فونٹ جمیل نوری نستعلیق 3 ریلیز!
- صاحب لڑی arifkarim
- تاریخ ابتداء
arifkarim
معطل
اینڈروئیڈ فون سے اسنیپ لیا ہے یا کسی کمپیوٹر براؤزر پر؟
محمد تابش صدیقی
منتظم
براوزر پر ایسا ہی آتا ہے۔ جیسا اس سنیپ میں ہے۔
فہیم
لائبریرین
کمپیوٹر سے کروم براؤزر
arifkarim
معطل
یہ چھوٹے سائز پر ہنٹنگ کا بگ لگ رہا ہے۔ اس ضمن میں کچھ کرنا پڑے گا۔ سب سے آسان حل تو ہنٹنگ کو فانٹ سے نکال دینا ہے مگر پھر کچھ لاطینی حروف گڑ بڑ کرتے ہیں۔ ایک بہتر حل لاطینی حروف کسی اور فانٹ جیسے ایریل سے ریپلیس کرنا ہے۔ سوچتے ہیں اس بارہ میں۔
حسیب
محفلین
ہو سکتا ہے آپ کے پاس ون رار کا کوئی اور ورژن ہو
فہیم
لائبریرین
بہت ممکن ہے ایسا ہی ہو
ناظم رضا مصباحی
محفلین
arifkarim
معطل
انڈیزائن سی ایس 5،5 مڈل ایسٹرن ورژن (تصمیم والا) میں تو یہ فانٹ چل رہا تھا۔ اوپر نمونے میں تو پرانے والا بھی خراب رینڈر ہو رہا ہے۔ آج انسٹال کر کے دوبارہ چیک کرتا ہوں۔
ناظم رضا مصباحی
محفلین
پرانا ہی چل جاتا. پرانے سے بھی ہاتھ دھو بیٹھے.
کوئی بھی نستعلیق فونٹ درست کام نہیں کر رہا. یہ والا منھ چھپا کر ہی بیٹھ گیا اور گیسٹ نبیل نستعلیق کی حالت تو دیدنی ہے.
arifkarim
معطل
ویسے آپ کو کس حکیم نے کہا تھا کہ انڈیزائن کا اتنا پرانا ورژن استعمال کریں؟ صرف تصمیم کیلئے یہ پنگا کیا؟پرانا ہی چل جاتا. پرانے سے بھی ہاتھ دھو بیٹھے.
محمد تابش صدیقی
منتظم
میں نے پہلی دفعہ انڈیزائن ڈاؤنلوڈ کر کے انسٹال کیا۔ اور اس میں اردو سپورٹ ہی نہیں ہے۔ کیا کیا جائے؟
arifkarim
معطل
انسٹال کرتے وقت عربی منتخب کی تھی؟
ناظم رضا مصباحی
محفلین
InDesign CC بھی ہے لیکن پھر تصمیم سے دستبردار ہونا پڑے گا.
Cs4 کا کوئی حل ہو تو ٹھیک ہے ورنہ CC انسٹال کرنا پڑے گا. جمیل کو تو چھوڑا نہیں جا سکتا.
arifkarim
معطل
سی ایس 5،5 انسٹال کر کے دیکھیں۔ غالباً سی ایس 5 میں نستعلیق فانٹس مسئلہ کرتے ہیں۔
کمورا شہباز
محفلین
کیا اس کو میں ویب سائٹ میں بھی استعمال کر سکتا ہوں؟ایک طویل مدت کے بعد بالآخر جمیل نوری نستعلیق کا تیسرا ورژن جاری کیا جا رہا ہے۔ خودکار کرننگ کی شمولیت کیساتھ یہ دنیا کا پہلے اوپن ٹائپ اردو فانٹ بن چکا ہے جس میں اسکی سہولت موجود ہے۔ نیز پرانے ورژن کے مقابلہ میں ترسیموں کی اغلاط کا مکمل صفایا ہو چکا ہے۔
ورژن 3 کی تیاری اور تاخیر کی بعض وجوہات
جمیل نوری نستعلیق کا دوسرا ورژن سنہ 2009 میں جاری ہوا تھا۔اسوقت سے لیکر اب تک ہم نے کئی بار نیا ورژن جاری کرنے کا پروگرام بنایا مگر گھریلو مصروفیات نیز کرننگ کے مسائل کی وجہ سےنئی ریلیز مسلسل تاخیر کا شکار رہی۔ ترسیموں کی اغلاط کو درست کرنا بھی ایک بڑا مسئلہ تھا۔ کیونکہ مینول پروف ریڈنگ میں بہرحال غلطی کا امکان موجود رہتا ہے۔ اسی طرح انپیج جیسی کرننگ فانٹ میں شامل اگرچہ ناممکن نہیں تھا لیکن انتہائی کٹھن ضرور تھا۔
امید کی کرن
سال 2015 اردو نستعلیق ٹائپوگرافی کیلئے امید کی کرن بن کر سامنے آیا۔ سعد نستعلیق پر تجربات کے دوران ترسیموں کی ٹریسنگ پر کافی تجربہ حاصل ہو گیا۔ یوں جمیل نوری نستعلیق کے ترسیموں کی اغلاط دور کرنے کیلئے سیدھا انپیج سے ترسیمے ٹریس کر وا لئے گئے۔ انپیج کی ترسیمہ لسٹ فراہم کرنے کیلئے ہم مکرمی سید منظر کے مشکور ہیں۔
ترسیموں کی ٹریسنگ کے بعد اہم مرحلہ انکی کرننگ کا تھا۔ اس ضمن میں ابن سعید نبیل اور زیک سے مشاورت ہوتی رہی لیکن کوئی قابل استعمال حل سامنے نہ آیا۔
پھر اچانک ایک معجزہ ہی ہوگیا۔ عروض سافٹویئرکے خالق سید ذیشان کو ہم نے ایک ذاتی پیغام بھیجا کہ کرننگ کیلئے ہمیں ترسیموں کی اونچائی معلوم کرنی ہے۔ یہ کام انکی فیلڈ سے متعلق ہے اگر وہ فراہم کر سکیں۔ اگلے دن ہی ہمیں مطلوبہ ڈیٹا فراہم کر دیا گیا۔ اور ساتھ میں ایک نوٹس بھی کہ آئندہ وہ اس قسم کا کوئی کام نہیں کریں گے۔
ہم نے موصول شدہ ڈیٹا پر فوراً کام شروع کردیا مگر نتائج بہرحال بہت اچھے نہیں نکلے۔ اور ہم پھر مایوس ہو کر بیٹھ گئے کہ ذیشان بھائی کی طرف سے پیغام موصول ہوا کہ وہ ترسیموں کی اونچائی کا ڈیٹا استعمال کرتے ہوئے کرننگ ٹیبلز خودکار طور پر جنریٹ کر سکتے ہیں۔ اندھا کیا چاہے دو آنکھیں۔ ہم نے سیکنڈ سے پہلے کرننگ ٹیبل کی کچھ فائلیں انہیں ارسال کر دی۔ کچھ ہی گھنٹوں بعد ہمیں بنی بنائی کرننگ وولٹ میں کمپائل کرنے کیلئے موصول ہو گئی۔ یہ غالباً اگست کی بات ہے۔تب سے لیکر اب تک ہم دونوں نے رات اور دن ایک کر کے انگنت کرننگ فائلوں کی مدد سے بہتر سے بہترین کرننگ کی تلاش جاری رکھی۔ اور بالآخر ایک قابل استعمال فانٹ بنانے میں کامیاب ہو گئے۔ الحمدللہ۔
کرننگ میں مشکلات
مائکروسافٹ وولٹ میں کرننگ کمپائل کروانا ’’کٹا چونے‘‘ کے مترادف ہے۔ اگر یہاں ان مشکلات کی فہرست بنائے جائے تو پورا ناول لکھا جا سکتا ہے۔ آسان الفاظ میں ہم اکتوبر تک ہمت ہار بیٹھے تھے۔ مگر پھر نومبر میں فائر فاکس کی ٹیم نے ایک اہم نکتے کی طرف نشاندہی کی جس کے بعد ہم نے فانٹ کو از سر نو جنریٹ کیا۔ اور پھر دیکھتے دیکھتے یہ فانٹ ویب کیلئے بھی کرننگ کے قابل ہو گیا۔ یوں اس فانٹ کی تکمیل میں فائر فاکس کی ڈویلپمنٹ ٹیم کو کریڈٹ دینا بھی ضروری ہے۔
اسوقت ویب کیلئے فائر فاکس، انٹرنیٹ ایکسپلورر اور مائکروسافٹ ایج پر کرننگ کام کر رہی ہے۔ اسی طرح ڈیسکٹاپ پر مائکروسافٹ ورڈ، اڈوبی انڈیزائن اور لیبرے آفس میں بھی کرننگ بالکل درست کام کر رہی ہے:
نوٹ: فی الوقت فانٹ کا سادہ ورژن جاری کیا جا رہا ہے۔ کشیدہ ورژن کچھ دنوں کے بعد ریلیز کر دیا جائے گا۔ فانٹ میں آنے والے مسائل، کرننگ کی اغلاط وغیرہ کیلئے یہ دھاگہ استعمال کریں۔ شکریہ۔
مدیر کی آخری تدوین:
محمد تابش صدیقی
منتظم
نہیں۔ لیکن جب ٹیکسٹ لکھ رہا تھا وہاں اوپر پینل میں عربی سیلکٹ کرنے سے بھی فائدہ نہ ہوا۔
ناظم رضا مصباحی
محفلین
دھوکے سے cs4 لکھ دیا تھا۔
میرے پاس InDesign Cs5 Middle Eastern version 7 ہے۔ کیا اس میں بھی نستعلیق فونٹ دقت کرتے ہیں؟
arifkarim
معطل
جی بالکل۔ فائر فاکس پر نتائج بہترین ہیں
ان انسٹال کر کے دوبارہ انسٹال کریں۔ اور بالکل شروع میں عربی منتخب کریں۔
سی ایس ۵ میں مسئلہ ہے۔ سی ایس ۵،۵ میں نستعلیق فانٹس ٹھیک چلتے ہیں
محمد تابش صدیقی
منتظم
میں تو سرے سے ان انسٹال کرنے کا سوچ رہا ہوں۔ اس کو سیکھنا الگ وقت کا متقاضی ہے۔ میں نے تو سادہ سمجھ کر انسٹال کر لیا تھا۔