سیما علی
لائبریرین
نوازش کرم شکریہ مہربانی 😊😊
بچپن کی حماقتیں
- صاحب لڑی سید عمران
- تاریخ ابتداء
سیما علی
لائبریرین
جناب مفتی صاحب کی تخلیقی صلاحیتوں نے چار چاند لگا دیے ۔۔۔۔
بہت ساری دعائیں سلامت رہیے شاد و آباد رہیے اور ہمارے اور ہمارے بھیا سید عاطف علی کے ساتھ کیرالہ جانے کی تیاریوں میں ہر گھڑی تیار و کامران رہیے
جون 2009 میں ہم بڑی بیٹی کی شادی کی تیاریوں میں مصروف تھے۔سروس کے ساتھ گھر کی ذمہ داریاں بھی تھیں۔ ہماری پوری کوشش تھی کہ خوش اسلوبی سے اپنی ساری ذمہ داری نبھائیں۔ اُس زمانے میں آئی آئی چند ریگر روڈ پر کھدائی کا کام جاری تھا۔ ہم پلازا سے اپنے دفتر محمدی آفس جلد از جلد پہنچنا چاہتے تھے۔تیز قدمی کی وجہ سے ہمارا پاؤں مڑ گیا اور جب ہم دو منزل سیڑھیاں چڑھ کر اپنے آفس پہنچے تو بالکل نہیں چلا جا رہا تھا۔کسی نہ کسی طرح ہمت کرکے گھر کے قریب والے ہسپتال پہنچے۔ایکسرے کروایا تو پتہ چلا کہ ہڈی ٹوٹ گئی ہے پلاسٹر چڑھانا پڑے گا۔ اس وقت ہمیں اپنی اسٹیٹ آف مائنڈ سمجھ میں نہیں آتی تھی کہ یہ فرسڑیشن ہے، ٹینشن ہے کہ ڈپریشن۔
اللہ اللہ کرکے خیر سے بیٹی کی شادی ہوئی، رضا پردیس سدھارے اور رباب اپنی یونیورسٹی۔ اور ہم آٹھ ہفتے بیڈ ریسٹ پر آگئے۔ ٹیوشن تو ہم اپنی پڑھائی کے دوران بھی پڑھاتے رہے تھے، لیکن وہ اسٹوڈنٹس تقریباً ہماری ہم عمر تھیں، پھر وہ اسٹوڈنٹ لائف تھی۔ ایک تو ایڈونچر کرنے کا شوق تھا اور دوسرا اپنا جیب خرچ نکالنا تھا۔ لیکن اب ہمارا مقصد کسی کی مدد کرنا تھا، ان لوگوں کی مدد کرنا جن کے لیے اپنی محدود آمدنی سے ٹیوشن کے ہیسے نکالنا مشکل تھا۔
وہ تین بچے تھے۔ دو لڑکے، ایک لڑکی۔ لڑکے پڑھائی میں کمزور تھے جبکہ بچی ماشا ء اللّہ پڑھنے میں بہت اچھی بلکہ یہ کہنا
سچ ہوگا کہ کافی جینیس تھی تو اس پر کم محنت کرنی پڑی۔ البتہ بچوں پر وقت اور انرجی دل کھول کر خرچ کرتے تھے۔لیکن اس وقت بڑا سکون ملتا جب اُن کی ماں ہمیں بہت دعائیں دیتی کہ باجی میں تو مایوس ہوگئی تھی کہ یہ بچے پڑھ نہیں سکتے۔
پر جو پاپڑ ہمیں بیلنے پڑے وہ ہم جانتے یا ہمارا دل۔ کبھی لالچ سے بہلاتےکبھی ڈانٹ سے سمجھاتے، بڑے کو تو پھر بھی ڈرا دھمکا کے راہ راست پر لے آتے پر چھوٹا اتنا کھوٹا تھا کہ ناکوں چنے چبوادیتا۔مس مس یہ سمجھ میں نہیں آرہا، ابھی پڑھاؤ ابھی دس منٹ میں بھول جائے۔ کبھی کبھی تو ہمیں رونا آجاتا تھا۔رباب یونیورسٹی سے آکر کہتیں ماں کیوں اپنے آپ کو تھکا تی ہیں، ہم دیکھ لیتے ہیں ان کا سبق، پھر شور کرتیں کہ ماں آپ ان کو کیسے پڑھاتی ہیں، یہ تو بہت کند ذہن بچے ہیں۔
پر بچے من کے سچے۔ سب سے چھوٹو کو ہم نے بڑے جتنوں سے سنبھالا۔ روز ایک چاکلیٹ دیتے وہ بھی اپنی پسندیدہ bounty 😎پر ایک bounty پر اگر کوئی پڑھنے کی طرف راغب ہو تو مہنگا سودا نہیں۔ہم کبھی کبھی ہادی چھوٹو کو زور سے ڈانٹتے تو اُن کا رونا شروع ہوجاتا اور ساتھ ساتھ مس مس میں کل سے نہیں آؤں گا کی رٹ بھی ریں ریں کے ساتھ جاری ہوجاتی۔ پر ہم نے بھی تہیہ کرلیا تھا کہ اسے پڑھا کر ہی دم لیں گے۔
ایک روز کی روداد تو یادگار اور مزے دار ہے۔ ہم جب بھی یاد کرتے ہیں مسکراتے ہیں۔ حسب معمول اسے کبھی ڈانٹ اور کبھی پیار سے سبق یاد کرانے میں مصروف تھے کہ ہادی میاں نے پورا volume کھول کے رونا شروع کردیا، ساتھ ساتھ ہچکیوں میں روتے ہوئے بولا: "مس مس ہمیں بابا کو مت دیجے گا، ہم ابھی یاد کرکے lessons آپ کو سناتے ہیں۔‘‘
تھوڑی دیر تو ہمیں سمجھ میں نہ آیا کہ ہوا کیا ہے۔بعد میں جب اصل بات پتہ چلی تو ہنس ہنس کے ہم ماں بیٹی کا بُرا حال ہوگیا۔اصل میں ہرجمعرات کو ایک فقیر بڑی درد بھری زور دار آواز لگا کر بڑے کرب سے بھیک مانگتا تھا۔ ہادی میاں یہ سمجھے کہ اس بابا کو ہم نے بلایا ہے اور سزا کے طور پر ہم اُس کو فقیر کے حوالے کررہے ہیں۔ اس جمعرات کو ہادی دیر سے آئے تھے اور فقیر کی زور دار صدا اُس کے کانوں تک پہنچ گئی تھی جس نے بہترین کام کیا۔بس پھر کیا تھا، ایک اچھا گر ہمارے ہاتھ لگ گیا، ہادی کی دکھتی رگ ہمارے ہاتھ آگئی۔ اب ہادی نے ہماری ڈانٹ اور چاکلیٹ سے زیادہ فقیر کے ڈر سے پڑھنا شروع کردیا😅😅😅😅
سید عمران
محفلین
یہ تڑکا لگانے کی کیا ضرورت تھی؟؟؟
اگر وہاں آپ کے بھیا نے کوئی رنگریزی دکھادی تو؟؟؟
ہمارے رنگ میں بھنگ ڈال دیا تو؟؟؟
اور ہمارا رنگ پیلا پڑ گیا تو کون ذمہ دار ہوگا کسی کے ہاتھ کہیں کے کہیں پیلے ہونے کا؟؟؟
آخری تدوین:
سیما علی
لائبریرین
رنگ ریزی ہی تو اُنکی کمال ہے جو گاہے بگاہے ہماری نظروں سے پوشیدہ نہیں
سب کی خبر رکھتے ہیں🤓🤓🤓🤓🤓
سید عمران
محفلین
کیا رنگریزی ہماری کمال کی نہیں؟؟؟
ہم بھی تو سب کی خبر لیتے ہیں!!!
سید عاطف علی
لائبریرین
وہ تو ٹھیک ہے آپا :
ہمیں ابھی نکاح کا خطبہ یاد نہیں پہلے وہ یار کرلیں پھر چلیں نہیں تو دولہا خود خطبہ پڑھتا کچھ عجیب نہیں لگے گا؟ ؟
سید عمران
محفلین
ہم کہتے ہیں آخر اس میں حرج ہی کیا ہے؟؟؟
سید عاطف علی
لائبریرین
نہیں نہیں برائی تو ہر گز نہیں ۔۔۔
لیکن پھر بھی اپنی جانب کا پروٹو کول/اسکواڈ تو مکمل ہونا چایئے نا !!!آن بان شان سطوت شوکت حشمت طمطراق جاہ جلال کے ساتھ
آخری تدوین:
سید عمران
محفلین
اگر اسکواڈ سے مندرجہ بالا طمطراق کے لیے خطرہ بننے کا خدشہ ہو تو؟؟؟
سید عاطف علی
لائبریرین
یہ تو بس لوازمات ہیں ، ترجیحات آپ متعین کریں ، ہم سر تسلیم خم رکھیں گے ۔ ملیالم زبان کا تو ایک حرف بھی نہیں آتا۔
کہیں معاملہ یہ نہ ہو جائے کہ
زبان یار ملیالم و ملیالم نمی دانم
سید عمران
محفلین
ترجیحات میں یہ ہے کہ نکاح خواہ و شہ بالا کم سے کم نوّے برس کا ہونا چاہیے۔۔۔
تاکہ ہمارے خدشات کو ہوا دینے کا باعث نہ بن سکے۔۔۔
رہی بات زبان کی تو وہ بھی آجائے گی زبان درازی کرتے کرتے!!!
اکمل زیدی
محفلین
عاطف بھائی ڈرا دیا آپ نے میں تو سمجھا سچ میں اتنی نظر کمزور ہو گئی ہے ۔ ۔ ۔
سید عمران
محفلین
اکمل زیدی بھائی، آج کل عاطف بھائی سب کی آنکھوں میں دھول جھونکنے کے مشن پر گامزن ہیں۔۔۔عاطف بھائی ڈرا دیا آپ نے میں تو سمجھا سچ میں اتنی نظر کمزور ہو گئی ہے ۔ ۔ ۔
ہماری آنکھوں میں بھی دھول جھونک کر کیرالہ جانے کی منصوبہ بندی کر رہے ہیں وہ بھی ہمارے ہی ساتھ۔۔۔
لیکن ہم ان سے ان کی دھول اپنی آنکھوں میں ہرگز نہیں جھونکوانے کے!!!
محمد عدنان اکبری نقیبی
لائبریرین
سیر پر سوا سیر
واہ مزہ آگیا
سید عمران
محفلین
ابھی پارٹی شروع کہاں ہوئی ہے؟؟؟
محمد عدنان اکبری نقیبی
لائبریرین
جب شروع ہو ہمیں آواز دے لیجیے گا ،
ہم پڑوس والی لڑی میں ہی ہیں
سید عمران
محفلین
جب آپ پڑوس والی لڑی میں جائیں گے تو ہم اسے باہر سے تالا لگاکر سیل کردیں گے!!!
محمد عدنان اکبری نقیبی
لائبریرین
یہ آپ کے بچپن کی کارستانیوں کے احوال والی لڑی ہے بس مگر اب زمانہ بچپن کا نہیں ۔اس لیے ایسی حماقتوں کا وقت گزر چکا ۔
سید عاطف علی
لائبریرین
عاطف بھائی ڈرا دیا آپ نے میں تو سمجھا سچ میں اتنی نظر کمزور ہو گئی ہے ۔ ۔ ۔
اکمل بھائی ۔ ذرا دیکھیے تھوڑی سی دھول کیسی چشم کشا واقع ہوئی ۔ اس کے پیچھے ہماری نیک نیتی ہی ہے اور کچھ نہیں ۔
سید عمران
محفلین
پھر کیسی حماقتوں کا وقت آچکا؟؟؟