بیت بازی

[شمشاد]

آنکھ میں آنسو جاری تھا پر صدا تجھ کو نہ دی
اس توقع پر کہ شاید تُو پلٹ کر دیکھتا
(احمد فراز)

 

[الف عین]

انھیں راستوں پہ چل کر اگر آ سکو تو آؤ
مرے گھر کے راستے میں کوئی کہکشاں نہیں ہے

 

[شمشاد]

یک نشو و نما جا نہیں جولانِ ہوس کو
ہر چند بمقدارِ دلِ تنگ نکالوں
(غالب)

 

[سارہ خان]

نہ دیکھوں گر ترا چہرہ تو یوں محسوس ہوتا ہے
کہ جیسے زندگی میں چاندنی راتیں نہیں‌ ہوتیں

 

[شمشاد]

نہ انشا معنئیِ مضموں نہ املا صورتِ موزوں
عنایت نامہائے اہلِ دنیا ہزہ عنواں ہیں
(غالب)

 

[عمر سیف]

نہیں جاتے ہیں اب دکھ آ کے گھر سے
کہ یہ آنا تیرا آنا نہیں ہے

 

[شمشاد]

یوں تو کٹتی ہی رہے گی غم دوراں میں حیات
آج کی رات غم یار کی باتیں ہی سہی
(حمایت علی شاعر)

 

[عمر سیف]

یہیں سے سیکھے تھے آدابِ بندگی میں نے
یہیں جبیں تھی کبھی اور یہیں زمیں تھی کبھی

 

[شمشاد]

یہ بھی کیا کم ہے انہیں قربتَ گل تو ہے نصیب
آج گل کی نہ سہی خار کی باتیں ہی سہی
(حمایت علی شاعر)

 

[سارہ خان]

یہی بہت ہے کھڑے دیکھتے ہو ساحل سے
سفینہ ڈوب رہا ہے تو کوئی بات نہیں ۔۔۔۔۔

 

[امیداورمحبت]

نہ پوچھ جب سے ترا انتظار کتنا ہے
کہ جن دنوں سے مجھے تیرا انتظار نہیں ۔ ۔ ۔


(فیض احمدفیض)

 

[شمشاد]

نہ لوگ اجنبی ہیں نہ محفل اداس ہے
لیکن تیرے بغیر میرا دل اداس ہے

 

[فرذوق احمد]

یہ جو میں آسماں سے گرایا گیا ہوں
اور زمیں سے آواز آئی ہے ٹھاہ ٹھاہ ٹھاہ

 

[شمشاد]

ہمیں تمہارے سوا کچھ نظر نہیں آتا
تمہیں نظر میں سجا کر شراب پیتے ہیں
(تسنیم فاروقی)

 

[عمر سیف]

نہ تجھ سے ہے گلہ نہ آسمان سے ہوگا
تری جُدائی کا جھگڑا جہان سے ہوگا

 

[شمشاد]

آلودہ چشم میں نہ ہوئی سرمے سے نگاہ
دیکھا جہاں سے صاف ہی اہلِ صفہ چلے
(ابراھیم ذوق)

 

[عمر سیف]

یوں تو اُن کی آنکھوں سے کیا کیا نہیں دیکھا جاتا
ہاں مگر اپنا ہی جلوہ نہیں دیکھا جاتا

 

[شمشاد]

اک کماں اور کوئی تیر بنادے آکر
اے مصوّر ! تو یہ تصویر بنادے آکر
(فاخرہ بتول)

 

[الف عین]

رقص میں رات ہے بدن کی طرح
بارشوں کی ہَوا میں بَن کی طرح
پروین شاکر

 

[شمشاد]

حق وفا کا جو ہم جتانے لگے
آپ کچھ کہہ کے مسکرانے لگے
(الطاف حسین حالی)