تجھے اٹکھیلیاں سوجھی ہیں ہم بے زار بیٹھے ہیں

[محمد عبدالرؤوف]

یک نہ شد دو شد۔۔۔

آپ درست لفظ عنایت فرما دیتے تو ہم بھی دعاؤں کی بوچھاڑ کر دیتے

 

[محمد عبدالرؤوف]

آپ بھی؟

دو سے آگے بڑھ گئے نا پھر۔

لوگ آتے گئے کارواں بنتا گیا (اٹکھیلیوں کا)

میرے خیال میں تو الشفاء بھائی غلطی فرما رہے ہیں

 

[گُلِ یاسمیں]

آپ درست لفظ عنایت فرما دیتے تو ہم بھی دعاؤں کی بوچھاڑ کر دیتے

درست لفظ اٹکھیلیاں نہیں ہے کیا؟

 

[گُلِ یاسمیں]

میرے خیال میں تو الشفاء بھائی غلطی فرما رہے ہیں

پہلے ہم نے اٹھکیلیاں لکھا تھا لیکن پھر اٹکھیلیاں کیا اور ساتھ میں کہا بھی کہ اگر غلط ہے تو تصحیح کر دیں۔
ابھی تک کسی نے کچھ بتایا ہی نہیں

 

[محمد عبدالرؤوف]

درست لفظ اٹکھیلیاں نہیں ہے کیا؟

جی ہاں، میرے خیال میں "اٹکھیلیاں" ہی درست ہے چلو ایسا کرتے ہیں کہ استاد صاحب کو زحمت دے دیتے ہیں

 

[گُلِ یاسمیں]

جی ہاں، میرے خیال میں "اٹکھیلیاں" ہی درست ہے چلو ایسا کرتے ہیں کہ استاد صاحب کو زحمت دے دیتے ہیں

ہاں یہ ٹھیک رہے گا۔

 

[سید عاطف علی]

جی ہاں، میرے خیال میں "اٹکھیلیاں" ہی درست ہے چلو ایسا کرتے ہیں کہ استاد صاحب کو زحمت دے دیتے ہیں

نہ چھیڑ اے نکہت باد بہاری راہ لگ اپنی
تجھے اٹکھیلیاں سوجھی ہیں ہم بیزار بیٹھے ہیں

 

[گُلِ یاسمیں]

مطلب کہ ہماری املا میں غلطی نہیں ہوئی نا۔

 

[الشفاء]

آپ درست لفظ عنایت فرما دیتے تو ہم بھی دعاؤں کی بوچھاڑ کر دیتے

بقول سید عاطف بھائی درست لفظ اٹکھیلیاں ہے۔۔۔ ہم منتظر ہیں۔۔۔

 

[اکمل زیدی]

روداد سن کر افسوس ہوا آپ کی خیریت نیک مطلوب بس صرف اتنا بتا دیں یہ نیچے والی پلیٹ میں آپ کے پاس آم کہاں سے آگئے ۔ابھی تو کیریاں بھی نہیں آئیں پورے طور پر تو ۔۔؟؟

 

[گُلِ یاسمیں]

روداد سن کر افسوس ہوا آپ کی خیریت نیک مطلوب بس صرف اتنا بتا دیں یہ نیچے والی پلیٹ میں آپ کے پاس آم کہاں سے آگئے ۔ابھی تو کیریاں بھی نہیں آئیں پورے طور پر تو ۔۔؟؟

خیریت تو ابھی تک ویسی ٹوٹی پھوٹی ہے۔
آم ۔۔۔ جرمنی سے آئے اور مزے لے لے کر کھائے۔
یہ سوال اس دن 18 بار ہوا ہم سے۔۔ پھر ہمیں مجبوراً ایک ایک آم بطور سوغات سب کو دینا پڑا۔ آپ کو کیسے پہنچائیں؟؟؟

 

[الشفاء]

آپ بھی؟

نہیں۔ ہمارا اشارہ تو آپ کی طرف اور عبدالرؤف بھائی کی طرف تھا۔ لیکن معلوم پڑا کہ آپ دونوں ٹھیک تھے، ہم ہی یک شد تھے۔۔۔
بہرحال اٹکھیلیوں کے چکر میں آپ کی عیادت رہ گئی۔ کیسی ہے طبیعت اب؟

 

[محمد عبدالرؤوف]

ایک ایک آم بطور سوغات سب کو دینا پڑا۔ آپ کو کیسے پہنچائیں؟؟؟

ہماری باری جلیبیاں پہنچانے کا حکم صادر فرما دیتی ہیں اور جب اپنی باری آئی فاصلوں کا گلہ شکوہ شروع کر دیا،
"باہوووووت نا انصافی ہے رے"

 

[زیک]

آم ۔۔۔ جرمنی سے آئے

جرمن آم!

 

[نیرنگ خیال]

آپ کے سر پر دو بار چوٹ لگی اور آپ نے تذکرہ بھی کر دیا۔۔۔ حالانکہ یہاں کئی ایک دوست ایسے ہیں جن کے سر پر چوٹ کے شدید اثرات محسوس ہوتے ہیں لیکن وہ مان کر نہیں دیتے۔۔۔
تفنن برطرف۔۔۔ میری ہمدردیاں آپ کے ساتھ ہیں۔۔۔ اگلی بار انیس مہمان بلوائیے گا۔۔۔۔ اب انیسواں کون ہے۔۔۔ یہ تو آپ کو پتا ہی ہوگا۔۔۔ تصاویر بہت خوب ہیں۔۔ آموں کو جواب مل چکا کہ جرمن آم ہیں۔۔۔ لیکن جرمنی میں کیا آم بہار کے ساتھ ہی آجاتا ہے۔۔۔ یہ بات حیرانی کا باعث ہے۔۔۔
بہت عمدہ اور احسن انداز سے لکھا۔۔۔ تصاویر بھی عمدہ ہیں۔۔۔ شاد باد رہیں۔

 

[گُلِ یاسمیں]

نہیں۔ ہمارا اشارہ تو آپ کی طرف اور عبدالرؤف بھائی کی طرف تھا۔ لیکن معلوم پڑا کہ آپ دونوں ٹھیک تھے، ہم ہی یک شد تھے۔۔۔
بہرحال اٹکھیلیوں کے چکر میں آپ کی عیادت رہ گئی۔ کیسی ہے طبیعت اب؟

شکر ہے کہ معلوم پڑ گیا۔ورنہ نجانے ہم لوگوں کو کیا کیا پاپڑ بیلنے پڑتے۔
بیلنے سے یاد آیا کہ ابھی تو ہم روٹی بیلنے کی پوزیشن میں بھی نہیں پاپڑ کیسے بیلیں گے۔
آپ نے چار لفظوں میں "کیسی ہے طبیعت اب" پوچھا ہے اور ہم حلق تک بھرے بیٹھے ہیں کہ کوئی پوچھے اور ہم داستانِ درد سنائیں، دل کے داغ دکھلائیں۔
ہر آہ کے ساتھ درد سوا ہوا جاتا ہے،چہرے کا رنگ بھی زرد ہوا جاتا ہے۔ نہ کھانے میں کچھ مزہ رہا، نہ پکانے کا آسرا ہوا۔ پین کلر بھی تو کام آتا نہیں، کھل جائے آنکھ تو سویا جاتا نہیں۔ مگر پڑی رہتی ہوں تانے سر پہ چادر، کہ جیسے رنج و غم سے بنا ہے بستر۔حال اپنا اور کیا کروں اظہار، کسی کروٹ بھی آتا نہیں قرار،
مختصر یہ کہ

تصویرِ مرقع ہوں سکتے کا سا عالم ہے
جنبش ہی نہیں نقشِ دیوار اسے کہتے ہیں

 

[گُلِ یاسمیں]

ہماری باری جلیبیاں پہنچانے کا حکم صادر فرما دیتی ہیں اور جب اپنی باری آئی فاصلوں کا گلہ شکوہ شروع کر دیا،
"باہوووووت نا انصافی ہے رے"

ہم تو مریض ہیں نا۔۔۔ اور مریض کا خیال رکھا جاتا ہے۔
ویسے بھی ہم نے حکم تھوڑی دیا تھا۔۔۔ درخواست کی تھی۔
آپ نے کون سا لا دیں۔ ہم نے تو کھجوریں اور نوڈلز کھا کر وقت گزارا۔ جلیبیوں کی خواہش نے ابھی بھی دم نہیں توڑا۔

 

[گُلِ یاسمیں]

جرمن آم!

ہم نے کب بولا جرمن آم۔۔
جرمنی سے آئے۔ اور تھے بھی اپاہج والے

سرگوشی

لنگڑا آم جیسا ٹیسٹ۔۔۔ واہ

 

[الشفاء]

آپ نے چار لفظوں میں "کیسی ہے طبیعت اب" پوچھا ہے اور ہم حلق تک بھرے بیٹھے ہیں کہ کوئی پوچھے اور ہم داستانِ درد سنائیں، دل کے داغ دکھلائیں۔
ہر آہ کے ساتھ درد سوا ہوا جاتا ہے،چہرے کا رنگ بھی زرد ہوا جاتا ہے۔ نہ کھانے میں کچھ مزہ رہا، نہ پکانے کا آسرا ہوا۔ پین کلر بھی تو کام آتا نہیں، کھل جائے آنکھ تو سویا جاتا نہیں۔ مگر پڑی رہتی ہوں تانے سر پہ چادر، کہ جیسے رنج و غم سے بنا ہے بستر۔حال اپنا اور کیا کروں اظہار، کسی کروٹ بھی آتا نہیں قرار،
مختصر یہ کہ

تصویرِ مرقع ہوں سکتے کا سا عالم ہے
جنبش ہی نہیں نقشِ دیوار اسے کہتے ہیں

شکر ہے چار ہی لفظوں میں پوچھا تھا۔۔۔

سرگوشی

ماشاءاللہ آپ تو شاعرہ ہوتی جا رہی ہیں، معلوم نہیں اردو محفل کا اثر ہے یا چوٹ کا

 

[گُلِ یاسمیں]

آپ کے سر پر دو بار چوٹ لگی اور آپ نے تذکرہ بھی کر دیا۔۔۔ حالانکہ یہاں کئی ایک دوست ایسے ہیں جن کے سر پر چوٹ کے شدید اثرات محسوس ہوتے ہیں لیکن وہ مان کر نہیں دیتے۔۔۔
تفنن برطرف۔۔۔ میری ہمدردیاں آپ کے ساتھ ہیں۔۔۔ اگلی بار انیس مہمان بلوائیے گا۔۔۔۔ اب انیسواں کون ہے۔۔۔ یہ تو آپ کو پتا ہی ہوگا۔۔۔ تصاویر بہت خوب ہیں۔۔ آموں کو جواب مل چکا کہ جرمن آم ہیں۔۔۔ لیکن جرمنی میں کیا آم بہار کے ساتھ ہی آجاتا ہے۔۔۔ یہ بات حیرانی کا باعث ہے۔۔۔
بہت عمدہ اور احسن انداز سے لکھا۔۔۔ تصاویر بھی عمدہ ہیں۔۔۔ شاد باد رہیں۔

ہاں جی انیسواں مہمان "دار فانی" سے بلائیں گے نا۔
صرف ہمدردیاں؟ مطلب کہ آپ سے جلیبیوں کا کہا جائے تو ابھی سے مایوس ہو جائیں۔
ہماری کب ہوئی آموں سے بات چیت؟ ہم نے تو الشفا محترم کو بتایا تھا کہ جرمنی سے ہیں آم۔
حیران تو ہم بھی ہوئے تھے لیکن ہمیں آم کھانے سے مطلب، نہ کہ پیڑ گننے سے اور نہ گرمیوں کے آنے سے۔
تصاویر کا ذائقہ بھی خوب تھا۔

سرگوشی

دو حادثات کا ذکر کیا لیکن کل سے آج تک کے ملا کر چار ہو گئے، اسی لئے تو آج صبح سےخاموش بیٹھے تھے ۔