دل کے موضوع پر اشعار!

[شمشاد]

اداس آنکھوں میں خاموش التجائیں ہیں
دل حزیں میں کئی جاں بلب دعائیں ہیں
(فیض)

 

[عمر سیف]

جن کے سینوں میں‌ دھڑکتا تھا مظفر میرا دل
آج میں‌ان کے لیے بھولی کہانی ہوگیا

 

[شمشاد]

کہہ رہی ہے حدیثِ شوقِ نیاز
سازِ دل کے خموش تاروں سے
چھن رہا ہے خمارِ کیف آگیں
آرزو، خواب، تیرا روئے حسیں
(فیض احمد فیض)

 

[عمر سیف]

فصیلیں دل کی گراتا ہوا جو در آیا
وہ کوئی اور نہ تھا خواہشوں کا لشکر تھا

 

[شمشاد]

سکون و خواب کے پردے سرکتے جاتے ہیں
دل و دماغ میں وحشت کی کارفرمائی
(ساحر)

 

[تیشہ]

درد میں کوئی موسم پیارا نہیں ہوتا
دل ہو پیاسا تو پانی سے گزارا نہیں ہوتا
دیکھے ذرا کوئی بے بسی ہماری
ہم اسی کو چاہتے ہیں جو ہمارا نہیں ہوتا ۔ ۔

 

[شمشاد]

ابھی تک راستے کے پیچ و خم سے دل دھڑکتا ہے
مرا ذوق طلب شاید ابھی تک خام ہے ساقی
(ساحر)

 

[عمر سیف]

اپنا غم سب کو بتانا ہے تماشا کرنا
حالِ دل اُس کو سنائیں گے وہ جب پوچھے گا

 

[شمشاد]

.فراز. ایسے بھی لمحے کبھی کبھی آئے
کہ دل گرفتہ رہا دل رُبا کے ہوتے ہوئے
(احمد فراز)

 

[عمر سیف]

سب بےنیاز ہوں کوئی ناز آفریں نہ ہو
اے دل وہاں چلیں کہ جہاں یہ زمیں نہ ہو

 

[شمشاد]

عشق دل میں رہے تو رسوا ہو
لب پہ آئے تو راز ہو جائے
(فیض)

 

[عمر سیف]

سُنا ہے شہر میں زخمی دِلوں کا میلہ ہے
چلیں گے ہم بھی مگر پیرہن رفُو کر کے

 

[شمشاد]

دل رہینِ نیاز ہو جائے
بے کسی کارساز ہو جائے
(فیض)

 

[عمر سیف]

دل نے بہت کہا کہ تمہیں مہرباں کہوں
اِس ڈر سے چُپ رہا کہ نہ کہہ دو کہیں، نہیں

 

[شمشاد]

کچھ اپنے دل کی خو کا بھی شکرانہ چاہیے
سو بار اُن کی خو کا گِلا کر چکے ہیں ہم
(فیض)

 

[عمر سیف]

آتی ہے چاہتوں کی کہانی پہ اب ہنسی
تم سے بچھڑ کے سوچ کے رخ بھی بدل گئے
اب تم کو دیکھ کر بھی دھڑکتا نہیں ہے دل
تم وہ نہیں رہے کہ میرے دکھ بدل گئے

 

[شمشاد]

تیری صورت جو دلنشیں کی ہے
آشنا شکل ہر حسیں کی ہے
(فیض)

 

[عمر سیف]

ہم سمندر کی طرح ظرف وسیع رکھتے ہیں
دل میں طوفاں چہرے پر تسکیں رکھتے ہیں

 

[شمشاد]

بکھری اک بار تو ہاتھ آئی ہے کب موجِ شمیم
دل سے نکلی ہے تو کب لب پہ فغاں ٹھہری ہے
(فیض)

 

[عمر سیف]

محسن میں اُس سے کہہ نہ سکا یوں بھی حالِ دل
درپیش ایک تازہ مصیبت اُسے بھی تھی