دل کے موضوع پر اشعار!

[شمشاد]

تجھے یاد کیا نہیں ہے مرے دل کا وہ زمانہ
وہ ادب گہِ محبت، وہ نگہِ کا تازیانہ
(علامہ)

 

[عمر سیف]

یہ ممتحن، یہ نتیجہ بدل نہیں سکتا
اے دل فقط یہ ترا امتحان بدلے گا

 

[شمشاد]

کہیں گزرے ہوئے ایام پھر واپس نہ آجائیں
دل بے خوف میں اس کا خطر کچھ دیر رہنے دو
(منیر نیازی)

 

[عمر سیف]

شمع دل شمع تمنا نہ جلا، مان بھی جا
تیز آندھی ہے، مخالف ہے ہوا، مان بھی جا

 

[شمشاد]

میرے آس پاس خواب کی کیفیت ہے
اور میرا دل گھر واپس جانے کو چاہتا ہے
(منیر نیازی)

 

[ظفری]

اتنی دیر ہوگئی کہ دل تمام جل بجھا
راکھ کو کریدتے رہو شرر نہیں رہا

( انجم اعظمی)

 

[شمشاد]

ایک بستی کی حفاظت خوف میں رہنے سے ہے
اور اس کے جشن دل کی وحشتوں کے دم سے ہیں
(منیر نیازی)

 

[عمر سیف]

رسمِ فرہاد پھر زندہ کریں
آؤ پھر پتھروں کا دل چیریں

 

[شمشاد]

کاسنی ریشم میں جسم یار کی یہ جگمگاہٹ دیکھ کر
خوش ہو اے دل بادلوں میں بجلیوں کی مسکراہٹ دیکھ کر
(منیر نیازی)

 

[عمر سیف]

خود کو ہم رازِ دل سنا ڈالیں
کیا خبر رازداں ملے نہ ملے

 

[شمشاد]

ہوئی ہے سوزشِ دل بسکہ داغِ بے اثری
اُگی ہے دودِ جگر سے شبِ سیہ روزی
(غالب)

 

[عمر سیف]

رویا کریں گے آپ بھی پہروں اسی طرح
اٹکا کہیں پہ آپ کا دل بھی میری طرح

 

[شمشاد]

شام جب آتی ہے اپنے گھر کے صحن و بام پر
جگمگا اٹھتا ہے دل قدرت کے اس انعام پر
(منیر نیازی)

 

[محمد وارث]

داستانِ غمِ دل ان کو سنائی نہ گئی
بات بگڑی تھی کچھ ایسی کہ بنائی نہ گئی

جگر مراد آبادی

 

[شمشاد]

آنکھ سے دور نہ ہو دل سے اتر جائے گا
وقت کا کیا ہے گزرتا ہے گزر جائے گا
(احمد فراز)

 

[عمر سیف]

لوگ کیوں آگئے مٹانے کو
ہم نے کب شہرِ دل بسایا تھا؟

 

[شمشاد]

جب بھی یہ دِل اُداس ہوتا ہے
جانے کون آس پاس ہوتا ہے
(گلزار)

 

[عمر سیف]

صورتیں کیا کیا دلِ آئینہ گر میں بس گئیں
ہم سے بے صورت بھی تو بزمِ جہاں میں آئے تھے

 

[شمشاد]

میں نظر سے پی رہا تھا تو یہ دل نے بد دعا دی
تیرا ہاتھ زندگی بھر کبھی جام تک نہ پہنچے
(شکیل بدایونی)

 

[عمر سیف]

سب بےنیاز ہوں کوئی ناز آفریں نہ ہو
اے دل وہاں چلیں کہ جہاں یہ زمیں نہ ہو