بیت بازی

[عمر سیف]

نظر آیا تمھیں اس اجنبی میں کیا بتاؤ گے؟
سنو قاتل نگاہوں کی وہ ظالم گھات گہری تھی

 

[راجہ صاحب]

یہ محبت ہے کیا بتاؤ گے؟
خاص شے ہے جو عام ہوتی ہے

(فاخرہ بتول)

 

[عمر سیف]

یاد سے اس کی نہیں خالی کوئی بھی لمحہ
پھر ڈرتا ہوں کہیں بھول نہ جاؤں اس کو
( شہراد احمد )

 

[راجہ صاحب]

وفا کا دشت کیسا تھا ، بتاؤ تم پہ کیا بیتی؟
بھٹک جانا ہی تھا ہم کو ، وہاں‌ پر رات گہری تھی

 

[عمر سیف]

یوں تو لگتا ہے کہ قسمت کا سکندر ہے فراز
مگر انداز ہیں سب خانہ خرابوں والے

 

[راجہ صاحب]

یہ رتجگوں کی سیہ بھیڑ آ کے پوچھتی ہے
جگا گیا تجھے نیندوں سے خوابگر کیونکر؟

 

[عمر سیف]

رہزن ہو تو حاضر ہے متاع دل و جاں بھی
رہبر ہو تو منزل کا پتہ کیوں نہیں دیتے
احمد فراز

 

[راجہ صاحب]

یہ کیا کہ ایک طور سے گزرے تمام عمر
جی چاہتا ہے اب کوئی تیرے سوا بھی ہو

 

[اعجازعظیم]

وہ جو عشق تھا وہ جنون تھا
یہ جو ہجر ہے یہ نصیب ہے!

 

[سارہ خان]

یہ دل بہت اُداس ہے جب سے خبر ہوئی
ملتے ہیں وہ خلوص سے ہر آدمی کے ساتھ

 

[اعجازعظیم]

ہر اِک مقام سے آگے مقام ہے تیرا
حیات ذوقِ سفر کے سوا کچھ اور نہیں
(اقبال)

 

[الف عین]

نگر نگر میں بھٹک رہا ہوں
تھکا تھکا فاہیان جیسا
مظفر حنفی

 

[شمشاد]

آنکھ سے آنکھ ملاتا ہے کوئی
دل کو کھینچے لیے جاتا ہے کوئی
(شکیل بدایونی)

 

[الف عین]

آنکھ سے آنکھ ملاتا ہے کوئی
دل کو کھینچ لیے جاتا ہے کوئی
(شکیل بدایونی)

دل کو کھینچے۔۔۔ ہوگا شمشاد

یہ تو یوں ہی کہنا پڑتا ہے کہ سب کچھ ٹھیک ہے
خیریت سے کون ہے صاحب، مزے میں کون ہے!

 

[شمشاد]

شکریہ، اعجاز بھائی میں نے تصحیح کر دی ہے، ٹائیپنگ میں غلطی ہو گئی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ مصرع کاش نقشِ ہر در و دیوار ہو جائے
جسے جینا ہو مرنے کے لیے تیار ہو جائے

 

[اعجازعظیم]

ہیں لبریز آہوں سے ٹھنڈی ہوائیں
اداسی میں ڈوبی ہوئی ہیں گھٹائیں
محبت کی دنیا پر شام آ چکی ہے
سیہ پوش ہیں زندگی کی فضائیں
(فیض احمد فیض)‌

 

[شمشاد]

نگارِ شوق کی بیباکیوں سے کیا حاصل
جو دل اداس ہو رنگینیوں سے کیا حاصل
(اسرار ناروی)

 

[عمر سیف]

لے اٹھا جاتا ہوں میں جھاڑ کے دامن اپنا
پھر نہ کہنا میرا دیوانہ جگر ہے کہ نہیں
( جگر مرادآبادی )

 

[سارہ خان]

نڈھال یوں ہوئے کہ سب ضرورتیں مر گئیں
نہ بھوک ہے نہ پیاس ہے یہ دل بہت اداس ہے ۔۔۔

 

[عمر سیف]

یہ کیسا عہد تھا نبھانے بھی نہ آئے
آنکھوں کو کوئی خواب دکھانے بھی نہ آئے
اک ہم کے انتظار میں جاں سے گزر گئے
اک تم کہ عیادت کے بہانے بھی نہ آئے
(سروش خان)