بیت بازی

[فرحت کیانی]

نہ پوچھ طوفاں سے پہلے کا سکوت
کتنا اضطراب اس قرار میں ہے۔۔

 

[عمر سیف]

یادوں کا ویران جزیرہ برسوں تک آباد رہے
ہجر کا موسم اچھا گزرے، ایسی کوئی نشانی دے

 

[تیشہ]

یوں تو ملے تھے اک لمحے کو عدیم
عمر ساری چاہئیے اسکو بھلانے کے لئے ۔

 

[فرحت کیانی]

یہی ہے ناں کہ تم کو ہم سے بچھڑ جانے کی جلدی ہے
کبھی ملنا! تمھارے مسئلے کا حل نکالیں گے!!!

 

[تیشہ]

یہ سچ مجھکو عقل نے کچھ پختگی تو دی
پر وہ مزا کہاں کہ جو نادانیوں میں تھا ،


لئیجے اب ،


ا تو آیا

 

[الف عین]

آنکھوں میں چھپانے میں بہت طاق تھے جن کو
لو، دکھ وہی شعروں میں ادا ہونے لگے ہیں
بندہ نا چیز

 

[عمر سیف]

ناکامِ تمنا دل اس سوچ میں رہتا ہے
یوں ہوتا تو کیا ہوتا، یوں ہوتا تو کیا ہوتا

 

[امیداورمحبت]

اک طرز تغافل ہے، سو وہ ان کومبارک
اک عرض تمنا ہے ، سو ہم کرتے رہیں گے

(فیض)

 

[محمد وارث]

یا رب زمانہ مجھ کو مٹاتا ہے کس لیے
لوحِ جہاں پہ حرفِ مکرر نہیں ہوں میں

(غالب)

۔

 

[فاتح]

یہ نہ تھی ہماری قسمت کہ وصالِ یار ہوتا
اگر اور جیتے رہتے یہی انتظار ہوتا
(غالب)

 

[محمد وارث]

ابھی سے دل و جاں سرِ راہ رکھ دو
کہ لٹنے لٹانے کے دن آرہے ہیں

چلو فیض پھر سے کہیں دل لگائیں
سنا ہے ٹھکانے کے دن آرہے ہیں

.

 

[فاتح]

نفَس نہ انجُمنِ آرزو سے باہر کھینچ
اگر شراب نہیں، انتظارِ ساغر کھینچ
(غالب)

 

[محمد وارث]

چوری کہیں کُھلے نہ نسیمِ بہار کی
خوشبو اڑا کے لائی ہے گیسوئے یار کی

(آغا حشر)

 

[الف عین]

ہ زمیں تیری فلک تیرا زمانہ تیرا
خالق کون و مکاں چاہنے والا تیرا

 

[محمد وارث]

ایک لگی کے دو ہیں اثر اور دونوں حسبِ مراتب ہیں
لو جو لگائے شمع کھڑی ہے، رقص میں ہے پروانہ بھی

(آرزو لکھنؤی)

 

[فرحت کیانی]

یادوں کے اضطراب نے ریکھائیں کھینچ دیں
ورنہ میرے سکون کا کاغذ سفید تھا

 

[محمد وارث]

اہلِ تدبیر کی واماندگیاں
آبلوں پر بھی حنا باندھتے ہیں

سادہ پُرکار ہیں خوباں غالب
ہم سے پیمانِ وفا باندھتے ہیں


۔

 

[فاتح]

نثار میں تری گلیوں کے اے وطن کہ جہاں
چلی ہے رسم کہ کوئی نہ سر اُٹھا کے چلے
جو کوئی چاہنے والا طواف کو نکلے
نظر چُرا کے چلے، جسم و جاں بچا کے چلے
(فیض)

 

[امیداورمحبت]

یہ عہد ترک محبت ہے کس لئے آخر
سکوں قلب ادھر بھی نہیں ادھر بھی نہیں

( فیض)

 

[محمد وارث]

نہ گل کھلے ہیں نہ ان سے ملے نہ مے پی ہے
عجیب رنگ میں اب کے بہار گزری ہے

(فیض)

۔