دل کے موضوع پر اشعار!

[سارہ خان]

گاہے گاہے اسے پڑھا کیجے
دل سے بہتر کوئی کتاب نہیں

 

[شمشاد]

سینے میں دِل کی آہٹ، جیسے کوئی جاسوس چلے
ہر سائے کا پیچھا کرنا، عادت ہے ہر جائی کی
(گلزار)

 

[شمشاد]

گاہے گاہے اسے پڑھا کیجے
دل سے بہتر کوئی کتاب نہیں

آپ گاہے گاہے کہتی ہیں، میں تو اکثر پڑھتا ہوں۔

 

[عمر سیف]

ایک پھر سے ہم کو حکمِ انتظار آئے
ایک بار دلِ کو بے سبب قرار آئے

 

[شمشاد]

بہت سے زخم کھائے دل نے آخرطے کیا ہے
تمھارے شہر میں اپنا گزارا ہی نہیں ہے
(نوشی گیلانی)

 

[عمر سیف]

سنی جو شہرت آسو وہ خاطری میری
وہ اپنے درد لئے، میرے دِل میں آبیٹھا

 

[شمشاد]

ہر جان نثار یاد دہانی میں منہمک
نیکی کا ہر حساب دلِ دوستاں میں ہے
(پروین شاکر)

 

[سارہ خان]

دل ان کو ڈھونڈھتا ہے، ہم دل کو ڈھونڈتے ہیں
بچھڑے ہوئے مسافر منزل کو ڈھونڈھتے ہیں

 

[شمشاد]

آئیے چراغِ دل آج ہی جلائیں ہم
کیسی کل ہوا چلے کوئی جانتا نہیں
(شمیم کرھانی)

 

[عمر سیف]

لو ! میں آنکھیں بند کئے لیتی ہوں ، اب تم رخصت ہو
دل تو جانے کیا کہتا ہے ، لیکن دل کا کہنا کیا !

 

[شمشاد]

فاصلہ تو ہے مگر کوئی فاصلہ نہیں
مجھ سے تم جدا سہی دل سے تو جدا نہیں
(شبنم کرھانی)

 

[عمر سیف]

وہ دل میں تبسم کی کرن گھولنے والا
روٹھے تو رُتوں کو بھی سنورنے نہیں دیتا

 

[شمشاد]

جانے کون سی دُھن میں تیرے شہر میں آنکلے ہیں
دل تجھ سے ملنے کی خواہش اب سو بار کرے گا
(نوشی گیلانی)

 

[عمر سیف]

اتنی مضبوطی سے دروازے دل کے بند کیے
دل میں اترے گی نہ کوئی ذات تیری ذات کے بعد

 

[شمشاد]

دِل پر دستک دینے کون آ نکلا ہے
کس کی آہٹ سنتا ہوں ویرانے میں
(گلزار)

 

[ظفری]

آنکھ سے دور نہ ہو دل سے اُتر جائے گا
وقت کا کیا ہے گذرتا ہے ، گذر جائے گا​

 

[شمشاد]

شہد جینے کا مِلا کرتا ہے تھوڑا تھوڑا
جانے والوں کیلئے دِل نہیں تھوڑا کرتے
(گلزار)

 

[ظفری]

دل جس کی جدائی پہ دھڑکتا ہے سرِ شام
وہ عام سا چہرہ ہے پری ذاد نہیں ہے

 

[شمشاد]

دِل ڈھونڈتا ہے

دِل ڈھونڈتا ہے پھر وہی فُرصت کے رات دن

جاڑوں کی نرم دھوپ اور آنگن میں لیٹ کر
آنکھوں پہ کھینچ کر ترے آنچل کے سائے کو
اوندھے پڑے رہیں، کبھی کروٹ لئے ہوئے

یا گرمیوں کی رات کو پُروائی جب چلے
بستر پہ لیٹے دیر تلک جاگتے رہیں
تاروں کو دیکھتے رہیں چھت پر پڑے ہوئے

برفیلے موسموں کی کسی سرد رات میں
جاکر اسی پہاڑ کے پہلو میں بیٹھ کر
وادی میں گونجتی ہوئی خاموشیاں سنیں

دِل ڈھونڈتا ہے پھر وہی فُرصت کے رات دن
(گلزار)​

 

[عمر سیف]

اس کے دل پر بھی کڑی عشق میں گذری ہو گی
نام جس نے بھی محبت کا سزا رکھا ہے