السلام علیکم
نبیل بھائی، یہ بتائیں کہ فونٹ میں اگر کافی سارے Ligatures استعمال کیے جائیں تو کیا فونٹ کی رفتار سست پڑ جاتی ہے؟؟؟؟
ابھی ابھی ایک دلچسپ انکشاف ہوا ہے، جو شاید اتنا اہم ثابت نہ ہو، تاہم پھر بھی یہ بات بہت اہم ہے کہ آپ سب کے ساتھ اسے شیئر کیا جائے۔
میں نے انپیج کے نوری نستعلیق فونٹز کو ہائی لوجک سوفٹ ویئر میں اوپن کیا، اور پتا نہیں کیسے خود بخود یہ 89 فونٹز میری ونڈو کی فونٹ ڈائیریکٹری میں انسٹال ہو گئے۔
مزید اتفاق یہ ہوا کہ "ایڈیٹر" میں میں کچھ لکھنا چاہ رہی تھی کہ نوری نستعلیق کا 88 نمبر والا فونٹ کلک ہو گیا۔۔۔۔ اور میری حیرت کی انتہا نہ رہی جب ایڈیٹر میں کچھ اردو الفاظ نوری نستعلیق میں بالکل صحیح نظر آنے لگے۔
یہ الفاظ بولڈ اور اٹیلک بھی نظر آ رہے ہیں اور ان کا سائز بھی چھوٹا بڑا ہو رہا ہے۔
میں نے انہیں کاپی کر کے ایم ایس ورڈ اور اوپن آفس میں پیسٹ کرنے کی کوشش کی، مگر وہاں یہ کام نہیں کر رہے۔
(اگر آپ کو خود ٹرائی کرنا ہے تو نوری نستعلیق کے 88 فونٹ کو ایڈیٹر میں کھول کر تمام کنجیوں کو ایک ایک دفعہ دبائیں۔۔۔۔ آپ کو اوپر تصویر میں دیے گئے تمام الفاظ مل جائیں گے)۔
مجھے نہیں پتا کہ یہ انکشاف کتنا اہم ہے۔ بہرحال ذیل کی باتوں کا تجزیہ کرتے ہیں:
1۔ نوری نستعلیق کے یہ فونٹ اصل میں ٹرو ٹائپ فونٹز ہیں۔
2۔ نوری نستعلیق کے ان 89 فونٹز کا کُل سائز تقریبا 10 ایم بی ہے۔
3۔ نوری نستعلیق کے یہ 89 فونٹز پچانوے فیصد Ligatures پر مشتمل ہے۔ ( Ligature سے مراد یہ ہے کہ تین یا اس سے زیادہ حروف پر مبنی لفظ کی ایک مکمل پری ڈیزائنڈ تصویر پیش کر دینا بجائے فونٹ کے انفرادی حروف کو ملا کر لفظ بنانے کے)
4۔ اب لیگیچرز کے حوالے سے دو سوالات اہم ہیں۔ (پہلا سوال) کیا لگیچرز استعمال کرنے سے فونٹ کی سپیڈ کم ہو جاتی ہے؟ (دوسرا سوال) لیگیچرز کا بہت زیادہ استعمال کرنے سے فونٹ کا سائز بڑھ جاتا ہے۔ تو کیا اگر کسی ایک فونٹ کا سائز بہت بڑا ہو تو اُس کی سپیڈ بھی کم ہو جاتی ہے؟
(میرا مقصد یہ ہے کہ اگر نوری نستعلیق کے ان فونٹز کو ایک ہی فونٹ کے نام کے ذیل میں جمع کر دیا جائے تو اُس کا سائز بھی بڑھ جائے گا اور لگیچرز کی تعداد بھی)
میں نے تاہوما فونٹ کا سائز دیکھا ہے جو کہ 1,5 ایم بی ہے، مگر اس بڑے سائز کے باوجود تاہوما فونٹ کی سپیڈ میں کوئی کمی نہیں آتی۔
۔۔۔۔۔۔۔۔۔۔۔۔۔۔۔۔۔۔۔
بات کو مختصر کرتے ہوئے یہ عرض کرنا چاہتی ہوں کہ اگر فونٹ کے سائز بڑا ہونے اور لگیچرز کی تعداد زیادہ ہونے سے فونٹ کی سپیڈ میں کچھ کمی نہیں آتی، تو میں بھرپور طریقے سے اس بات پر زور دوں گی کہ "ویب نستعلیق" کے لیے اس آپشن کو زیرِ نظر رکھا جائے۔
۔۔۔۔۔۔۔۔۔۔۔۔۔۔۔۔۔۔۔
آئیے اب اس آپشن کا موازنہ ورٹیکل کرننگ والے آپشن سے حاصل کیے جانے والے نستعلیق سے کرتے ہیں۔
1۔ ورٹیکل کرننگ ٹیکنالوجی ابھی میچور نہیں ہوئی ہے۔ اس کی رفتار اتنی سست ہے کہ پینٹیم 3 تک کے کمپیوٹر اسے کبھی بھی استعمال نہیں کر پائیں گے۔
اور پینٹیم 4 والے کمپیوٹر بھی اسے بھرپور طریقے سے نہیں استعمال کر سکتے۔
اس کے مقابلے میں، اگر فانٹ کے سائز اور لگیچرز کی تعداد زیادہ ہونے سے اگر سپیڈ پر کچھ فرق نہیں پڑتا، تو اس کا مطلب ہو گا کہ پینٹیم 2 تک کے سسٹمز بھی ایسے "ویب نستعلیق" کو با آسانی استعمال کر سکیں گے۔
2۔ جہاں تک اس لگیچرز بیسڈ سٹائل پر ویب نستعلیق فونٹ تیار کرنے کا تعلق ہے، تو یہ نہایت ہی آسان ہے اور ہم جیسے اناڑی کھلاڑی بھی اسے بغیر دقت کے تیار کر سکیں گے۔
۔۔۔۔۔۔۔۔۔۔۔۔۔۔۔۔۔۔
نبیل بھائی۔۔۔۔ ہیلپ۔
اگر اس بات کا جواب اثبات میں ہے کہ فونٹ کا اپنا سائز بڑا ہونے اور لگیچرز کی تعداد زیادہ ہونے سے کوئی فرق نہیں پڑتا، تو پھر میرا بھرپور ووٹ اس آپشن کے لیے ہو گا۔
والسلام۔
