بیت بازی سے لطف اٹھائیں (3)

[غ۔ن۔غ]

نہ ڈگمگائے کبھی ہم وفا کے رستے میں
چراغ ہم نے جلائے ہوا کے رستے میں

 

[عمران شناور]

نظر کرنا نظر انداز ہونا
یہی ہے پیار کا آغاز ہونا
)کمال اظہر(

 

[غ۔ن۔غ]

آخری دم تک مکمل کر نہ پائے ہم اسے
اک تمنا زندگی کے خون میں پلتی رہی

 

[عمران شناور]

یہ کافی ہے کہ ہم دشمن نہیں ہیں
وفاداری کا دعویٰ کیوں کریں ہم
)جون ایلیا(

 

[سارہ خان]

محبت کرنے والوں کی تجارت بھی انوکھی ہے
منافع چھوڑ دیتے ہیں خسارہ بانٹ لیتے ہیں
احمد فراز

 

[فرحت کیانی]

نہ گنواؤ ناوکِ نیم کش ، دلِ ریزہ ریزہ گنوا دیا
جو بچے ہیں سنگ سمیٹ لو، تنِ داغ داغ لُٹا دیا
۔ فیض احمد فیض

 

[سارہ خان]

اکیلا خود کو جب محسوس کرتا ہوں کسی لمحے
کسی امید کا چہرہ کوئی غم ڈھونڈ لیتا ہوں
اعتبار ساجد

 

[بانیاز خان]

نہیں ہے ناامید اقبال اپنی کشت ویراں سے
ذرا نم ہو تو یہ مٹی بڑی زرخیز ہے ساقی

 

[مغزل]

یم فرات رواں ہے میانِ دیدہ و دل
نہ دامنوں کو خبر ہے نہ آستینوں کو
نصیر ترابی

 

[بانیاز خان]

واعظ سے فراز اپنی بنی ہے نہ بنے گی
ہم اور طرح کے ہیں جناب اور طرح کے

 

[امیداورمحبت]

یہ محرومی نہیں پاس وفا ہے
کہ کوئی تیرے سوا دیکھا نہ جائے گا

فراز

 

[مغزل]

اچھا ہوا کہ تو نے فراموش کردیا
ورنہ مجھے جو دکھ تھے بہت لادوا نہ تھے
(بر بنائے بیت بازی)

 

[بانیاز خان]

یہ عشق نہیں آساں بس اتنا سمجھ لیجیے
اگ آگ کا دریا ہے اور ڈوب کر جانا ہے

 

[امیداورمحبت]

یوں دل لرز اٹھا ہے کسی کو پکار کر
میری صدا بھی جیسے کہ میری صدا نہ تھی

 

[بانیاز خان]

یہ ظالم زمانہ دکھائے گا کیا کیا
تیری آنکھ بھی آج نم دیکھتے ہیں

 

[شمشاد]

نازکی اس کے لب کی کیا کہیے
پنکھڑی اک گلاب کی سی ہے

 

[زبیر مرزا]

یہ جو دیوانے سے دو چار نظر آتے ہیں
ان میں کچھ صاحب اسرار نظر آتے ہیں

 

[شمشاد]

نہ گل ہیں نہ غنچے نہ بوٹے نہ پتے
ہوئے باغ نذرِ خزاں کیسے کیسے
(امیر مینائی)

 

[زبیر مرزا]

یہ سوچ کے دل پھر سے ہے آمادہء الفت
ہر بار محبت میں خسارہ نہیں ملتا

 

[شمشاد]

امیرؔ اب سخن کی بڑی قدر ہو گی
پھلے پھولیں گے نکتہ داں کیسے کیسے​

(امیر مینائی)​