بیت بازی سے لطف اٹھائیں

[شمشاد]

یہ بستی ہے ستم پروردگاں کی
یہاں کوئی کسی سے کم نہیں ہے
(امجد اسلام امجد)

 

[فیصل عظیم فیصل]

یہ کون سی منزل کی طرف جارہے ہیں ہم
یہ کس کی راہ پر اپنا پڑاؤ ہے فیصل۔۔۔؟

 

[تیشہ]

ل ،

لوگ دیکھیں گے تماشا اک دل ناشاد کا
موسم گل میں بہاروں کا مزہ آجائے گا ،

 

[جیا راؤ]

آج کیوں بے سبب اداس ہے جی
عشق ہوتا تو کوئی بات بھی تھی

 

[فیصل عظیم فیصل]

یہ جیا نے لکھ دیا تھا شعر صورت برق کی
اور ہم بیٹھے رہے تھے اب کہاں سنوائیں گی
اس طرح کی جو بہاریں زندگی میں آئیں گی
ایک پل میں جائیں گی واپس کبھی نہ آئیں گی
آپ باجو ہیں مگر اشعار سے کیوں دور ہیں
دو دیہاڑے بیتنے کے بعد منہ دکھلائیں گی ۔۔۔؟

 

[جیا راؤ]

یہی ہے نا تمہیں ہم سے بچھڑ جانے کی جلدی ہے
کبھی ملنا تمہارے مسئلہ کا بھی حل نکالیں گے

 

[فیصل عظیم فیصل]

یاتو تم ہو یا تمہارے طرز گفت و کار سی
ایک غالب کی دیوانی تھی ہماری بھی جیا
ایک عرصہ ہوگیا اسکو نہیں دیکھا یہاں
سچ تو یہ ہے کہ بہت اچھی سیانی تھی جیا

 

[جیا راؤ]

یوں انہیں جانا نہ تھا، بس نام سے تھےآشنا
پر دیکھ کر دیوانِ غالب یاد آئے ہے جیا

 

[فیصل عظیم فیصل]

اس طرح کی بات کرتے ہیں نہیں اچھی جیا
شعر "الف" پر ختم تھا پھر "ی" کہاں سے‌آگیا

 

[جیا راؤ]

اک بار جو غلطی ہوئی تو درگزر فرمائیے
"ی" سے ہے گر لکھ دیا صرفِ نظر فرمائیے

 

[عندلیب]

آتجھ کو بتاؤں میں تاریخ امم کیا ہے
شمشیروسناں اول طاوس و رباب آخر

 

[فیصل عظیم فیصل]

رہنے تو میری پیاری بہنا یہ باتیں قوم بھلا بیٹھی۔۔۔۔!
شمشیر و سناں ، تاریخ امم ، ملی غیرت یہ سلا بیٹھی
اقبال تو امت کی سوچے امت آپس میں لڑتی ہے
طاؤس و رباب کی چاہت میں کافر کو باپ بنا بیٹھی

 

[جیا راؤ]

یوں زندگی کی راہ میں مجبور ہو گئے
اتنے ہوئے قریب کہ ہم دور ہو گئے

 

[عندلیب]

یہ چمن یوں ہی رہے گا اور ہزاروں جانور
اپنی اپنی بولیاں سب بول کر اڑ جائیں‌گے

 

[فیصل عظیم فیصل]

یہاں سے کوچ کریں اب کہ رات بیت چکی
تمام دن ہمیں صحرا میں دور جانا ہے۔۔!

 

[جیا راؤ]

یارانِ جہاں کہتے ہیں کشمیر ہے جنت
جنت کسی کافر کو ملی ہے نہ ملے گی

 

[شمشاد]

یہ چاندنی بھی جن کو چھوتے ہوئے ڈرتی ہے
دنیا انہی پھولوں کو پیروں سے مسلتی ہے
(بشیر بدر)

 

[جیا راؤ]

یہی زندگی مصیبت، یہی زندگی مسرت
یہی زندگی حقیقت، یہی زندگی فسانہ

معین جذبی

 

[محمد وارث]

ہے باغِ جہاں میں تجھے گر ہمّتِ عالی
کر گردنِ تسلیم کو خم اور زیادہ

(ذوق)

 

[عندلیب]

ہم کو ان سے وفا کی ہے امید
جو نہیں جانتے وفا کیا ہے