بیت بازی

[عمر سیف]

بہت عرصہ بعد آپ کی یہاں پوسٹ دیکھی اچھا لگا۔ پر شگفتہ یہ بیت بازی کا دھاگہ ہے۔

 

[شمشاد]

چلیں میں الف سے شعر دے دیتا ہوں


اپنی اپنی جستجو ہے اپنا اپنا شوق ہے
تم ہنسی تک بھی نہ پہنچے ہم فغاں تک آ گئے
(قابل اجمیری)

 

[عمر سیف]

یہ ہی جگہ جہاں ہم سب مل کے بیٹھے ہیں
کل خدا جانے یہاں پر کون ہوگا

 

[سیدہ شگفتہ]

السلام علیکم ضبط، میں تو تصحیح کر دی تھی آپ کی پوسٹ پہلے آگئی تھی اور آپ نے جو شعر لکھا تھا وہ یاء پر ختم ہوا تھا اس لئے میں ایک اور شعر یاء سے بھی لکھ دیا تھا۔

 

[عمر سیف]

وعلیکم اسلام۔ چلیں کوئی بات نہیں۔ پوسٹ کے آگے پیچھے ہونے کی وجہ سے مجھے بھی ڈاؤٹ ہوا۔

 

[عیشل]

یاد پھر آیا وہ گذرا ہوا ساون مجھ کو
پھر میری آنکھ نے رونے کا بہانہ چاہا

 

[شمشاد]

ہائے وہ وقتِ جدائی کہ تمہارے آنسو
گر کے دامن پے بنے تھے جو ستارے آنسو
(حکیم ناصر)

 

[عمر سیف]

وہ اب میری ضرورت بن گیا ہے
کہان ممکن رہا اس سے نہ بولوں

 

[شمشاد]

نازکی اس کے لب کی کیا کہیے
پنکھڑی اک گلاب کی سی ہے

 

[عمر سیف]

یاد آگئے تھے اپنے پہ بیتے کچھ ایسے پل
جی چاہتا تھا رونے کا، رو بھی نہیں سکا

 

[شمشاد]

اے میرے ہمسفرو تم بھی تھک ہارے ہو
دھوپ کی تم تو ملاوٹ نہ کرو چھاؤں میں
(قتیل شفائی)

 

[الف عین]

نہ پوچھ خوابِ زلیخا نے کیا خیال لیا
کہ کاروان کا کنعاں کے جی نکال لیا
میر

 

[شمشاد]

آپ کا گھر سدا جگمگاتا رہے
راہ میں بھی دیا رکھ دیا کیجیئے
(شانتی صباء)

 

[حجاب]

یادیں ہیں اپنے شہر کی، اہلِ سفر کے ساتھ
صحرا میں لوگ آئے ہیں دیوار و در کے ساتھ۔

 

[شمشاد]

ہونٹوں سے چُھو لو تم میرا گیت امر کر دو
بن جاؤ میت میرے میری پریت امر کر دو

 

[عمر سیف]

وہ دیکھتا ہے میرے اضطراب کو ہنس کر
میں تیز رو ہوں وہ ٹھہرا ہوا سمندر ہے

 

[شمشاد]

یادوں کے، وفاؤں کے، عقیدوں کے، غموں کے
کام آئے جو دنیا میں تو اس نام ہی آئے
(ادا بدایونی)

 

[عمر سیف]

یاد نہیں کیا کیا دیکھا تھا، سارے منظر بھول گئے
اس کی گلیوں سے جب لوٹے اپنا بھی گھر بھول گئے

 

[شمشاد]

یاد ہے سحرِ چراغاں “ ناصر “
دیئے کے بجھنے کا سبب یاد نہیں
(ناصر کاظمی)

 

[عمر سیف]

نہ چھیڑ ان کو خدا کے لیے کہ اہلِ وفا
بھٹک گئے تو پھر راہ پر نہیں آئے