جو دل میں شعر آئے وہ لکھ دیجیے -- نیا سلسلہ

[mfdarvesh]

کبھی کبھی میرے دل میں خیال آتا ہے
کہ چیچہ وطنی، ساہیوال کے بعد آتا ہے

 

[زلفی شاہ]

کیوں نہ رہیں جفا کشیدہ مدام
مسیحا ملا ہمیں ستم کوش ہے وہ
(زلفی)

 

[زلفی شاہ]

وہ مشتاقِ دیدار ہیں میتوں کے
میں مرتے سمے چشمِ وا مانگتا ہوں
(زلفی)

 

[زلفی شاہ]

مِرے ساتھ زلفی ٹہل توا رم میں
رقیبوں کے دل میں دھواں چاہتا ہوں

 

[کاشفی]

اثر ہو سننے سے کانوں کو یا نہ ہو لیکن
جو فرض تھا وہ ادا کر چکی زبان اپنا
(پنڈت برج نراین چکبست لکھنوی)

 

[غ۔ن۔غ]

ایک پل میں ہی ٹوٹ جاتی ہوں
کیسی تم دیکھ بھال کرتے ہو

روگ جتنے تھے میرے نام کیے
میرا کتنا خیال کرتے ہو

 

[پپو]

تو انتخاب رنگ میں مصروف رہا اور کوئی
ترے جنوں میں سیاہ پوش ہوگیا

 

[غ۔ن۔غ]

منزلوں اس طرح ستاؤ ہمیں
تم کو پانے کی جستجو نہ رہے

عشق میں ایسی کیفیت چاہوں
جب رہو دل میں تم، لہو نہ رہے

 

[نورمحمد]

جب تیری یاد میرے دل میں سما جاتی ہے​

سکوں پھر کہاں، کسے پر نیند آتی ہے​

 

[پپو]

منانا ہی ضروری ہے تو پھر تم
مجھے سب سے خفا ہو کر منا لو​

 

[راجہ صاحب]

کیا جانيے خیال کہاں ہے نظر کہاں
تیری خبر کے بعد پھر اپنی خبر کہاں
جگر

 

[ذیشان احمد]

اچھا خاصے بیٹھے بیٹھے گم ہو جاتا ہوں۔
اب میں اکثر میں نہیں رہتا تم ہو جاتا ہوں۔

 

[فرحت کیانی]

تشنگی کے بھی مقامات ہیں کیا کیا یعنی
کبھی دریا نہیں کافی کبھی قطرہ ہے بہت​

میرے ہاتھوں کی لکیروں کے اضافے ہیں گواہ
میں نے پتھر کی طرح خود کو تراشا ہے بہت​

-کرشن بہاری نور​

 

[راجہ صاحب]

ہمارے لب تو دُعائیں جلائے رکھتے ہیں
پر آسماں پہ وہی سردیوں کا موسم ہے

وصی شاہ

 

[حماد]

اک گرم آہ کی تو ہزاروں کے گھر جلے
رکھتے ہیں عشق میں یہ اثر ہم جگر جلے
پروانے کا نہ غم ہو تو پھر کس لیے اسدؔ
ہر رات شمع شام سے لے تا سحر جلے
(مرزا اسداللہ خاں غالب)

 

[راجہ صاحب]

وفا کے خواب، محبت کا آسرا لے جا
اگر تو چاہے تو جو کچھ مجھے دیا، لے جا

ندامتیں ہوں تو سر بارِ دوش ہوتا ہے
فراز جاں کے عوض آبرو بچا لے جا

احمدفراز

 

[متلاشی]

لوگ کہتے ہیں کہ سایہ تیرے پیکر کا نہ تھا
میں تو کہتا ہوں جہاں بھر پہ ہے سایہ تیرا

 

[mr pakistani]

کیفیت چشم اس کی مجھے یاد ہے سودا
ساگر کو میرے ہاتھ سے لینا کہ میں چلا

 

[غ۔ن۔غ]

دنیا کے تذکرے تو طبیعت ہی لے بجھے
بات اس کی ہو تو پھر سخن آرائیاں بھی ہوں

 

[مغزل]

خدائے عمر سے مانگی تھی ایک مہلتِ شب
وہ جس میں تیرے مرے بخت کا ستارہ تھا
م۔م۔مغل
(ایک غزل کا شعر)