بات

[عمر سیف]

جب پیار کسی کے کرتے ہو کیوں واعظ سے گھبراتے ہو
یہ بات ہی ایسی ہوتی ہے سب نے سمجھانا ہوتا ہے

 

[شمشاد]

گر خامشی سے فائدہ اخفائے حال ہے
خوش ہوں کہ میری بات سمجھنا محال ہے
(غالب)

 

[پاکستانی]

نے گل کو ہے ثبات نہ ہم کو ہی اعتبار
کس بات پر چمن ہوس رنگ و بوکریں

 

[شمشاد]

تم نے دل کی بات کہہ دی آج یہ اچھا ہوا
ہم تمہیں اپنا سمجھتے تھے بڑا دھوکہ ہوا
(اقبال عظیم)

 

[عمر سیف]

چلی یاں تو بات تھی عشق کی، مرا راز راز رہا نہیں
میں رہا ہوں ازل سے ناُمراد، کبھی سرفراز رہا نہیں

 

[شمشاد]

آج اے دل لب و رخسار کی باتیں ہی سہی
وقت کٹ جائے گا کچھ پیار کی باتیں ہی سہی
(حمایت علی شاعر)

 

[عمر سیف]

اَنا پرست ہے اتنا کہ بات سے پہلے
وہ اٹھ کے بند میری ہر کتاب کر دے گا

 

[شمشاد]

یہ بھی کیا کم ہے انہیں قربتَ گل تو ہے نصیب
آج گل کی نہ سہی خار کی باتیں ہی سہی
(حمایت علی شاعر)

 

[عمر سیف]

کبھی کہتے تو کتنی اہم ہوتی
وہی اک بات جو تم نے کہی اب

 

[شمشاد]

لے تو لوں سوتے میں اُس کے بوسہ ہائے پا مگر
ایسی باتوں سے وہ کافر بدگماں ہو جائے گا
(غالب)

 

[عمر سیف]

دل یہ کہتا ہے کہ شائد ہو افسردہ تو بھی
دل کی کیا بات کریں، دل تو ہے ناداں جاناں

 

[شمشاد]

وہ نہیں سنگ، مگر سنگ کے جیسا ہی سمجھ
مِری باتوں کا کہاں اس پہ اثر ہوتا ہے
(فاخرہ بتول)

 

[عمر سیف]

تُو جو نہ ہو تو جیسے سب کو چُپ لگ جاتی ہے
آپس میں کیا باتیں کرتے رات، دیا اور میں

 

[شمشاد]

آپ کا لہجہ چیخ رہا ہے سچّی بات!
آپ نے بات بنائی بھی تو کیا حاصل
(فاخرہ بتول)

 

[ظفری]

آنکھ سے آنکھ ملا ، بات بناتا کیوں ہے
مجھ سے خفا ہے تو ، چھپاتا کیوں ہے

 

[شمشاد]

محبت نام کا جو اک جزیرہ ہے!
محبت نام کا جو اک جزیرہ ہے
وہاں جانا پڑے تم کو
ہماری یاد کو ساتھ لے لینا
سنا ہے اس جزیرے پر کبھی دو ہنس رہتے تھے
وہ دونوں ایک دوجے کے دلوں پر راج کرتے تھے
وہ اک دوجے کی آنکھوں میں اترکر خواب چنتے تھے
وفا کے تانے بانے ریشمی باتوں سے بنتے تھے
پھر اس کی روز ہی تجدیدبھی کرتے
(فاخرہ بتول)​

 

[عمر سیف]

جسے بھی دیکھیے لب پر سجائے پھرتا ہے
نرالے دور کا قصہ، اُچھوتے دور کی بات

 

[شمشاد]

ہم سے تو بہت اور بھی مل جائیں گے تم کو
ہے بات بس اتنی کہ نایاب یہ دل ہے

 

[عمر سیف]

پھيلي تھيں بھرے شہر ميں تنہائي کي باتيں
شايد کوئي ديوار کے پيچھے بھي کھڑا تھا

 

[شمشاد]

ڈر ہے میری زباں نہ کھل جائے
اب وہ باتیں بہت بنانے لگے
(الطاف حسین حالی)