکور پہپیا کوئل سب کو مات کرو
(قتیل شفائی)

 

[عمر سیف]

ذہن کا مشورہ ترک، طلب بھی برحق
ذہن کی بات قبول، دل سادہ بھی تو ہو

 

[سارہ خان]

ساری بات تعلق والی جذبوں کی سچّائی تک ہے
مَیل دلوں میں آجائے تو گھر ویرانے ہو جاتے ہیں

 

[عمر سیف]

راہِ حیات میں وہ ملے تو تھے اک بار
پر ان سے بات چیت بہت مختصر ہوئی

 

[شمشاد]

لے تو لوں سوتے میں اُس کے بوسہ ہائے پا مگر
ایسی باتوں سے وہ کافر بدگماں ہو جائے گا
(غالب)

 

[عمر سیف]

عشق کی باتیں غم کی باتیں دنیا والے کرتے ہیں
کس نے شمع کا دکھ دیکھا کون گیا پروانے تک

 

[شمشاد]

کس بات پہ مغرور ہے اے عجزِ تمنا
سامانِ دعا وحشت و تاثیرِ دعا ہیچ
(غالب)

 

[سارہ خان]

وہ کہیں‌پر بھی گیا لوٹا تو میرے پاس آیا
بس یہی بات ہے اچھی میرے ہرجائی کی

 

[حجاب]

وہ خود ہی بات کو پا لے وہ خود آگے بڑھے
تمام عمر اسی آرزو میں بیت گئی
شکستِ دل نے رلایا ہے بار ہا لیکن
میری انا میری دل کی لگی سے جیت گئی۔

 

[حجاب]

وہ خود ہی بات کو پا لے وہ آپ آگے بڑھے
تمام عمر اسی آرزو میں بیت گئی
شکستِ دل نے رلایا ہے بار ہا لیکن
میری انا میری دل کی لگی سے جیت گئی۔

 

[عیشل]

اور تو کوئی بس نہ چلے گا ہجر کے درد کے ماروں کا
صبح کا ہونا دو بھر کردیں رستہ روک ستاروں کا
ایک ذرا سی بات تھی جس کا چرچہ پہنچا گلی گلی
ہم گم ناموں نے پھر بھی احسان نہ مانا یاروں کا

 

[عیشل]

اور تو کوئی بس نہ چلے گا ہجر کے درد کے ماروں کا
صبح کا ہونا دو بھر کردیں رستہ روک ستاروں کا
ایک ذرا سی بات تھی جس کا چرچہ پہنچا گلی گلی
ہم گم ناموں نے پھر بھی احسان نہ مانا یاروں کا

 

[سارہ خان]

چند کلیاں نشاط کی چن کر
مدتوں محو یاس رہتا ہوں
تیرا ملنا خوشی کی بات سہی
تجھ سے مل کر اداس رہتا ہوں

 

[عمر سیف]

ساقی سے بس نگاہ ملانے کی دیر تھی
عالم کو میکدہ نہ بنا دوں تو بات کیا

 

[شمشاد]

زبانِ اہلِ زباں میں ہے مرگ خاموشی
یہ بات بزم میں روشن ہوئی زبانئیِ شمع
(غالب)

 

[عمر سیف]

اے صبا آ کہ دکھائیں تجھے وہ گل جس نے
باتوں ہی باتوں میں گلزار کھلا رکھا ہے

 

[شمشاد]

جب میری حقیقت جا جا کر ان کو سنائی لوگوں نے
کچھ سچ بھی کہا کچھ جھوٹ کہا کچھ بات بنائی لوگوں نے
(ابراہیم اشک)

 

[عمر سیف]

عشق کی باتیں غم کی باتیں دنیا والے کرتے ہیں
کس نے شمع کا دکھ دیکھا کون گیا پروانے تک ؟؟

 

[شمشاد]

تمیزِ زشتی ونیکی میں لاکھ باتیں ہیں
بہ عکسِ آئنہ یک فردِ سادہ رکھتے ہیں
(غالب)