بیت بازی

[شمشاد]

میں کس وطن کی تلاش میں یوں چلا تھا گھر سے
کہ اپنے گھر میں بھی اجنبی ہو گیا ہوں آ کر
(گلزار)

 

[سارہ خان]

رہا گردشوں میں ہر دم میرے عشق کا کنارہ
کبھی ڈگمگائی کشتی کبھی کھو گیا کنارہ۔۔۔

 

[شمشاد]

رہا گردشوں میں ہر دم میرے عشق کا کنارہ
کبھی ڈگمگائی کشتی کبھی کھو گیا کنارہ۔۔۔

سارہ جی گردشوں میں ستارہ رہا ہو گا نہ کے کنارہ، اور عشق کا تو ویسے ہی گردش میں رہتا ہے

 

[ظفری]

ہم نہ ھوتے تو کسی اور کے چرچے ہوتے
خلقتِ شہر تو کہنے کو فسانے مانگے

 

[شمشاد]

تو آپ کے پاس افسانوں کی کمی ہے کیا ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ اور بات تیری گلی میں نہ آئے ہم
لیکن یہ کیا کہ شہر تیرا چھوڑ جائیں ہم
(حبیب جالب)

 

[سارہ خان]

 

[شمشاد]

اس کے ساتھ کوئی شعر بھی تو لکھنا تھا ناں۔

 

[سارہ خان]

اوو شعر لکھنا تو بھول ہی گئی ۔۔۔

میرے خدا مجھے لاکھوں میں چھانٹ کر دےدے
وہ چند لوگ جو کانٹوں پر ساتھ چلتے ہیں ۔۔۔

 

[شمشاد]

نہ راہنماؤں کی مجلس میں لے چلو مجھکو
میں بے ادب ہوں ہنسی آ گئی تو کیا ہو گا
(احسان دانش)

 

[ظفری]

ایسی چپ سی لگی ہے جیسے
ہم تجھے حال سنانے آئے ۔۔۔

 

[شمشاد]

یہ فکر کر کہ اس آسودگی کے دکھ میں
تیری خودی کو بھی موت آ گئی تو کیا ہوگا
(احسان دانش)

 

[حجاب]

ابھی تک سادہ رکھا ہے کاغذ اپنی چاہت کا
مناسب جب بھی سمجھیں گے کوئی پیغام لکھ دیں گے
کوئی پیغام کیا لکھنا ہے ایک چھوٹے سے کاغذ پر
جسے ہم چاہتے ہیں بس اُسی کا نام لکھ دیں گے

 

[شاہد احمد خان]

یوں‌اس نے میری چاہ کی حفاظت کی
کاغز پہ میرا نام لکھا اور مٹا دیا


شاہر

 

[شاہد احمد خان]

ایسا بھی کئی بار ہوا ترک عشق میں‌
نکلے تو اپنے گھر کو،پہنچے تیری گلی


شاہد

 

[شاہد احمد خان]

ظفری شعر ٹھیک کر لو ۔۔

یوں‌ چپ سی لگی ہے جیسے
ہم تجھے حال دل سنانے آئے

 

[شمشاد]

شاہد بھائی آپ نے بھی خود کلامیاں شروع کر دیں۔ خود ہی شعر لکھا اور خود ہی اگلا شعر دے دیا، اتنی بے صبری بھی اچھی نہیں ہوتی۔ اور ہاں اوپر اپنے نام ہجے درست کر لیں۔ شاہر لکھا گیا ہے آپ سے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ حسن تیرا یہ عشق میرا
رنگین تو ہے بدنام سہی
مجھ پر تو کئی الزام لگے
تجھ پر بھی کوئی الزام سہی
(ساحر لدھیانوی)

 

[شاہد احمد خان]

تم نے ہجے درست کر دئے ہیں‌نہ بس ٹھیک ہے

 

[شمشاد]

میں نے نہیں کیے، خود ہی کریں درستگی۔

 

[الف عین]

یہیں کہیں ترا دشمن چھپا ہے اے بانی
کوئ بہانہ بنا، بزمِ دوستاں سے نکل
بانی

 

[حجاب]

لفظوں کی آبرو کو گنواؤ نہ یوں عدیم
جو مانتا نہیں ہے اُسے کہنا فضول ہے