دل کے موضوع پر اشعار!

[عمر سیف]

دل تو دیتے نہیں کہتے ہیں خیال اچھا ہے
وہ الگ باندھ کے رکھا ہے جو مال اچھا ہے

 

[تیشہ]

دل تو دیتے نہیں کہتے ہیں خیال اچھا ہے
وہ الگ باندھ کے رکھا ہے جو مال اچھا ہے

بہت خوب ۔

 

[تیشہ]

پھر بھی خوش تھا ،گرچہ میں بے مایا تھا
میرے دل پر تیری یاد کا سایا تھا

بانجھ رتوں میں پھول کھلانے والے دوست !
میں نے کل تجھے کتنا سمجھایا تھا

دل کی دھڑکن روتے میں بھی ہنستی تھی
موسم نے وہ ایک سخن فرمایا تھا

خون کی بہتی ندیا میں بھی خوابوں کا
ہر شب ہم نے اک بجرا ٹھرایا تھا

اب میں اسکے دھیان میں غلطاں پھرتا ہوں
کل میں جسکو خاطر میں نہ لایا تھا

 

[عمر سیف]

شکریہ باجو۔ اور بہت خوب۔

سرخ پھولوں سے مہک اُٹھتی ہیں دل کی راہیں
دن ڈھلے یوں تیری آواز بلاتی ہے ہمیں

 

[فرحت کیانی]

تُو بھی دل کو ایک لہو کی بوند سمجھتا ہے فراز
آنکھ اگر ہوتی تو قطرے میں سمندر دیکھتا

 

[عمر سیف]

اب مری مان بھی لے، مان بھی لے اے مرے دل
اس طرح تنگ نہیں کرتے ہیں اچھے بچّے

 

[تیشہ]

تیرا رشتہ کہ میرے دل سے ہے دھڑکن کی طرح
دل کھنکتا ہے تیرے نام پہ کنگن کی طرح

تجھ سے بچھڑی تو بھٹکتی ہے محبت جاناں
دل گرفتہ سی تیرے شہر میں جوگن کی طرح

شوق ہے تجھکو جداُ ہونے کا لیکن ارشد
راکھ کردے گی جدائیُ تجھے ایندھن کی طرح ، ۔

 

[عمر سیف]

دل پہ دستک دینے کون آ نکلا ہے
کس کی آہٹ سُنتا ہوں ویرانے میں

 

[تیشہ]

جب بھی دل اکیلا ہو، دل میں تم مہکتے ہو
ہر سوُ غم کا میلہ ہو، دل میں تم مہکتے ہو

کب پریشاں ہوتا ہوں چھوٹی چھوٹی باتوں پر
زخم جتنا گہرا ہو ، دل میں تم مہکتے ہو ۔ ۔

کیسی کیسی خوشبوئیں مجھکو تھام لیتی ہیں !
چاند جب نکلتا ہو ، دل میں تم مہکتے ہو ۔ ۔

 

[الف عین]

دل تو سلگا تھا مگر آنکھوں میں آنسو کیوں آئے
مل گئی کس کو سزا اور خطا کس کی تھی
اعجاز عبید

 

[عمر سیف]

دل کے دریا کو کسی پار اتر جانا ہے
اتنا بےسمت نہ چل لوٹ کے گھر جاناہے

 

[ہما]

دِل کے صحرا میں کوئی آس کا جُگنو بھی نہیں‌
اتنا رویا ہوں ‌کہ اب آنکھ میں‌آ نسو بھی نہیں‌
قصہء درد لیئے پھرتی ہے گُلشن کی ہوا
میرے دامن میں‌ترے پیار کی خوشبو بھی نہیں

 

[حسن علوی]

اس کا رونا نہیں کیوں تم نے کیا دل برباد
اس کا غم ھے کہ بہت دیر میں برباد کیا

 

[شمشاد]

.فراز. ایسے بھی لمحے کبھی کبھی آئے
کہ دل گرفتہ رہا دل رُبا کے ہوتے ہوئے
(احمد فراز)

 

[حسن علوی]

دلِ ناداں تجھے ہوا کیا ھے
آخر اس درد کی دوا کیا ھے

 

[ہما]

دل وہ بھی ٹوٹا ہوا دل
اب زندگی ہے جینے کے قابل

 

[شمشاد]

ان میں لہو جلا ہو ہمارا، کہ جان و دل
محفل میں کچھ چراغ فروزاں ہوئے تو ہیں
(فیض)

 

[ہما]

پھرتے ہوئے کسی نظر دیکھتے رہے
دِل خون ہو رہا تھا مگر دیکھتے رہے

 

[سارہ خان]

کون سی چیز دل کے بَس میں نہیں
دل مگر اپنی دسترس میں نہیں

کامراں، عاشقی کی منزل میں
ہے وہی دل جو پیش و پس میں نہیں

 

[شمشاد]

ناموسِ جان و دل کی بازی لگی تھی ورنہ
آساں نہ تھی کچھ ایسی راہِ وفا شعاراں
(فیض)