فارسی شاعری خوبصورت فارسی اشعار مع اردو ترجمہ

[حسان خان]

دست شُستن ز اُلفتِ کونین
ھم وضو گشت و ھم دو گانۂ ما

غنیمت کنجاہی

دونوں جہانوں کی اُلفت (اور ہوس) سے ہاتھ دھونا، ہمارا وضو بھی بن گیا اور ہماری دوگانہ (صبح و شام کی) نماز بھی۔

دوگانہ 'دو رکعتی نماز' کے عام اور 'نمازِ صبح' کے خاص معنوں میں استعمال ہوا ہے۔
(ماخذ: لغت نامۂ دہخدا)

 

[حسان خان]

حافظ ار میل به ابرویِ تو دارد، شاید
جای در گوشهٔ محراب کنند اهلِ کلام
(حافظ شیرازی)
[اے معشوق!] اگر حافظ تمہارے ابرو کی جانب مَیل رکھتا ہے تو زیب دیتا ہے۔۔۔ [کیونکہ] اہلِ کلام [و قرآن] گوشۂ محراب میں جگہ اختیار کرتے ہیں۔

 

[محمد وارث]

تو گُل و من خار کہ پیوستہ ایم
بے گُل و بے خار نباشد چمن

مولانا رُومی

تُو پھول ہے اور میں کانٹا ہوں کہ دونوں باہم پیوستہ ہیں، پھول اور کانٹوں کے بغیر چمن نہیں ہوتا (دونوں باہم موجود ہوں تو چمن کا بھی وجود ہوتا ہے)۔

 

[اریب آغا ناشناس]

امروز یکم اردیبہشت روزِ سعدی شیرازی ہے۔۔۔۔انہی کا شعر انہی کے نام۔۔۔۔۔۔۔۔۔۔
اقلیم پارس را غم از آسیب دهر نیست
تا بر سرش بود چوتویی، سایه ِخدا
(سعدی شیرازی)
کشورِ فارس کو آسیبِ زمانہ کا غم نہیں ہے جب تک اس کے سر پر تیری مانند سایہء خدا ہے۔

 

[حافظ محمد احمد]

چمنی کہ تا قیامت گل او بہ بار بادا
صنمی کہ بر جمالش دو جہاں نثار بادا
(مولانا رومی)


پس تحریر: اس کا بھی ترجمہ فرما دیں ۔

 

[محمد ریحان قریشی]

چمنی کہ تا قیامت گل او بہ بار بادا
صنمی کہ بر جمالش دو جہاں نثار بادا
(مولانا رومی)


پس تحریر: اس کا بھی ترجمہ فرما دیں ۔

ایسا چمن (ہو) کہ تا قیامت اس کے پھولوں پر بارش رہے۔
اور ساتھ وہ صنم جس کے جمال پر دو جہاں نثار ہو۔

 

[اریب آغا ناشناس]

ایسا چمن (ہو) کہ تا قیامت اس کے پھولوں پر بارش رہے۔
اور ساتھ وہ صنم جس کے جمال پر دو جہاں نثار ہو۔

بہ خیالِ من، یہاں بار ثمر (پھل) کے معنیٰ میں آیا ہے۔۔۔یعنے بار آور ہو۔۔۔

 

[حسان خان]

ایسا چمن (ہو) کہ تا قیامت اس کے پھولوں پر بارش رہے۔
اور ساتھ وہ صنم جس کے جمال پر دو جہاں نثار ہو۔

شاید اِس بیت میں 'چمنی' اور 'صنمی' بالترتیب 'تم چمن ہو' اور 'تم صنم ہو' کے مفہوم میں استعمال ہوئے ہیں۔

 

[حسان خان]

بہ خیالِ من، یہاں بار ثمر (پھل) کے معنیٰ میں آیا ہے۔۔۔یعنے بار آور ہو۔۔۔

به بار/ بِبار = باثمر، میوہ دار

 

[اریب آغا ناشناس]

صنمی کہ بر جمالش دو جہاں نثار بادا

شاید اِس بیت میں 'چمنی' اور 'صنمی' بالترتیب 'تم چمن ہو' اور 'تم صنم ہو' کے مفہوم میں استعمال ہوئے ہیں۔

اگر “صنمی“ سے مراد “صنم ھستی“ ہوتا تو کیا یہاں “جمالت“ نہ آتا؟

 

[حسان خان]

اگر “صنمی“ سے مراد “صنم ھستی“ ہوتا تو کیا یہاں “جمالت“ نہ آتا؟

میرے خیال سے یہ لازم نہیں ہے، کیونکہ مولانا رومی کی ایک اور غزل کا مطلع ایسا نظر آیا ہے:
چمنی که جمله گل‌ها به پناهِ او گریزد
که در او خزان نباشد که در او گلی نریزد

'چمنی که۔۔' کو اگر اِن دونوں ابیات میں 'تم [ایسے] چمن ہو کہ۔۔۔' تعبیر کیا جائے، تو 'گلِ تو' کی بجائے 'گلِ او' کا جواز بھی نکل جاتا ہے۔

 

[حسان خان]

آن بلبلِ مستیم که دور از گُلِ رُویت
این گلشنِ نیلوفری آمد قفسِ ما
(عبدالرحمٰن جامی)
ہم وہ بلبلِ مست ہیں کہ تمہارے گُلِ چہرہ سے دور [ہونے کے باعث] یہ گلشنِ نیلوفری ہمارا قفس بن گیا ہے۔

 

[محمد وارث]

خاکِ من زندہ بہ تاثیرِ ہوائے لبِ توست
سازگاری نکند آب و ہوائے دگرم

شیخ سعدی شیرازی

میری خاک، تیرے لبوں کی ہوا کی تاثیر سے زندہ ہے، کوئی دوسری آب و ہوا میرے لیے سازگار ہی نہیں ہے۔

 

[حسان خان]

می‌پُرسی‌ام به نازِ تجاهُل که عشق چیست؟
بِنْگر به رُویِ خویش که جایِ سوال نیست
(محمد علی جنیدی 'سیاوش')

مجھ سے نازِ تجاہل سے پوچھتے ہو کہ عشق کیا ہے؟
اپنے چہرے کو دیکھ کہ یہ سوال کا مقام نہیں ہے۔
(مترجم: عین بیخود)

× شاعر کا تعلق تاجکستان سے ہے۔

 

[حسان خان]

کاش باران شوم آه ای چمنِ سبزِ بهار
تا بِبارم همه شب بر بر و بر دوش تو را
(محمد علی جنیدی 'سیاوش')
آہ اے چمنِ سبزِ بہار! کاش میں بارش بن جاؤں تاکہ تمام شب تمہارے سینے اور تمہارے شانے پر برسوں۔

 

[حسان خان]

مباد کس چو منِ خسته مبتلایِ فراق
که عمرِ من همه بِگْذشت در بلایِ فراق
(منسوب به حافظ شیرازی)
[اے خدا!] کوئی شخص مجھ خستہ کی طرح فراق میں مبتلا نہ ہو! کہ میری تمام عمر بلائے فراق میں گذر گئی۔

× حافظ شیرازی سے منسوب اِس بیت کے مصرعِ اول کی یہ شکل بھی نظر آئی ہے:
کسی مباد چو من خسته مبتلایِ فراق

 

[حسان خان]

عبدالرحمٰن جامی کی ایک غزل سے دو ابیات:
برخیز ساقیا ز کرم جُرعه‌ای بِریز
بر عاشقانِ غم‌زده زان جامِ غم‌زُدا
زان جامِ خاص کز خودی‌ام چون دهد خلاص
در دیدهٔ شُهود نمانَد به جز خدا
(عبدالرحمٰن جامی)
اُٹھو، اے ساقی، [اور] از راہِ کرم غم زدہ عاشقوں کی جانب اُس غم مٹانے والے جام سے ایک جُرعہ اُنڈیلو؛ اُس جامِ خاص سے کہ جب وہ مجھے اپنی خودی و انانیت سے نجات دے دے تو دیدۂ شُہود میں بجز خدا کچھ نہ رہے۔
× جُرعہ = گھونٹ

 

[حسان خان]

یک جهان رازِ نهان در نگهٔ خواب مرا
صد چمن نازِ سخن در لبِ خاموش تو را
(محمد علی جنیدی 'سیاوش')
میری نگاہِ خواب میں رازِ نہاں کا ایک عالَم [موجود] ہے؛ تمہارے لبِ خاموش میں نازِ سخن کے صد چمن [موجود] ہیں۔

 

[حسان خان]

تو به جان در شده‌ای، هم نروی تا نرود
تو نه آنی که توان کرد فراموش تو را
(محمد علی جنیدی 'سیاوش')
تم [میری] جان میں داخل ہو گئی ہو، جب تک وہ نہیں جائے گی تم بھی نہیں جاؤ گی؛ تم وہ نہیں ہو کہ تمہیں فراموش کیا جا سکے۔

 

[حسان خان]

دلم از دوریِ تو تنگ شد ای مایهٔ عمر
کاش یک شب بِکَشَم تنگ در آغوش تو را
(محمد علی جنیدی 'سیاوش')
اے [میری] عمر کی اساس! میرا دلم تمہاری دوری سے تنگ ہو گیا ہے؛ کاش ایک شب تمہیں سختی سے [اپنی] آغوش میں کھینچ لوں۔