جو دل میں شعر آئے وہ لکھ دیجیے -- نیا سلسلہ

[سید زبیر]

ہوا کے دوش پہ رکھے ہوئے چراغ ہیں ہم
جو بجھ گئےتو ہوا سے شکایتیں کیسی
عبید اللہ علیم

 

[انیس الرحمن]

ممکن نہیں مجھ سے یہ طرز منافقت​

دنیا تیرے مزاج کا بندہ نہیں ہوں میں​

 

[محمداحمد]

شب گزیدوں پہ عنایت کی نظر مت کیجے​

آپ مختار اگر ہیں تو سحر مت کیجے​

​

عبید الرحمٰن عبید​

 

[محمداحمد]

اک دیا ہم نے جلا کر اُن کو بھی ترغیب دی​

وہ دیا تو کیا جلاتے خود ہوا ہونے لگے​

​

عبید الرحمٰن عبید​

 

[نعیم ملک]

ماتمی رنگ کا ملبوس پہن کر دل میں
رات اجڑے ہوے خوابوں نے عزاداری کی

 

[محمداحمد]

ماتم کناں بھی ہوتے ہیں کیا خود غرض قتیل​

اپنے غموں پہ روتے ہیں لے کر کسی کا نام​

 

[نیلم]

شکوہ خدا سے کیسا ،مقدر میں کچھ نہ تھا
ہم جو غوطہ زن ہوے سمندر میں کچھ نا تھا
دور سے دیکھا تو سبھی لال و جواہر لگے تھے
قریب سے دیکھا تو اکثر میں کچھ نہ تھا

 

[بےمروت]

السلام علیکم
روتے روتے سینے پر سر رکھ کہ سو گی ان کی یاد
کون پیا تھا کون پریمی بھید نہ پایا ساری رات

اللہ تعالٰی ہم سب کا حامی و ناصر ہو( آمین )

 

[نیرنگ خیال]

آخری شعر چونکہ سونے سے متعلق تھا تو ہم بھی سونے پر شعر لکھ دیتے ہیں۔

تیرے پہلو میں سو گئی ہوں میں​

اور سونے کی ہو گئی ہوں میں​

 

[شعیب سعید شوبی]

ہر فیصلے کے واسطے سوچا بھلے کرو
لیکن جو کرو فیصلہ لازم ہو وہ اٹل!
(شوبی)

 

[محمداحمد]

ہر فیصلے کے واسطے سوچا بھلے کرو
لیکن جو کرو فیصلہ لازم ہو وہ اٹل!
(شوبی)

آپ کے اور قائدِ اعظم کے خیالات بہت ملتے جلتے ہیں۔

Think 100 times before you take a decision, But once that decision is taken, stand by it as one man. (M. A. Jinnah - In 1937, following elections held under the new government of India Act.)

 

[محمدعمرفاروق]

دل میں جو شعر آئے وہ لکھ دیجئے
زباں پر جو بات آئے وہ کہہ دیجئے
مری نا تواں باتوں کوبھی سہہ لیجئے
ہمیں بھی محفل میں کچھ جگہ دیجئے

 

[شمشاد]

آخری شعر چونکہ سونے سے متعلق تھا تو ہم بھی سونے پر شعر لکھ دیتے ہیں۔

تیرے پہلو میں سو گئی ہوں میں​

اور سونے کی ہو گئی ہوں میں​

اور اگر چاندی کی ہونا چاہے تو :

تیرے پہلو سے چُھو گئی ہوں میں
اور چاندی کی ہو گئی ہوں میں

 

[محمداحمد]

جسے چھو لوں میں وہ ہو جائے سونا​

تجھے دیکھا تو جانا بددعا تھی​

​

جاوید اختر​

 

[نیرنگ خیال]

اور اگر چاندی کی ہونا چاہے تو :

تیرے پہلو سے چُھو گئی ہوں میں
اور چاندی کی ہو گئی ہوں میں

واہ شمشاد بھائی۔ اصل شعر یہی ہے کیا؟ میں نے اصل میں ایسے لکھا پڑھا تھا تو ایسا ہی لکھ دیا۔

 

[شمشاد]

ارے نہیں بھائی یہ تو میں تُکا لگایا تھا آپ کے شعر پر۔

 

[فلک شیر]

آدھے سیارے پر پانی برسا نغمات لیے
آدھے سیارے کے منظر اب بھی دھوپ میں جلتے ہیں

 

[محمدعمرفاروق]

دل میں جو شعر آئے وہ لکھ دیجئے
زباں پر جو بات آئے وہ کہہ دیجئے
مری نا تواں باتوں کوبھی سہہ لیجئے
ہمیں بھی محفل میں کچھ جگہ دیجئے

گر ہو جائے محبت تو آپ دل دیجئے
اقرار ہی کافی نہیں آپ زباں دیجئے
ہمارے مراسلوں کو بھی آپ ٹیگ کیجئے
ہمیں بھی محفل میں کچھ جگہ دیجئے

 

[باباجی]

سوال یہ تھا کہ حُسنِ یار کیسا ہے؟
جواب یہ تھا کہ۔۔۔۔جواب ٰ نہیں

 

[زبیر مرزا]

یہ جسم تو دشت کا ہمزاد ہے شاید
کچھ ریت نگاہوں میں کچھ دل میں بھری ہے