بیت بازی سے لطف اٹھائیں

[شمشاد]

ایک ہمیں آوارہ کہنا کوئی بڑا الزام نہیں
دنیا والے دل والوں کو اور بہت کچھ کہتے ہیں
(حبیب جالب)

 

[مرام]

نظر کا فرد عمل سے ہے سلسلہ درکار
یقین نہ کر، یہ سیاہی کفن چھپائے گا

 

[زونی]

آج آیا ھے ہمیں بھی ان اڑانوں کا خیال
جن کو تیرے زعم میں بے بال و پر کرتے رہے

(پروین شاکر)

 

[عمر سیف]

یاد آتی ہے چھیڑ جاتی ہے
درد میں کچھ کمی نہیں ہوتی

 

[شمشاد]

یہ جو شاہکار ہیں محبت کے
اپنے دل کا نصاب کر بیٹھا

 

[زونی]

ان کو آندھی میں ہی بکھرنا تھا
بال و پر یہاں کے تھے ہی نہیں
ہو تیری خاکِ آستاں پہ سلام
ہم تیرے آستاں کے تھے ہی نہیں

(جون ایلیا)

 

[شمشاد]

نمیَ آنکھوں سے جاتی ہی نہیں ہے
ستم اس دِل نے اِتنا سہہ لیا ہے
(نوشی گیلانی)

 

[زونی]

یہ جو دیوانے سے دو چار نظر آتے ہیں
ان میں کچھ صاحبِ اسرار نظر آتے ہیں
تیری محفل کا بھرم رکھتے ہیں سو جاتے ہین
ورنہ یہ لوگ تو بیدار نظر آتے ہیں

 

[شمشاد]

نجانے کون سی رُت میں بھچڑ گئے وہ لوگ
جو اپنے دل میں بہت احترام رکھتے تھے
(نوشی گیلانی)

 

[زیور]

یوں زندگی کی راه میں مجبور هوګیے
اتنے هویے قریب کہ هم دور هوگے

ممتاز راشدی

 

[شمشاد]

یہ آرزو تھی کہ ہم اس کے ساتھ ساتھ چلیں
مگر وہ شخص تو راستہ بدلتا جاتا ہے
(نوشی گیلانی)

 

[عمر سیف]

یہ خزاں کا رنگ ہے یا زرد رُو آکاس بیل
دھوپ کی مانند ہے پھیلی ہوئی اشجار میں

 

[شمشاد]

نہ ٹوٹ جائے کہیں سلسلہ تمنا کا
جو درد و دل کا تھا رشتہ اسے بحال کرو
(جون ایلیا)

 

[عمر سیف]

وعدہ تو کر گئے ہیں کہ آئیں گے خواب میں
مارے خوشی کے نیند نہ آئے تو کیا کریں

 

[زونی]

نکلے صدف کی آنکھ سے موتی مرے ہوئے
پھوٹے ہیں چاندنی میں شگوفے جلے ہوئے
بے وجہ تو نہیں ہیں چمن کی تباہیاں
کچھ باغباں ہیں برق و شرر سے ملے ہوئے

(ساغر صدیقی)

 

[شمشاد]

یہ سبھی کیوں ہے یہ کیا ہے مجھے کچھ سوچنے دے
کون انساں کا خدا ہے مجھے کچھ سوچنے دے
(ساحر لدھیانوی)

 

[حسن نظامی]

یا خدایا حشر میں نہ دینا مجھے
پھر کوئی سزا زندگی جیسی

 

[نوید صادق]

یار پہلو میں نہیں، مے جام و مینا میں نہیں
تم ہوئے حیران مجھ کو نا شکیبا دیکھ کر

شاعر: شیفتہ

 

[شمشاد]

رام ملحد کہ مسلماں ہے کبھی فیصلہ دے
ہر طرف رائے زنی ہے مرے مکی مدنی
(رام ریاض)

 

[منصور]

یارب وہ نہ سمجھے ہیں' نہ سمجھیں گے میری بات
دے اور دل ان کو جو نہ دے مجھ کو زبان اور