بیت بازی سے لطف اٹھائیں (5)

[مومن فرحین]

زندگی یُوں تھی کہ جینے کا بہانہ تُو تھا
ہم فقط زیبِ حکایت تھے، فسانہ تُو تھا
ہم نے جس جس کو بھی چاہا ترے ہجراں میں، وہ لوگ
آتے جاتے ہوئے موسم تھے، زمانہ تُو تھا

احمد فراز

 

[گُلِ یاسمیں]

ایسی کچھ چپ سی لگی ہے جیسے
ہم تجھے حال سنانے آئے
عشق تنہا ہے سر منزل غم
کون یہ بوجھ اٹھانے آئے

 

[مومن فرحین]

یہ رات کی خاموشی یہ عالَم تنہائی
پھر درد اٹھا دل میں پھر یاد تری آئی
دیکھے ہیں بہت ہم نے ہنگامے محبت کے
آغاز بھی رسوائی انجام بھی رسوائی

 

[سیما علی]

یہ رات کی خاموشی یہ عالَم تنہائی
پھر درد اٹھا دل میں پھر یاد تری آئی
دیکھے ہیں بہت ہم نے ہنگامے محبت کے
آغاز بھی رسوائی انجام بھی رسوائی

یہ کیا قیامت ہے باغبانوں کے جن کی خاطر بہار آئی
وہی شگوفے کھٹک رہے ہیں تمھاری آنکھوں میں خار بن کر
ساغر صدیقی

 

[سیما علی]

رات کی جھیل کا ٹھہرا ہوا پانی ہوں میں
کون چپکے سے مری تہہ میں اتر جا تا ہے

 

[گُلِ یاسمیں]

یادِ ماضی عذاب ہے یا رب
چھین لے مجھ سے حافظہ میرا

 

[سیما علی]

یہ خرابات ہے جا خیر سے اپنے گھر کو
منہ کی کِھلوائے نہ پھر تیز زبانی واعظ

تیری ہی زُلفِ ناز کا اب تک اسیر ہُوں
یعنی کسی کے دام میں آیا نہیں ہنوز
جوش ملیح آبادی

 

[سیما علی]

زندگی کو میں نے دیکھا ہے برافگندہ نقاب
زندگی پیہم خلش ہے، جاودانی اضطراب!۔
(جاوید اختر)

 

[سیما علی]

بے خودی لے گئی کہاں ہم کو
دیر سے انتظار ہے اپنا

میر تقی میر

 

[گُلِ یاسمیں]

اوّل اوّل تو ہر شب قیامت ہوئی، رفتہ رفتہ ہمیں ایسی عادت ہوئی
گھر کے آنگن میں غم رقص کرتے رہے، غل مچاتے رہے، اور ہم سو گئے

عرفان ستار

 

[شمشاد]

یہ آرزو بھی بڑی چیز ہے مگر ہم دم
وصال یار فقط آرزو کی بات نہیں
(فیض احمد فیض)

 

[گُلِ یاسمیں]

یہ آرزو بھی بڑی چیز ہے مگر ہم دم
وصال یار فقط آرزو کی بات نہیں
(فیض احمد فیض)

نہ پوچھیئے کہ وہ کس کرب سے گزرتے ہیں
جو آگہی کے سبب عیشِ بندگی سے گئے
عرفان ستّار

 

[شمشاد]

یہ علم کا سودا یہ رسالے یہ کتابیں
اک شخص کی یادوں کو بھلانے کے لیے ہیں
(جاں نثار اختر)

 

[گُلِ یاسمیں]

ندامتیں ہوں تو سر بارِ دوش ہوتا ہے
فراز جاں کے عوض آبرو بچا لے جا
احمد فراز

 

[شمشاد]

ایک چراغ اور ایک کتاب اور ایک امید اثاثہ
اس کے بعد تو جو کچھ ہے وہ سب افسانہ ہے
افتخار عارف

 

[گُلِ یاسمیں]

یوں تری گرم نگاہی سے پگھلتے دیکھا
جس طرح کانچ کا گھر ہو مرے پندار کا شہر
شکیب جلالی

 

[شمشاد]

راستے میں مل گئے تو پوچھ لیتے ہیں مزاج
اس سے بڑھ کر اور کیا ان کی عنایت چاہئے
محمد ایوب ذوقی

 

[مومن فرحین]

یہ پیام میرا کہنا تو صبا مودبانہ
کہ گزر گیا ہے پیارے تجھے دیکھے اک زمانہ

 

[سیما علی]

ناصحو آپ میں جرات نہ رہا
اب سمجھ کر اُسے سمجھائیے گا
جرات

 

[سیما علی]

اے دَستِ جنوں تیری مدد ہووے تو اب بھی
اک جھٹکے میں لگتا ہے گریباں ٹھکانے