بیت بازی

[سارہ خان]

یہ کون آج مِری آنکھ کے حصار میں ہے
مُجھے لگا کہ زمیں میرے اختیار میں ہے

 

[شمشاد]

یہی بار بار جی میں مرے آئے ہے کہ غالب
کروں خوانِ گفتگو پر دل و جاں کی میہانی
(غالب)

 

[سارہ خان]

یہ زخم دل کےمحبت کی یاد گار سہی
اگر بہار نہیں ہے غمِ بہار سہی

 

[شمشاد]

یادِ روزے کہ نفس در گرہِ یارب تھا
نالۂ دل بہ کمر دامنِ قطعِ شب تھا
(غالب)

 

[سارہ خان]

امجد یہ تقدیر تھی اُس کی یا قُدرت کا کھیل!
گرا جہاں پر رات کا پنچھی ، تھوڑی دُور اُجالا تھا

 

[حجاب]

احساس کی قندیل سے روشن ہو جس کا دل
اس کو کبھی جگنو کی ضرورت نہیں رہی۔

 

[شمشاد]

یاں آب و دانہ موسمِ گل میں حرام ہے
زنارِ واگسستہ ہے موجِ صبا مجھے
(غالب)

 

[حجاب]

یہ مانا بھیج دے گا ہم کو محشر سے جہنم میں
مگر جو دل پہ گزرے گی وہ دل ہی جانتا ہوگا
جگر کا ہاتھ ہوگا حشر میں اور دامنِ حضرت
شکایت ہو کہ شکوہ ہو جو بھی ہوگا برملا ہوگا۔

 

[شمشاد]

اے ہمہ خوابِ گراں حوصلہ بدنام ہے
بزمِ وداعِ نظر یاس طرب نامہ بر
(غالب)

 

[حجاب]

راہِ محبت میں کون کسی کا رفیق
ساتھ مرے رہ گئی،ایک مری آرزو
فلسفہ و شعر کی اورحقیقت ہے کیا
حرفِ تمنا جسے کہہ نہ سکیں رو برو۔

 

[شمشاد]

وہ گُل جس گلستاں میں جلوہ فرمائی کرے غالب
چٹکنا غنچۂ گُل کا صدائے خندۂ دل ہے

 

[سارہ خان]

یہ عنایتیں غضب کی یہ بلا کی مہربانی
میری خیریت بھی پوچھی کسی اور کی زبانی
(نذیر بنارسی)

 

[شمشاد]

یہ سچ ہے کہ میرا عشق حسن کا پرستار ہے ‘فری‘
میں تیرے کافرانہ حن میں خود کو ڈبوتی ہوں کیسے تُو دیکھ ذرا

 

[شمشاد]

یہ سچ ہے کہ میرا عشق حسن کا پرستار ہے ‘فری‘
میں تیرے کافرانہ حن میں خود کو ڈبوتی ہوں کیسے تُو دیکھ ذرا

 

[عیشل]

اتنا کریدتے تھے کیوں ہم کو وہ بات بات پر
کیا کوئی مسئلہ تھے ہم،بند کوئی کتاب تھے؟

 

[سارہ خان]

یہ محبت بھی ایسا ریشم ہے
ہاتھ ڈالا ہے جس نے الجھا ہے

 

[عمر سیف]

یاروں کو نصیب سرفرازی
مجھ کو تری گردِ راہ رہنا

 

[شمشاد]

آغوشِ گل کشودہ برائے وداع ہے
اے عندلیب چل کہ چلے دن بہار کے
(غالب)

 

[عمر سیف]

یہ کیسے دور میں ہم جی رہے ہیں
بشر بھی اب خدا لگنے لگا ہے

 

[سارہ خان]

یادوں سے، خوابوں سے اور امیدوں سے ربط
ہو جائے تو جینے میں آسانی کرتا ہے