بیت بازی سے لطف اٹھائیں (4)

[عمر سیف]

ابھی تک سادہ رکھا ہے کاغذ اپنی چاہت کا
مناسب جب بھی سمجھیں گے کوئی پیغام لکھ دیں گے
کوئی پیغام کیا لکھنا ہے ایک چھوٹے سے کاغذ پر
جسے ہم چاہتے ہیں بس اُسی کا نام لکھ دیں گے

 

[شمشاد]

یہ سمجھے تھے ہم ایک چرکہ ہے دل پر​

دبا کر جو دیکھا تو ناسور نکلا​

(داغ دہلوی)​

 

[فرخ منظور]

اُٹھ کے پہلو سے کدھر آپ ہیں جانے والے
جگر و دل ہیں تڑپ کر نکل آنے والے
(صبا لکھنوی)

 

[شمشاد]

یہ اُٹھنا بیٹھنا محفل میں اُن کا رنگ لائے گا​

قیامت بن کے اُٹھیں گے ، بھبوکا بن کے بیٹھے ہیں​

(داغ دہلوی)​

 

[فرخ منظور]

نہیں نگاہ میں منزل تو جستجو ہی سہی
نہیں وصال میسر تو آرزو ہی سہی
فیض

 

[شمشاد]

یہ گستاخی یہ چھیڑ اچھی نہیں‌ ہے اے دلِ ناداں​

ابھی پھر سے روٹھ جائیں‌ گے، ابھی وہ مَن کے بیٹھے ہیں​

(داغ دہلوی)​

 

[فرخ منظور]

نازکی اس کے لب کی کیا کہیے
پنکھڑی اِک گلاب کی سی ہے
(میر تقی میر)

 

[غ۔ن۔غ]

یہ برق نشیمن پہ گری تھی کہ قفس پر
مرغان گرفتار بڑی دیر سے چپ ہیں

 

[شمشاد]

نہ رونا ہے طريقہ کا نہ ہنسنا ہے سليقےکا​

پريشانی ميں کوئی کیا جی سکے، ہو نہيں سکتا​

(داغ دہلوی)​

 

[غ۔ن۔غ]

اب تو سب دشنہ و خنجر کی زباں بولتے ہیں
اب کہاں لوگ محبت کے نصابوں والے

 

[سید زبیر]

اب تو سب دشنہ و خنجر کی زباں بولتے ہیں
اب کہاں لوگ محبت کے نصابوں والے

یہ اّڑھی ترچھی لکیریں بنا گیا ہے کون
میں کیا کہوں میرے دل کاورق تو سادہ سا تھا
شکیب جلالی

 

[غ۔ن۔غ]

اپنے دیوان کو گلیوں میں لیے پھرتا ہوں
ہے کوئی جو ہنرِ زخم نمائی لے لے

 

[فرخ منظور]

یہ ہم جو ہجر میں دیوار و در کو دیکھتے ہیں
کبھی صبا کو کبھی نامہ بر کو دیکھتے ہیں

(نجات کا طالب، غالب)

 

[غ۔ن۔غ]

نا سپاسی کی بھی حد ہے جو یہ کہتے ہو فراز
زندگی ہم نے گزاری ہے گزارے کی مثال

 

[فرخ منظور]

لام نستعلیق کا ہے اس بتِ خوشخط کا زلف
ہم تو کافر ہوں اگر بندے نہ ہوں اسلام (اس لام) کے

 

[سید زبیر]

اپنے دیوان کو گلیوں میں لیے پھرتا ہوں
ہے کوئی جو ہنرِ زخم نمائی لے لے

یار تھا گلزار تھا باد صبا میں نہ تھا
لائق پا بوس جاں کیا حنا تھا میں نہ تھا
بہادر شاہ ظفر

 

[غ۔ن۔غ]

اس قدر خوف ہے اب شہر کی گلیوں میں کہ لوگ
چاپ سُنتے ہیں تو لگ جاتے ہیں دیوار کے ساتھ

 

[فرخ منظور]

ہے یہی مری نماز ہے یہی مرا وضو
میری نواؤں میں ہے میرے جگر کا لہو
(اقبال)

 

[غ۔ن۔غ]

وحشتیں بڑھتی گئیں ہجر کے آزار کے ساتھ
اب تو ہم بات بھی کرتے ہیں غم خوار کے ساتھ

 

[سارہ خان]

ہیں ضیاؤں کی بخششیں ساغرؔ
ذرّہ ذرّہ ہے آج مہ پارہ
ساغرؔ صدیقی

​