بیت بازی کا کھیل!

[راجہ صاحب]

یا رب غم ہجراں میں اتنا تو کیا ہوتا
جو ہاتھ جگر پہ ہے وہ دست دعا ہوتا
(چراغ حسن حسرت)

 

[مغزل]

ای باد اگر بہ گلشنِ احباب بگذری
زنہار عرضہ دہ برَ جاناں پیامِ ما ۔
حافظ ِ شیراز

 

[راجہ صاحب]

اک عمر سے ہوں لذتِ گریہ سے بھی محروم
اے راحتِ جاں مجھکو رلانے کے لیے آ
(فراز)

 

[مغزل]

اتنا نہ دور جا کہ تجھے ڈھونڈتے پھریں
اتنا نہ پاس آکہ ہمہ وقت پاس ہو۔۔

وزیر آغا

 

[راجہ صاحب]

وار اس قدر شدید کہ دشمن ہی کر سکے
چہرہ مگر ضرور کسی آشنا کا تھا
فراز

 

[مغزل]

اچھا سا کوئی شعر سنا اورسن کے ہم
اپنے ادھورے پن میں مکمل سے ہوگئے

لیاقت علی عاصم

 

[راجہ صاحب]

یہ حادثہ سر ساحل رلا گیا سب کو
بھنور میں ڈوبنے والوں کے ہاتھ بھی نہ ہلے


نامعلوم

 

[مغزل]

یادِ ماضی عذاب ہے یارب
چھین لے مجھ سے حافظہ میرا

 

[راجہ صاحب]

اے ابر کے ٹکڑے مجھ پہ نا برسنا
میں‌ ریت کا ٹیلا ہوں میری پیاس بڑی ہے


نامعلوم

 

[تیشہ]

یہ مہ و نجوم ہنس لیں ،مرے آنسوؤں پہ جالب
مرا ماہتاب جب تک لب بام آ نہ جائے۔

 

[شاہ حسین]

یہ کوچۂ حبیب ہے دیر و حرم نہیں
لے جائے کوئی جان سلامت یہاں سے کیا

(جگر)

 

[راجہ صاحب]

اے دل ناعاقبت اندیش ضبطِ شوق کر
کون لا سکتا ہے تابِ جلوہِ دیدارِ دوست

 

[تیشہ]

تیری آنکھوں کی رعنائی میں کیا شان ِالہی ہے
قیامت کی سفیدی ہے'قیامت کی سیاہی ہے
شب دیجور کی ظلمت ہے نور صبح گاہی ہے
غضب ہے ہے ایک جا روم و حبش کی بادشاہی ہے

 

[راجہ صاحب]

تیری آنکھوں کی رعنائی میں کیا شان ِالہی ہے
قیامت کی سفیدی ہے'قیامت کی سیاہی ہے
شب دیجور کی ظلمت ہے نور صبح گاہی ہے
غضب ہے ہے ایک جا روم و حبش کی بادشاہی ہے

اگر ایک سے زائد بار شکریہ کا بٹن استعمال کر سکتا تو اس شعر پر ضرور کرتا

 

[راجہ صاحب]

یا رب میرا ذوق خوش قرینہ ہوجائے
دریائے بلاغت کا سفینہ ہو جائے
وہ زورِ بیاں بخش کہ میرا ہر شعر
الفاظ و معانی کا مدینہ ہو جائے

 

[مغزل]

یا تو قبولیت کا طریقہ بتا مجھے
یا کہہ تو ہاتھ کاٹ کےرکھ دو ں دعا کے ساتھ

شمیم روش

 

[راجہ صاحب]

ہے دعا یاد مگر حرفِ دعا یاد نہیں
میرے نغمات کو اندازِ نوا یاد نہیں


(ساغر صدیقی)

 

[تیشہ]

اگر ایک سے زائد بار شکریہ کا بٹن استعمال کر سکتا تو اس شعر پر ضرور کرتا

آپکو پسند آیا ؟

 

[راجہ صاحب]

آپکو پسند آیا ؟

آپ کے خیال میں اچھا نہیں ہے کیا ؟

 

[راجہ صاحب]

نہ وہ شکوہ نہ شکایت نہ گلہ رکھتے ہیں
یہ بھی سچ ہے کہ وہ انداز جُدا رکھتے ہیں


ظفر جعفری