بیت بازی سے لطف اٹھائیں (5)

[سیما علی]

وہ شیفتہ کہ دھوم ہے حضرت کے زہد کی
میں کیا کہوں کہ رات مجھے کس کے گھر ملے

مصطفیٰ خاں شیفتہ

 

[مومن فرحین]

یوں تیری یاد کی مشعل ہے فروزاں دل میں
ذھن شاعر میں شگفتہ سی غزل ہو جیسے

 

[سیما علی]

یوں بھی نہیں کہ پاس ہے میرے وہ ہم نفس
یہ بھی غلط کے مجھ سے جدا ہو گیا وہ شخص

رشید قیصرانی

 

[شمشاد]

صبح کا افسانہ کہہ کر شام سے
کھیلتا ہوں گردش ایام سے
(شکیل بدایونی)

 

[مومن فرحین]

یہ کہہ کہہ کہ ہم دل کو بہلا رہے ہیں
وہ اب چل دئے ہیں وہ اب آرہے ہیں

خمار بارہ بنکوی

 

[سیما علی]

نئی تہذیب سے ساقی نے ایسی گرمجوشی کی
کہ آخر مسلموں میں روح پھونکی بادہ نوشی کی

اکبر الہ آبادی

 

[سیما علی]

یہ روشنی یونہی آغوش میں نہیں آتی۔۔
چراغ بن کے منڈیروں پہ جلنا پڑتا ہے

حسن جمیل

 

[سیما علی]

یہ مرحلہ بھی کسی امتحاں سے کم تو نہیں
وہ شخص مجھ پہ بہت اعتبار کرتا ہے

معین شاداب

 

[شمشاد]

یہ حسن فروشی کی دوکان ہے یا چلمن
نظارہ کا نظارہ روپوشی کی روپوشی
(بیدم شاہ وارثی)

 

[محمد عبدالرؤوف]

خوب پردہ ہے چلمن سے لگے بیٹھے ہیں
صاف چھپتے بھی نہیں سامنے آتے بھی نہیں

 

[شمشاد]

خوب پردہ ہے چلمن سے لگے بیٹھے ہیں
صاف چھپتے بھی نہیں سامنے آتے بھی نہیں

یہ آپ نے حرف "خ" سے شعر کیسے دے دیا؟ یہ بیت بازی کی لڑی ہے، آپ کو تو حرف "ی" سے شعر دینا تھا۔

 

[شمشاد]

خوب پردہ ہے چلمن سے لگے بیٹھے ہیں
صاف چھپتے بھی نہیں سامنے آتے بھی نہیں

نہ آتے ہمیں اس میں تکرار کیا تھی
مگر وعدہ کرتے ہوئے عار کیا تھی
(علامہ اقبال)

 

[محمد عبدالرؤوف]

یہ آپ نے حرف "خ" سے شعر کیسے دے دیا؟ یہ بیت بازی کی لڑی ہے، آپ کو تو حرف "ی" سے شعر دینا تھا۔

معذرت
میں اس سے پہلے اس لڑی میں نہیں آیا مجھے اندازہ نہیں ہوا بس آپ کے شعر کا جوابی شعر یاد آیا تو ارسال کر دیا

 

[محمد عبدالرؤوف]

نہ آتے ہمیں اس میں تکرار کیا تھی
مگر وعدہ کرتے ہوئے عار کیا تھی
(علامہ اقبال)

یاد ماضی عذاب ہے یا رب
تو چھین لے مجھ سے حافظہ میرا

 

[شمشاد]

یاد ماضی عذاب ہے یا رب
تو چھین لے مجھ سے حافظہ میرا

یہ اختر انصاری کا شعر ہے۔ آپ نے اس کے دوسرے مصرعے کے شروع میں "تو" اضافی لکھا ہے۔ اصل شعر مندرجہ ذیل ہے :

یاد ماضی عذاب ہے یارب
چھین لے مجھ سے حافظہ میرا

 

[شمشاد]

اسدؔ افسردگی آوارۂ کفر و دیں ہے
یاد روزے کہ نفس در گرہ یارب تھا
(مرزا غالب)

 

[محمد عبدالرؤوف]

اے خدا میں سن رہا ہوں آہٹیں اس وقت کی
جب تری دنیا کا ہر بندا خدا ہو جائے گا

 

[شمشاد]

آپ پہلو میں جو بیٹھیں تو سنبھل کر بیٹھیں
دل بیتاب کو عادت ہے مچل جانے کی
(جلیل مانک پوری)

 

[شمشاد]

یہ کیا طلسم ہے کیوں رات بھر سسکتا ہوں
وہ کون ہے جو دیوں میں جلا رہا ہے مجھے
(ساقی فاروقی)

 

[سیما علی]

یانبی دیکھا ہے رتبہ آپ کی نعلین کا!!!!!!
عرش نے چوما ہے تلوا آپ کی نعلین کا

نثار علی اجاگرؔ