تقاریب میں مختلف شخصیات پہ اشعار

[محمد تابش صدیقی]

تیرا یہ دل ہو بے ریا، کام ہے راہِ عشق کا
کبر و غرور ترک کر، شہرتِ نام سے گزر
نظرؔ لکھنوی

 

[سیما علی]

اپنی اصلیّت سے ہو آگاہ اے غافل کہ تُو
قطرہ ہے، لیکن مثالِ بحرِ بے پایاں بھی ہے

 

[سیما علی]

تُو ہی ناداں چند کلیوں پر قناعت کر گیا
ورنہ گُلشن میں علاجِ تنگیِ داماں بھی ہے

 

[سیما علی]

سادگی وہ ہو بچھی جائے نزاکت جس پر
تازگی وہ ہو کہ گل کھائے لطافت جس پر
(عروس فطرت)

 

[جاسمن]

تم سے حاصل ہوا اک گہرے سمندر کا سکوت
اور ہر موج سے لڑنا بھی تمہی سے سیکھا
زہرا نگار

 

[جاسمن]

لیے ہاتھوں میں جگنو ایک پاگل
اندھیروں میں اجالا چاہتا ہے

امین اس دل کوکیاسمجھاؤں میں جو
تمہارے ساتھ رہنا چاہتا ہے
امین اوڈیرائى

 

[جاسمن]

‏اِن گُلابوں کی مخبری کی جائے
اِتنی خُوشبو کہاں سے لاتے ہیں
تُم بھی شَاید وہیں سے آئے ہو
اَچھے موسم جہاں سے آتے ہیں

 

[جاسمن]

برا نہ مان ضیاؔ اس کی صاف گوئی کا
جو درد مند بھی ہے اور بے ادب بھی نہیں
ضیاء جالندھری