بیت بازی

[عیشل]

میں کہاں تک تیری یادوں کے تعاقب میں رہوں
میں جو گم ہوں تو کبھی میرا پتہ لے تو بھی
میں نے اک عمر کو خیالوں میں تیرے نام کیا
اپنے احساس کو کر میرے حوالے تو بھی

 

[محمد وارث]

یکساں ہیں فراق و وصل دونوں
یہ مرحلے ایک سے کڑے ہیں

سقراط نے زہر پی لیا تھا
ہم نے جینے کہ دکھ سہے ہیں

(احمد ندیم قاسمی)

۔

 

[سارہ خان]

نہ کوئی کام خزاں کا ہے نہ خواہش ہے بہاروں کی
ہمارے ساتھ ہے امجد کسی کی یاد کا موسم

 

[محمد وارث]

میں اس سے جھوٹ بھی بولوں تو مجھ سے سچ بولے
مرے مزاج کے سب موسموں کا ساتھی ہو

(افتخار عارف)

۔

 

[امیداورمحبت]

وہ بدلتا ہے تو بے ساختہ میری آنکھیں
میرے ہاتھوں کی لکیروں سے الجھ جاتی ہیں

(پروین شاکر) ​

 

[عمر سیف]

نظر سے جستجو بےقرار نکلی
خود اپنے آپ سے دو چار نکلی

 

[فاتح]

یہ کہاں کی دوستی ہے کہ بنے ہیں دوست ناصح
کوئی چارہ ساز ہوتا، کوئی غمگسار ہوتا​

(غالب)

 

[الف عین]

اس کے ہاتھ میں چاند اور سورج، آنچل میں جھل مل تارے
تم کہتے ہو رات اندھیری ، ہم کو بہت یہ اجالے ہیں
اعجاز عبید

 

[تیشہ]

یاد آجاتی ہے جب تیرے تبسم کی ہمیں
دیر تک دل میں چراغاں کا سماں رہتا ہے ۔

 

[محمد وارث]

اس کے ہاتھ میں چاند اور سورج، آنچل میں جھل مل تارے
تم کہتے ہو رات اندھیری ، ہم کو بہت یہ اجالے ہیں
اعجاز عبید

واہ واہ اعجاز صاحب، بہت خوب شعر ہے، مصرع ثانی تو بس، کیا کہوں ۔۔۔۔

تم کہتے ہو رات اندھیری، ہم کو بہت یہ اجالے ہیں

سبحان اللہ، سبحان اللہ، لاجواب

۔

 

[عمر سیف]

یہ قیدِ ماہ و سال اگر یوں ہی رہی تو
پہنچے گا مرے حال کو تُو کتنے برس میں

 

[محمد وارث]

نیند کا ہلکا گلابی سا خمار آنکھوں میں تھا
یوں لگا جیسے وہ شب کو دیر تک سویا نہیں

جانتا ہوں ایک ایسے شخص کو میں بھی منیر
غم سے پتھر ہو گیا لیکن کبھی رویا نہیں

۔

 

[عمر سیف]

نہیں کہ عرصہِ گرداب ہی غنیمت تھا
مگر یقیں تو دلاؤ یہ ہی کنارے ہیں

 

[فاتح]

نرگس کے پھولوں میں چھُپ کر پریوں کی آنکھیں روتی ہیں
یوں رات برات اکیلے میں جاؤ نہ اُدھر تنہا تنہا​

(بشیر بدر)

 

[الف عین]

آ کر گرا تھا ایک پرندہ لہو میں تر
تصویر اپنی چھوڑ گیا ہے چٹان پر
شکیب

 

[عمر سیف]

اسی کوچے میں کئی اس کے شناسا بھی تو ہیں
وہ کسی در سے ملنے کے بہانے آئے

 

[محمد وارث]

اسی کوچے میں کئی اس کے شناسا بھی تو ہیں
وہ کسی در سے ملنے کے بہانے آئے

ضبط دوسرے مصرعے میں ٹائپو ہوگئی آپ سے


وہ کسی اور سے ملنے کے بہانے آئے

۔

 

[محمد وارث]

یوں کسطرح کٹے گا کڑی دھوپ کا سفر
سر پر خیالِ یار کی چادر ہی لے چلیں

(ناصر کاظمی)

۔

 

[شمشاد]

نہ موت اپنی، نہ اپنی زندگی ہے
مگر حیلے وہی ہیں سب پرانے
(سرور عالم رازسرور)

 

[الف عین]

یہ شوخ بچّے بڑے ہی غریب لگتے ہیں
کبھی کبھی یہ ستارے عجیب لگتے ہیں
اعجاز عبید