بیت بازی

[اعجازعظیم]

یہ حقیقت ہے یا اک وہم و خیال
آئینہ ہی رو برو ہے میں کہاں
(واصف علی واصف)

 

[الف عین]

نیند کھلے تو کانوں میں
تیرا نام سنائ دے

 

[شمشاد]

یہ آرزو ہی رہی کوئی آرزو کرتے
خود اپنی آگ میں جلتے جگر لہو کرتے
(حمایت علی شاعر)

 

[عمر سیف]

یہ مانا اور بھی تم کو جہاں میں ہیں بہت سے غم
مگر دُنیا کے میلوں میں ہمیں مت بھول جانا تم
مرے اشعار ہیں جتنے، تمھارے نام کرتا ہوں
غزل جب بھی سنو میری غزل میں ڈوب جانا تم
(نوید ہاشمی)

 

[شمشاد]

میں آرزوِ جاں لکھوں کہ جانِ آرزو
تو ہی بتا دے ناز سے ایمانِ آرزو
(اختر شیرانی)

 

[اعجازعظیم]

وہ چاند شخص کہیں روشنی میں ڈوب گیا
ہم اپنا ہاتھ ہلاتے ہیں روتے جاتے ہیں
ہمارے رونے پہ وہ ہنستے ہیں تو یوں ہی سہی
ہم ان کو اور ہنساتے ہیں روتے جاتے ہیں

 

[شمشاد]

ناروا کہیے نہ سزا کہیے
کہیے کہیے مجھے برا کہیے
(داغ دہلوی)

 

[اعجازعظیم]

یہ کیسا خوف تھا رخت سفر بھی بھول گئے
وہ کون لوگ تھے جو اپنے گھر بھی بھول گئے
(نوشی گیلانی)

 

[شمشاد]

یوں بزم گلر خاں میں ہے اس دل کو اضطراب
جیسے بہار میں ہو عنادل کو اضطراب
(مصطفی خان شیفتہ)

 

[الف عین]

بارشیں چھت پہ کھلی جگہوں پہ ہوتی ہیں مگر
غم وہ ساون ہے جو ان کمروں کے اندر برسے
بشیر بدر

 

[شمشاد]

یہ فیضِ عام شیوہ کہاں تھا نسیم کا؟
آخر غلام ہوں میں تمہارا، قدیم کا
(مصطفٰی خان شیفتہ)

 

[ظفری]

آنسو تھے کہ ختم ہوئے ، جی ہے کہ اُمڈا آتا ہے
دل پہ گھٹا سی چھائی ہے، کُھلتی ہے نہ برستی ہے

 

[سارہ خان]

یوں تو پتھر کی بھی تقدیر بدل سکتی ہے

شرط یہ ہے کہ اُسے دل سے تراشا جائے

 

[ڈاکٹر عباس]

یوں بھی کم آمیز تھا محسن وہ شہر کے لوگوں میں
لیکن میرے سامنے آکر اُور ہی کچھ انجان ہوا

 

[شمشاد]

اُس بزم میں ہر چیز سے کمتر نظر آیا
وہ حسن کہ خورشید کے عہدے سے بر آیا
(مصطفٰی خان شیفتہ)

 

[ڈاکٹر عباس]

اسے گنوا کے میںزندہ ھوں اس طرح محسن
کہ جیسے تیز ھوا میں چراغ جلتا ھے

 

[شمشاد]

یہ رازِ محبت ہے نہ افسانہ بلبل
محرم ہو میری بادِ صبا ہو نہیں سکتا
(مصطفٰی خان شیفتہ)

 

[حجاب]

اُس کی خبر نہیں ہے بہت دن گزر گئے
اب چاہتیں تباہ ہوئیں مشکلوں کے بیچ

 

[شمشاد]

چاہت کا اک میٹھا میٹھا درد جگانے شام ڈھلے
تیری یادیں آ جاتی ہیں مجھکو رلانے شام ڈھلے
(حسن امام)

 

[حجاب]

یہ اہلِ بزم تنک حوصلہ سہی پھر بھی
ذرا فسانہء دل ابتداء کرو اُس سے
فراز ترکِ تعلق تو خیر کیا ہوگا
یہی بہت ہے کم کم ملا کرو اُس سے۔