بیت بازی سے لطف اٹھائیں (5)

[مہدی نقوی حجاز]

یہ دل یہ پاگل دل میرا کیوں بُجھ گیا آوارگی
اس شہر میں اک شخص تھا، وہ کیا ہوا، آوارگی

یہ شعر کچھ بےبحرہ سا نہیں؟؟

 

[ماہی احمد]

یہ شعر کچھ بےبحرہ سا نہیں؟؟

ہو سکتا ہے ہو، مجھے کون سا صحیح سے یاد رہتے ہیں

 

[ماہی احمد]

یہ شعر کچھ بےبحرہ سا نہیں؟؟

یہ دل یہ پاگل دل میرا کیوں بُجھ گیا آوارگی
اس شہر میں اک شخص تھا، وہ کیا ہوا، آوارگی

اس دشت میں اک شہر تھا، وہ کیا ہوا آوارگی۔

 

[ماہی احمد]

ویسے بات تو ایک ہی ہے۔

 

[خالد محمود چوہدری]

Ghulam Ali, yeh dil ye pagal dil mera kioon bujj gaya

 

[خالد محمود چوہدری]

غلام علی صاحب کی غزل کا ایم پی تھری لنک


یہ دل یہ پاگل دل میرا کیوں بُجھ گیا آوارگی
اس شہر میں اک شخص تھا، وہ کیا ہوا، آوارگی

 

[ماہی احمد]

 

[خالد محمود چوہدری]

کیوں بھئی؟

 

[ماہی احمد]

میں جہاں بھی دیکھ رہی ہوں وہاں لکھا ہے
اس دشت میں اک شہر تھا
آپ کہہ رہے ہیں
اس شہر میں اک شخص تھا۔۔۔

 

[مہدی نقوی حجاز]

عجیب دہشت مچ گئی بیت بازی میں!!

 

[یونس]

یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے

 

[حاتم راجپوت]

ذکر اس پری وش کا ، اور پھر بیاں اپنا
بن گیا رقیب آخر تھا جو رازداں اپنا

 

[شیزان]

آج دیکھا ہے تجھ کو دیر کے بعد
آج کا دن گزر نہ جائے کہیں

نہ ملا کر اداس لوگوں سے
حسن تیرا بکھر نہ جائے کہیں

 

[یونس]

نہ گنواؤ ناوک نیم کش‘ دل ریزہ ریزہ گنوا دیا
جو بچے ہیں سنگ سمیٹ لو‘ تن داغ داغ لٹا دیا

 

[شیزان]

آسماں کی طرف اُمید سے جو دیکھتا ہوں
یہ مرا جُرم سہی، اس کی معافی نہیں کیا؟

معجزے کیا ہُوئے، وُہ ساری دُعائیں ہیں کہاں
اب کوئی دستِ مسیحائی بھی شافی نہیں کیا؟

 

[یونس]

اب نالہ و شیون کی صدائیں نہیں آتیں ۔ ۔
اے درد کی شب ! وہ ترے بیتاب کہاں ہیں؟

 

[شمشاد]

نہ جانے کب تمھیں فرصت ملے گی آنے کو
تمہارے آنے کے دن گزرتے جاتے ہیں
(عباس تابش)

 

[شمشاد]

میں جہاں بھی دیکھ رہی ہوں وہاں لکھا ہے
اس دشت میں اک شہر تھا
آپ کہہ رہے ہیں
اس شہر میں اک شخص تھا۔۔۔

محسن نقوی کا کلام ہے۔ پوری غزل حاضر ہے

یہ دِل یہ پاگل دِل میرا کیوں بجھ گیا آوارگی
اِس دشت میں اِک شہر تھا وہ کیا ہُوا آوارگی

کل شب مجھے بے شکل کی آواز نے چونکا دیا
میں نے کہا تُو کون ہے اُس نے کہا ’آوارگی

لوگو بھلا اُس شہر میں کیسے جئیں گے ہم جہاں
ہو جرم تنہا سوچنا لیکن سزا آوارگی

یہ درد کی تنہائیاں یہ دشت کا ویراں سفر
ہم لوگ تو اُکتا گئے اپنی سُنا آوارگی

اِک اجنبی جھونکے نے جب پوچھا میرے غم کا سبب
صحرا کی بھیگی ریت پر مَیں نے لکھا آوارگی

اُس سمت وحشی خواہشوں کی زد میں پیمانِ وفا
اِس سمت لہروں کی دھمک کچا گھڑا آوارگی

کل رات تنہا چاند کو دیکھا تھا مَیں نے خواب میں
محسنؔ مجھے راس آئے گی شاید سدا آوارگی

 

[شمشاد]

ماہی احمد خالد محمود چوہدری صاحب

گائیک حضرات اپنی سُر تال ملانے کے لیے اصل کلام میں تھوڑی سی ہیرا پھیری کر لیا کرتے ہیں۔

 

[شیزان]

نہ جانے کب تمھیں فرصت ملے گی آنے کو
تمہارے آنے کے دن گزرتے جاتے ہیں
(عباس تابش)

نغمہ جراح نہیں، مونس وغم خوار سہی
گیت نشتر تو نہیں، مرہم آزار سہی