بیت بازی سے لطف اٹھائیں

[ملائکہ]

آہ میں کتنا اثر ہوتا ہے
یہ تماشا بھی دکھائیں گے تمہیں

 

[شمشاد]

نہ آرزو، نہ تمنا، نہ حسرت و اُمید
دلِ غریب کو کیا ہوگیا خُدا جانے
(سرور)

 

[فیصل عظیم فیصل]

یہی سچی حقیقت ہے تمہاری چاہ دیکھیں گے
تمنا ، آرزو ، حسرت امید و آہ دیکھیں گے۔۔۔!

 

[شمشاد]

یہ صبح و شام کی الجھن، یہ روز و شب کی یاد
س۔ناؤں ک۔یا ت۔م۔ھ۔۔یں افس۔۔۔۔۔ان۔۔۔ۂ دلِ ب۔۔۔۔۔۔رب۔اد!
(سرور)

 

[فیصل عظیم فیصل]

دل میں کیونکر صرف اتنا ہے
الجھن یادیں اور افسانے ۔۔۔؟

 

[شمشاد]

یہ گماں ہے، یا حقیقت، یا مرا حسنِ نظر؟
جو ملا مچھ کو رہِ الفت میں وہ تم سا لگا
(سرور)

 

[شعیب خالق]

ایسی دہشت تھی فضاؤں میں کھلے پانی کی
آنکھ جھپکی بھی نہیں ، ہاتھ سے پتوار گرے
شکیب جلالی

 

[فیصل عظیم فیصل]

یہ گماں دہشتوں بھرا کیونکر
الفتوں کو ڈبوئے دیتے ہو ۔۔؟

 

[شمشاد]

”یک نفس بیش نہ تھی فرصتِ ہستی اپنی“
یاد کچھ بھی تو نہیں موسمِ ہجراں کے سوا
(سرور)

 

[فیصل عظیم فیصل]

اپنی ہستی کو نہ مل پائی وہ فرصت جاناں
ہم تمہیں بھول کے جینے کی سعی کر سکتے

 

[شمشاد]

وہ حسنِ بلا خیز، یہ اندازِ محبت!
ایسا نہ ہو کھل جائے کہیں رازِ محبت
(سرور)

 

[فیصل عظیم فیصل]

تونگر سے کسی نے ایک دن پوچھا "تری چاہت" ؟
بڑے بے لوچ لہجے میں کہا اس نے "تری راحت"۔!

 

[شمشاد]

تُو خ۔دا ہے ن۔ہ میرا عش۔۔ق ف۔رش۔ت۔وں ج۔یس۔۔۔۔۔۔ا
دونوں انساں ہیں تو کیوں اتنے حجابوں میں ملیں
(فراز)

 

[فیصل عظیم فیصل]

نہ دعوی پارسائی کا کیا ہم نے کبھی ابتک
مگر پھر بھی تمنا ہے تمہارا ساتھ مل جائے

 

[شعیب خالق]

یہ چراغ اپنے لیے رہنے دے
تیری راتیں بھی تو بے نور ہیں دوست

 

[شمشاد]

یہ رسمِ وفا صرف ہمارے ہی لئے ہے
اوروں کا جُدا اس سے ہے اندازِ محبت!
(سرور)

 

[فیصل عظیم فیصل]

تمہارا شکریہ تم نے مری راتوں کو سمجھا ہے
مگر اے کاش تم جانو انہی راتوں کی معموری
وفائیں ان کی میرے دل کی شادابی کا منبع ہیں
تب ہی دل شاد رہتا ہے بھلا کیسی یہاں دوری


شعیب کا جواب لکھتے لکھتے دلشاد بھائی نے لکھ مارا لہذا تدوین کر کے انکے لئے بھی کچھ اضافہ کردیا

 

[شمشاد]

”یارانِ تیز گام نے منزل کو جا لیا“
ہم خاک چھانتے ہی رہے صرف راہ کی
(سرور)

 

[فیصل عظیم فیصل]

یہی غصہ دلانے کی وجہ کافی ہے محفل میں
انجام شاعری یہاں "ی" پر ہوا کرے۔۔۔!

 

[عیشل]

یہ راز اس پر کھُلے گا جو خود کو پہچانے
کہ اک یقین کی منزل بھی ہے گمان کے بعد​