بیت بازی سے لطف اٹھائیں (4)

[سید زبیر]

یہ میکدہ ہے یہاں کی ہر شے کا حضور
غم حیات بہت احترام کرتا ہے
ساغر صدیقی

 

[شمشاد]

​

یہ دُنیا کسی کی نہ تھی اور نہ ہوگی​

یہ شکوہ، شکایت، گلہ رہنےدیجے
(مومن خان شوق)

 

[محمداحمد]

یہی ہوا، یہی بے مہر و بے لحاظ ہو​

یہی نہ ہو تو چراغوں میں روشنی بھی نہ ہو​

​

افتخار عارف​

 

[شمشاد]

وہی پھر مجھے یاد آنے لگے ہیں
جنہیں بھولنے میں زمانے لگے ہیں
(خمار بارہ بنکوی)

 

[فرحت کیانی]

نہ گنواؤ ناوکِ نیم کش دلِ ریزہ ریزہ گنوا دیا
جو بچے ہیں سنگ سمیٹ لو، تنِ داغ داغ لُٹا دیا
- فیض احمد فیض

 

[محمداحمد]

اشک آنکھوں میں آئے جاتے ہیں
پھر بھی ہم مسکرائے جاتے ہیں

امجد اسلام امجد

 

[شمشاد]

نفس نہ انجمنِ آرزو سے باہر کھینچ
اگر شراب نہین انتظارِ ساغر کھینچ
(چچا)

 

[محمداحمد]

چاہیے اچھوں کو جتنا چاہیے
یہ اگر چاہیں تو پھر کیا چاہیے

غالب

 

[شمشاد]

یوں ہی دکھ کسی کو دینا نہیں خوب ورنہ کہتا
کہ مرے عدو کو یا رب ملے میری زندگانی
(چچا)

 

[محمداحمد]

یہ جو دیوانے سے دو چار نظر آتے ہیں
ان میں کچھ صاحبِ اسرار نظر آتے ہیں

ساغر صدیقی

 

[شمشاد]

نہ شعلے میں یہ کرشمہ نہ برق میں یہ ادا
کوئی بتاؤ کہ وہ شوخِ تند خو کیا ہے
(چچا)

 

[عمر سیف]

یاد بھی ہیں اے منیر اس شام کی تنہائیاں
ایک میداں، اک درخت اور تو خُدا کے سامنے

 

[شمشاد]

یہ ہم جو ہجر میں دیوار و در کو دیکھتے ہیں
کبھی صبا کو کبھی نامہ بر کو دیکھتے ہیں
(چچا)

 

[عمر سیف]

نظر نظر بے قرار سی ہے نفس نفس پراسرار سا ہے
میں جانتا ہوں تم نہ آؤ گے پھر بھی کچھ انتظار سا ہے

 

[سید زبیر]

یہاں بھی ہو گئےاغیار انجمن اآرا
میں اپنے دل کی بھری محفلوں میں تنہا ہوں

 

[عمر سیف]

ناز کیوں اپنے مقدر پہ نہ ہو ہم کو بتول
پھر گناہوں کی تلافی کا مہینہ مل گیا

 

[سید زبیر]

آئے کچھ ابر کچھ شراب آئے
اس کے بعد آئے جو عذاب آئے
فیض

 

[شمشاد]

​

یا رب، زمانہ مجھ کو مٹاتا ہے کس لیے؟​

لوحِ جہاں پہ حرفِ مکرّر نہیں ہُوں میں​

(چچا)​

​

 

[سید زبیر]

نہ ملے زہر تو اپنا ہی لہو پی لیتے ہیں
جام خالی نہیں رہتے کبھی سقراطوں کے

 

[عمر سیف]

یہ آرزو تھی کہ ہم اس کے ساتھ ساتھ چلیں
مگر وہ شخص تو رستہ بدلتا جاتا ہے