تنہا

[ہما]

تجھ کو تنہا کر گیا پھر منفرد رہنے کا شوق
اب اکیلے بیٹھ کے یادوں کے منظر دیکھنا

 

[شمشاد]

دل لگا کر لگ گیا اُن کو بھی تنہا بیٹھنا
بارے اپنی بے کسی کی ہم نے پائی داد، یاں
(چچا)

 

[نوید صادق]

کرب پیہم کرب تنہائی کے بعد
کیوں نہ میں ٹوٹا تمہارے شہر میں

شاعر: صادق اندوری

 

[شمشاد]

میں تنہا تھا میں تنہا ہوں
تم آؤ تو کیا نہ آؤ تو کیا
(عبید اللہ علیم)

 

[نوید صادق]

خیر جو گزری سو گزری پر یہی اچھا ہوا
خط دیا تھا نامہ بر نے اس کو تنہا دیکھ کر

شاعر: شیفتہ

 

[شمشاد]

اس کے بعد تو جیسے وحشتوں سے دوستی ہو گئی
پھر کیوں آج تنہایوں نے ڈرایا بہت
(عاصم)

 

[نوید صادق]

آج تنہائی میں دل ڈوب گیا
بجھ گیا صبح کا تارا لوگو

شاعر: رام ریاض

 

[شمشاد]

تنہائی اوڑھ لی ہے، کبھی غم بچھا لیا
مشکل سے زندگی نے کوئی راستہ لیا
(رام ریاض)

 

[نوید صادق]

کیسے ٹھہرے ہو سوچ میں احمد
اتنی سردی میں رات کو تنہا

شاعر: سید آلِ احمد

 

[شمشاد]

آج تنہائی میں دل ڈوب گیا
بجھ گیا صبح کا تارا لوگو
(رام ریاض)

 

[بلال]

جس دن تم کو شام ستائے
سرد ہوا دل نہ بہلائے
جس دن جانا سو نہ سکو تم
تنہا ہو کر بھی تنہا ہو نہ سکو تم
ذرا سی بات پر آنکھ نم ہو جائے
سمجھ لینا کہ میں نے تم کو یاد کیا

 

[شمشاد]

بلال بھائی تیسرے مصرعے میں لفظ ' جانا ' نہیں "جاناں" ہونا چاہیے۔

 

[شمشاد]

میں عالمِ تنہائی میں نکلا ہوں سفر پر
پھر گردشِ ایام کہیں ساتھ نہ ہو لے
(رام ریاض)

 

[عیشل]

میرے حال پہ حیرت کیسی درد کے تنہا موسم میں
پتّھر بھی رو پڑتے ہیں انساں تو پھر انساں ہوا
صحرا کی منہ زور ہوائیں اوروں سے منسوب ہوئیں
مفت میں ہم آوارہ ٹھہرے مفت میں گھر ویران ہوا​

 

[شمشاد]

اِک تم ہی نہیں تنہا الفت میں میری رسوا
اس شہر میں تم جیسے دیوانے ہزاروں ہیں
(شہریار)

 

[عیشل]

بارِ ہستی ہی بہت تھا بستیوں کی زیست میں
نیست کے خوف کو بھی خواہشِ دل کر لیا
ہم تھے تنہا بے روایت ساعتوں کی قید میں
جس سبب سے ہم نے خود کو اتنا مہمل کر لیا

 

[شمشاد]

تنہائی کا دکھ گہرا تھا
میں دریا دریا رویا تھا
اک لہر ہی نہ سنبھلی ورنہ
میں طوفانوں سے کھیلا تھا
(ناصر کاظمی)

 

[عیشل]

وہ جو تنہا کر گیا تو میں ہوں تنہا آج تک
انتہا میں نے بھی کر دی اک ذرا سی بات پر​

 

[شمشاد]

ہر محاذ پر تنہا خود کو ہم نے پایا تھا
دشمنوں کی ہر جانب سو طرح کی گھاتیں تھیں
(نزہت عباسی)

 

[ہما]

چاند تنہا ہے آسمان تنہا
دل ملا ہے کہاں‌کہاں تنہا
بُجھ گئی آس ، چُھپ گیا تارا
تھرتھراتا رہا دھواں‌تنہا