بیت بازی سے لطف اٹھائیں (5)

[سیما علی]

یہ جاں فروشیاں ترے کس کام آئیں گی
بے کار پھر رہے ہیں یہاں تو بدن فروش
سودا وہی ہے آج بھی بازارِ عشق کا
ہاں کوئی نو فروش ہے کوئی کُہن فروش

صوفی تبسم

 

[سیما علی]

شرط سلیقہ ہے ہر اک امر میں
عیب بھی کرنے کو ہنر چاہئیے
( میر تقی میر)

 

[شمشاد]

یہ دیکھنا ہے کہ انجام اس کا کیا ہوگا
جو اپنے شہر کا قاتل بھی تھا مسیحا بھی
ساحرہ بیگم

 

[سیما علی]

یہ کیا قیامت ہے باغبانوں کے جن کی خاطر بہار آئی
وہی شگوفے کھٹک رہے ہیں تمھاری آنکھوں میں خار بن کر
ساغر صدیقی

 

[سیما علی]

رکھّا ہے ہم کو دِل نے کہیں کا کہاں خلش
ہرغم لگا کہ اب مِری تقدِیر بن گئے

 

[سیما علی]

یہ جان کر بھی کہ دونوں کے راستے تھے الگ
عجیب حال تھا جب اس سے ہو رہے تھے الگ

اکیلے پن کی اذیّت کا اب گِلہ کیسا
فراز خود ہی تو اپنوں سے ہو گئے تھے الگ

 

[سیما علی]

کروں نہ یاد مگر کس طرح بُھلاؤں اُسے
غزل بہانہ کروں اور گُنگُناؤں اُسے

(احمد فراز)

 

[لاريب اخلاص]

یہ زیست کچھ ایسے ہے کہ الجھے ہوئے دھاگے

ٹوٹے ہوئے نکلیں جنہیں سمجھیں کہ سرے ہیں

ہر روز کوئی ٹانکا ادھڑ جاتا ہے پھر سے

ہم وقت کی سوزن سے کئی بار سلے ہیں
فخر زمان

 

[شمشاد]

نہ اب رقیب نہ ناصح نہ غم گسار کوئی
تم آشنا تھے تو تھیں آشنائیاں کیا کیا
فیض احمد فیض

 

[سیما علی]

امید وصل نے دھوکے دئیے ہیں اس قدر حسرت
کہ اس کافر کی ‘ہاں’ بھی اب ‘نہیں’ معلوم ہوتی ہے
چراغ حسن حسرت

 

[رومی]

یہ زیست کچھ ایسے ہے کہ الجھے ہوئے دھاگے

ٹوٹے ہوئے نکلیں جنہیں سمجھیں کہ سرے ہیں

ہر روز کوئی ٹانکا ادھڑ جاتا ہے پھر سے

ہم وقت کی سوزن سے کئی بار سلے ہیں
فخر زمان

واہ واہ بہت عمدہ

 

[سیما علی]

ہمیں تو عہدِ الفت کو قیامت تک نبھانا ہے
وہ رہتا ہے اگر ہم سے رہے بیزار بسمہ اللہ

 

[سیما علی]

یہ زائرانِ حریم مغرب ہزار رہبر بنیں ہمارے
ہمیں بھلا ان سے واسطہ کیا جو تجھ سے نا آشنا رہے ہیں

علامہ اقبال

 

[سیما علی]

اس کی سخن طرازیاں میرے لیے بھی ڈھال تھیں
اس کی ہنسی میں چھپ گیا اپنے غموں کا حال بھی
پروین شاکر

 

[سیما علی]

بس اِک غبارِ وہم ہے یک کوچہ گرد کا
دیوارِ بُود کچھ نہیں اور دَر بھی کچھ نہیں

 

[سیما علی]

پلٹ کے دیکھ تو لیتا اگر جواب نہ تھا
حیا سے گڑ گئے تجھ کو پکارنے والے

 

[سیما علی]

تم مجھے چھوڑ کے اِس طرح نہیں جا سکتے
اس تعلّق پہ بہت ناز کیا ہے میں نے

 

[سیما علی]

ٹوٹ جاتے ہیں سبھی الفاظ و معانی کے طلسم
بے زبانی میں عجب قوتِ گویائی ہے!!!!!!!!!

 

[سیما علی]

ثبوت مانگتے ہیں میرے پیار کا یارو!
ہر اِک سے ترکِ تعلّق کِیا ہے جن کیلئے

 

[سیما علی]

جس آنکھ نے دیکھا تجھے اس آنکھ کو دیکھوں
ہے اس کے سوا کیا ترے دیدار کی صورت