بیت بازی سے لطف اٹھائیں (5)

[سیما علی]

اگرچہ ’’فقر فخری‘‘ رتبہ ہے تیری قناعت کا
مگر قدموں تلے ہے فرِ کسرائی و خاقانی!!!!!


حفیظؔ جالندھری

 

[سیما علی]

یہ جو پتھروں میں چھپی ہوئی ہے شبیہ ،یہ بھی کمال ہے
وہ جو آئینے میں ہُمک رہا ہے وہ معجزہ بھی تو دیکھتے!!!

افتخار عارف

 

[شمشاد]

یہ کیا طلسم ہے کیوں رات بھر سسکتا ہوں
وہ کون ہے جو دیوں میں جلا رہا ہے مجھے
(ساقی فاروقی)

 

[شمشاد]

یوں تو مرنے کے لیے زہر سبھی پیتے ہیں
زندگی تیرے لیے زہر پیا ہے میں نے
خلیل الرحمن اعظمی

 

[فہد اشرف]

یہ موسم گل گر چہ طرب خیز بہت ہے
احوال گل و لالہ غم انگیز بہت ہے
(فیض احمد فیض)

 

[شمشاد]

یہ نہ تھی ہماری قسمت کہ وصال یار ہوتا
اگر اور جیتے رہتے یہی انتظار ہوتا
(چچا)

 

[ام عبدالوھاب]

اللہ سے کرے دور ،تو تعلیم بھی فتنہ
املاک بھی اولاد بھی جاگیر بھی فتنہ
ناحق کے لئے اٹھے توشمشیر بھی فتنہ
شمشیر ہی کیا نعرہ تكبیر بھی فتنہ۔

علامہ محمداقبالؒ

 

[ام عبدالوھاب]

ہاں میں نے تجھے چاہا انکار نہیں مجھکو
یہ جرم تو ثابت ہے کیا اسکی صفائی دوں

 

[ام عبدالوھاب]

نہ جانے کون سا آسیب دل میں بستا ہے
کہ جو بھی ٹھہرا وہ آخر مکان چھوڑ گیا
پروین شاکر

 

[شمشاد]

آج کی رات وہ آئے ہیں بڑی دیر کے بعد
آج کی رات بڑی دیر کے بعد آئی ہے
سیف الدین سیف

 

[ام عبدالوھاب]

یہ دسمبر کے آخری دن ہیں
زرد پتوں کا نوحہ جاری ہے

 

[شمشاد]

یار پیماں شکن آئے اگر اب کے تو اسے
کوئی زنجیر وفا اے شب وعدہ پہنا
(احمد فراز)

 

[ام عبدالوھاب]

اک بار محبت سے ---------- آواز تو دی ھوتی
سو بار محبت میں۔۔ ہم جاں سے گزر جاتے

 

[شمشاد]

یوں پھر رہا ہے کانچ کا پیکر لیے ہوئے
غافل کو یہ گماں ہے کہ پتھر نہ آئے گا
(احمد فراز)

 

[مومن فرحین]

اپنے بازو پہ میرے نام کی تعویذ نہ باندھ
رب کے کاموں میں نہیں ٹانگ اڑایا کرتے

 

[سیما علی]

یہ مرحلہ بھی کسی امتحاں سے کم تو نہیں
وہ شخص مجھ پہ بہت اعتبار کرتا ہے

معین شاداب

 

[سیما علی]

یہ مرحلہ بھی کسی امتحاں سے کم تو نہیں
وہ شخص مجھ پہ بہت اعتبار کرتا ہے

معین شاداب

 

[سیما علی]

یہ رکھ رکھاؤ محبت سکھا گئی اسے
وہ روٹھ کر بھی مجھے مسکرا کے ملتا ہے

 

[سیما علی]

یہ روشنی یونہی آغوش میں نہیں آتی
چراغ بن کے منڈیروں پہ جلنا پڑتا ہے

حسن جمیل

 

[سیما علی]

یہ روشنی یونہی آغوش میں نہیں آتی
چراغ بن کے منڈیروں پہ جلنا پڑتا ہے

حسن جمیل