بیت بازی

[عمر سیف]

یارو! دلِ وحشی کو سنبھالو کہ سرِ بزم
وہ دشمنِ جاں نذرِ وفا مانگ رہا ہے

 

[شمشاد]

یہ غنیمت ہے کہ ان آنکھوں نے پہچانا ہمیں
کوئی تو سمجھا دیارِغیر میں اپنا ہمیں
(پروین شاکر)

 

[عمر سیف]

نہ جانے کیوں میری آنکھیں برسنے لگتی ہیں
جو سچ کہوں تو کچھ ایسا اداس ہوں بھی نہیں

 

[شمشاد]

نہ کر تقلید اے جبریل میرے جذب و مستی کی
تن آساں عرشیوں کو ذکر و تسبیح و طواف اولٰی
(علامہ)

 

[امیداورمحبت]

یہ سانحہ بھی محبت میں بارہا گزرا
کسی نے حال بھی پوچھا تو آنکھ بھر آئی ۔


(ناصر کاظمی )

 

[شمشاد]

یہ بندگی خدائی، وہ بندگی گدائی
یا بندہ خدا بن، یا بندہ زمانہ
(علامہ)

 

[عمر سیف]

ہوا ہی ایسی چلی ہے کہ جی بحال نہیں
ورنہ ہم تو بہت کم اداس رہتے تھے

 

[شمشاد]

یقیں پیدا کر اے ناداں، یقیں سے ہاتھ آتی ہے
وہ درویشی کہ جس کے سامنے جھکتی ہے فُغفُوری
(علامہ)

 

[عمر سیف]

یہ گزرتے ہوئے پل ہیں کہ تیری آنکھیں ہیں
دن ہیں آنسو کی طرح رات ہے کاجل کی طرح

 

[شمشاد]

حلقہء صوفی میں ذکر، بے نم و بے سوز و ساز
میں بھی رہا تشنہ کام، تُو بھی رہا تشنہ کام
(علامہ)

 

[عمر سیف]

مُسکراہٹ کی روشنی کا سبب
آنسوؤں کے چراغ ہوتے ہیں
جن کے چہرے ہوں چاند کی صورت
اُن کے دِل میں بھی داغ ہوتے ہیں

 

[شمشاد]

نئے سفر پہ روانہ ہوا ہے از سرِ نو
جب آؤں گا تو میرا نام بھی نیا رکھنا
(ظفر اقبال)

 

[عمر سیف]

اک عجب شور سا بپا ہے کہیں
کوئی خاموش ہو گیا ہے کہیں

 

[شمشاد]

نہ کر ناکارہ تقلید سے اپنی خودی کو
اس کی حفاظت کر کہ یہ ہے گوہر یگانہ
(علامہ)

 

[عمر سیف]

ہنس ہنس کے میں نے آنکھ سے دریا بہا دیا
اب اس قدر بھی زندہ دلی چاہتا نہیں

 

[شمشاد]

ہم نے ان کی یاد میں رو رو کے ٹب بھر دیئے
وہ بے شرم آئے، نہائے اور چل دیئے

 

[عمر سیف]

یہ کون ڈوب گیا اور اُبھر گیا مجھ میں
یہ کون سایہ کی صورت گزر گیا مجھ میں

 

[نوید صادق]

نفرتوں کو ہوا نہ دو اتنی
ورنہ یہ آگ پھیل جاتی ہے

شاعر: بیدل حیدری

 

[عمر سیف]

یہ ہی تسکیں کی صورت ہے تو پھر
چار دن غم کو بھی اپنا دیکھو

 

[الف عین]

وہ فاقہ مست ہوں جس راہ سے گزرتا ہوں
سلام کرتا ہے آشوبِ روزگار مجھے
خلیل اعظمی