بیت بازی سے لطف اٹھائیں (5)

[شمشاد]

یہ اور بات کہ رستے بھی ہو گئے روشن
دئے تو ہم نے ترے واسطے جلائے تھے

نثار راہی

 

[عطاء اللہ جیلانی]

یہ جبر بھی دیکھا ہے تاریخ کی نظروں نے
لمحوں نے خطا کی تھی صدیوں نے سزا پائی

مظفر رزمی

 

[شمشاد]

یہ کن نظروں سے تو نے آج دیکھا
کہ تیرا دیکھنا دیکھا نہ جائے
(احمد فراز)

 

[مومن فرحین]

یونہی تو نہیں امڈی چلی آتی ہیں غزلیں
پہلو میں میرے زمزمہ خواں ہیں تیری آنکھیں

 

[مومن فرحین]

تمہیں تو حرف ہ سے شعر دینا تھا۔

اوہ معذرت میں نے دھیان نہیں دیا تھا

 

[شمشاد]

یونہی تو نہیں امڈی چلی آتی ہیں غزلیں
پہلو میں میرے زمزمہ خواں ہیں تیری آنکھیں

نگاہ شوق کی حیرانیوں کو کیا کہیے
انہیں بلا بھی لیا اعتبار بھی نہ کیا
(نامعلوم)​

 

[عطاء اللہ جیلانی]

آج میں ہوں جہاں کل کوئی اور تھا
یہ بھی اک دور ہے، وہ بھی اک دور تھا


ساحر لدھیانوی

 

[شمشاد]

اس نے ہمارے زخم کا کچھ یوں کیا علاج
مرہم بھی گر لگایا تو کانٹوں کی نوک سے
(افتخار ساگر)

 

[مومن فرحین]

یہ زخم ہیں ان دنوں کی یادیں
جب آپ سے دوستی بڑی تھی ۔

پروین شاکر

 

[شمشاد]

یہ بھی ہوا کہ در نہ ترا کر سکے تلاش
یہ بھی ہوا کہ ہم ترے در سے گزر گئے
(نثار اٹاوی)

 

[مومن فرحین]

یہی بہت ہے کہ دل اس کو ڈھونڈ لایا ہے
کسی کے ساتھ سہی وہ نظر تو آیا ہے

 

[شمشاد]

یہ معجزہ بھی کسی کی دعا کا لگتا ہے
یہ شہر اب بھی اسی بے وفا کا لگتا ہے
(افتخار عارف)

 

[شمشاد]

یہ کس حساب سے کی تو نے روشنی تقسیم
ستارے مجھ کو ملے ماہتاب اس کا تھا
(وزیر آغا)

 

[شمشاد]

یہاں بھی تو کوئی آئے۔
-----------------------------------------------
اپنی ہستی کا کچھ احساس تو ہو جائے مجھے
اور نہیں کچھ تو کوئی مار ہی ڈالے مجھ کو
(عزیز بانو داراب وفا)

 

[مومن فرحین]

وہ تو وہ ہیں تمہیں ہو جائے گی الفت مجھ سے
اک نظر تم مرا محبوب نظر تو دیکھو

 

[شمشاد]

وہ اور ہوں گے جو کار ہوس پہ زندہ ہیں
میں اس کی دھوپ سے سایہ بدل کے آیا ہوں
(اکبر معصوم)

 

[شمشاد]

مجھے حیرت ہے کہ یہاں کوئی کیوں نہیں آتا۔

 

[مومن فرحین]

نہ آئے گا کوئی الزام تجھ پر
ہم اپنے آپ کو رسوا کریں گے

 

[فاخر]

یہ بلبل کی کوُ کوُ ،فضاؤں میں خوشبو
یہ جادوگری ، یہ ہے تیرا تصدق !!!
(فاخرؔ )

 

[سیما علی]

یہ خیال سارے ہیں عارضی، یہ گلاب سارے ہیں کاغذی
گل آرزو کی جو باس تھے، وہی لوگ مجھ سے بچھڑ گئے