بیت بازی

[شمشاد]

جب بھی آتی ہے تیری یاد کبھی شام کے بعد
اور بڑھ جاتی ہے افسردہ دلی شام کے بعد
(کرشن ادیب)

 

[الف عین]

دکھا کے لمحۂ خالی کا عکسِ لا تفسیر
یہ مجھ میں کون ہے مجھ سے فرار کرتے ہوئے
بانی

 

[ڈاکٹر عباس]

یہ قید وہ ہے کہ زنجیر بھی نظر نہیں آتی
یہ پیرہن ہے کچھ ایسا کہ بے لباس بہت ہوں
صابر ظفر​

 

[شمشاد]

نہ گھر بار نہ کوئی ٹھکانہ خانہ بدوش ہیں
اپنا کام ہے چلتے جانا خانہ بدوش ہیں
(سعید راہی)

 

[عاصم ملک]

نجانے کون ہے جو دعاوں میں یاد رکھتا ہے
میں ڈوبتا ہوں سمندر اچھال دیتا ہے

 

[اعجازعظیم]

یہ کیا کہ میں تیری خوشبو کا صرف ذکر سنوں
تو عکس موجہ گل ہے تو جسم و جاں میں اتر

 

[الف عین]

رحمت اگر قبول کرے، کیا بعید ہے
شرمندگی سے عذر نہ کرنا گناہ کا
چچا

 

[اعجازعظیم]

اسی قرآن میں ہے اب ترکِ جہاں کی تعلیم
جس نے مومن کو بنایا مہ و پرویں کا امیر
تن بہ تقدیر ہے آج اس کے عمل کا انداز
تھی نہاں جس کے ارادوں میں خدا کی تقدیر
تھا جو نا خوب بتدریج وہی خوب ہوا
کہ غلامی میں بدل جاتا ہے قوموں کا ضمیر
(اقبال)

 

[عاصم ملک]

روٹھا تھا جس غرور سے وہ بھی تو یاد کر
آنکھوں میں تیری آج یہ آنسوفضول ہیں

 

[اعجازعظیم]

نہ گنواؤ ناوک نیم کش، دل ریزہ ریزہ گنوا دیا
جو بچے ہیں سنگ سمیٹ لو، تن داغ داغ لٹا دیا

 

[عاصم ملک]

ایک مدت سے میری ماں نہیں سوئی تابش
میں نے ایک بار کہا تھا مجھے ڈر لگتا ہے

 

[اعجازعظیم]

یہ جو ہلکا ہلکا سرور ہے، یہ تیری نظر کا قصور ہے
تیری اک نگاہ نے کیا کیا، مجھے تیرا دیوانہ بنا دیا

 

[عاصم ملک]

اتنا سوچا ہے کچھ سوالوں پر
برف سی گرنے لگی ہے بالوں پر
رونے والے تو ہنس نہیں سکتے
لوگ ہنستے ہیں رونے والوں پر

 

[اعجازعظیم]

رگوں میں گردشِ خوں ہے اگر تو کیا حاصل
حیات سوزِ جگر کے سوا کچھ اور نہیں
(اقبال)

 

[عاصم ملک]

نا تجھے چھوڑ سکتے ہیں تیرے ہو بھی نہیں سکتے
یہ کیسی بے بسی ہے آج ہم رو بھی نہیں سکتے

 

[اعجازعظیم]

یہ رشک ہے کہ وہ ہوتا ہے ہم سخن تم سے
وگرنہ خوف بد آموزئ عدو کیا ہے
(غالب)

 

[عاصم ملک]

یہ اور بات ہے کہ تعارف نہ ہو سکا
ہم زندگی کے ساتھ بہت دور تک گئے

 

[ڈاکٹر عباس]

یہ سوچ لو پھر اور بھی تنہا نہ ہو جانا
اُسے چھونے کی خواہش میں اُسے پانے کی خواہش میں​

 

[الف عین]

نکھار حجلۂ جاں میں گزشتگاں کے نقوش
چراغ، طاق تمنا میں ماہ و سال کے رکھ

 

[عاصم ملک]

ہر خوشی میں کوئی کمی سی ہے
ہنستی آنکھوں میں بھی نمی سی ہے